A Letter to voters of Batang Ai

Posted by Iban Abroad

Bala Menyadi di Batang Ai,

Pilihraya N-29 Batang Ai ke sekalitu ukai semina pekara antara BN enggau PR aja tang mega mandang ke pemula BN ke ka mansang ke menoa Lubok Antu ketegar tekat Wong Irup 30 tahun ke udah lalu.

Rega Tanah chukup mudah

Kitai Batang Ai patut agi ingat ka bala BN ke nyebut deka mayar ganti rugi menoa enggau patut tang dibayar enggau $150.00 ringgit aja seikar, nya tanah ti pemadu iya murah dalam dunya tu, ngaga jalai raya ke manah-betar, bisi api tisau jalai, ngaga sekola ke bekualiti, numbuh ka sekola teknikal, ngaga hospital, nyaga penusah anembiak baru ke nadai kerja serta nulong anembiak ke nadai belanja nampong pelajar. Sekola Vikasional enggau hospital ke patut digaga ba menoa Lubok Antu ketegal penusah ampuh menoa ditarit Jabu ke Betong.

Wong Kasai

Wong Kasai ka ditekat baru ngena chara Wong Irup bebayar ka ganti rugi menoa 150.00 ringgit aja seikar.

Jako ka meri peluang anembiak Lubok Antu megai pengawa perintah di Lubok Antu udah berubah kemaioh agi diberi ngagai menoa bukai. Tuan DO Lubok Antu kediatu ukai orang Lubok Antu. Kepala Pengajar ba Ng. Delok Primary School bangsa Melayu. Bakanya mega di Ulu Engakari, Lemanak enggau Ili Pasar Lubok Antu.

Kontrak ngangkut Sawit – orang bukai empu

Lesin kena ngangkut minyak mentah kelapa sawit ari Merindun ke Kuching diberi ngagai bangsa Cina ke mai untung enda kurang ari 30-40 Ribu Ringgit sebulan dlama kandang 30 tahun ke udah lalu sampai ka seharitu.

Kayu balak di ambi – pemansang mengkang nadai

Kayu balak benong ditebang di menoa Engkari enggau Lemanak tang jalai raya ke betar, sekola ke bekualiti, paip ai, tiang api elektrik enggau arus talipaun enda dipansa randau perintah.

Ni Dagang temuai

Jako perintah maia Wong Irup ditekat, perintah BN ka ngemansang ka dagang temuai enggau dagang nupi ikan ari tekat Wong Irup lalu nyediaka beribu iko anembiak Lubok Antu bekerja dia. Diatu, anang ke dagang nya bisi, semina Hilton Resort ke mai duit ke bala BN aja ke bisi.

Menyadi,

Pilihraya ba Batang Ai ke sekalitu tau nyadi ke batu pengukur, batu perangsang bangsa kitai Dayak ngering ka bangsa diri serta nyadi ka pematak Tali tauka pematak Kayau kena kitai ngelaban perintah BN ke udah ngerusak bangsa kitai lebih ari 45 tahun ke udah lalu. Kitai ukai semina ngenan ka menoa enggau ngeringka Dayak Right aja kediatu tang kitai mega benong ngelaban orang ke ngrumpak Dayak Right. Kebuah pia, bala menyadi di Batang Ai, semua Dunya benung meratika kitai bepilih ke diatu. Tambah mega maioh pekara ke besai-besai nuntung kitai Dayak ke diatu iyanya menoa kitai benung diperintah Raja Melanau, Tanah Asal kitai benung dijual sida Jabu, Mawan enggau Jemut ngagai invester lalu sida boleh komisin bejuta ringgit. Surat ensera kitai udah nadai ditunu Taib enggau Mohathir ba Dewan Bahasa Dan Pustaka, Bangsa kitai disabong orang belaya awak ke pechah lalu nyamai diperintah orang selamaia. Bangsa kitai Dayak ditagang orang megai pengawa perintah ke besai pangkat, ditagang ngambi projek ke besai ke tau ngasuh kitai nyadi jutawan, ditagang masuk universiti ngambi kursus ke menyana. Kitai Dayak ditagang orang bejako ke pengenyai perintah BN enggau bangsa kitai lebih agi bala kitai ke mansut ke pengenyai perintah BN ke menoa luar.

Dayak nadai diberi Lot Kedai

Peda ba pasar Lubok Antu, rumah pasar ke baru semoa lot diberi ngagai bangsa China taja pan 99% diau dia tauka bala pemeli barang dia kitai Iban, ngena rega ke murah 280.00 selot tang kitai Dayak diberi rega 380.00 selot. Nama retinya.  Pengawa tu sebaka enggau nyekat kitai Dayak bedagang serta meri duit kitai ngagai bangsa Cina magang.

Menyadi,

Menoa kitai Batang Ai endang sigi unik. Nya penatai kitai Iban sebedau kitai ngerekai ke menoa bukai di Sarawak. Menoa ke endor 15,000 kitai Iban ari perintah Brooke disabong orang bebunuh ngelaban kitai Iban ari Batang Ai, ke dikumbai kitai Bala But tauka Delok Chlora Expidation. Kitai Iban Batang Ai mega orang ke penudi iya taluk ke perintah, nya ketegal Pengulu Kana dianjung perintah pindah ke Lundu. Diatu menoa kitai Batang Ai benung nyadi gelangang endor orang nyabong ngelaban pangan diri. Bala ari BN ke ngari ka perintah ke ngerusak bangsa kitai Dayak ngelaban bala ari PR ke ngiga Keadilan ba maia Malaysia ka numbuh ka parti baru nganti perintah BN. Change We Must.

Dayak Rights

Aku mai kitai Iban di Batang Ai milih siti jalai ditujah kitai pasal penyarut tu iyanya, Kitai negak ka Dayak Right. We fight for Dayak Right means Fight for Native Right or Fight for Civil Right. Sapa-sapa orang ba jalai tu, orang nya meh patut dititihka kitai enda milih iya Taib, Mohathir, Anwar, Lim Kit Siang tauka Nik Aziz. Tang kediatu, PKR benung nuju jalai fight for the Civil Right ke sebaka enggau Fight for Dayak Right. Nya alai manah kitai nguji ningal ke BN dulu lalu mupuk nyukung PR. Pengawa Taib, Mohathir enggau bala China di Sarawak endang udah lama limpang ari Dayak Right. Di Engkilili, YB dipada ka dia bala China magang, di Balleh menoa James Jemut Masing bala China ga diasuh pengari kitai Iban pia mega di Limbang. The worst of all, ketuai kitai nerima bangsa China nya, sampai ka China ari menoa bukai YB Lama Engkilili diambai ari Song, Kapit enggau China ke agi bau tusu baka anak Datuk Ng serta China ke nadai nemu jako enggau culture Dayak diberi peluang ngerumpak penuduk ADUN Iban Sarawak. Perintah Taib ngagai kitai Dayak ke diatu enda nyalah baka perintah niang President Marcos di Philipine, President Suharto di Indonesia enggau President Mugawe di Negiria. Ba bala BN pengawa sida nya mandang ke pengering sida lalu nanda ke pemeli kitai Dayak, tang ba penemu mangsang baru ke diatu pengawa sida nya mandang ke pengenyai, pengamu, politik kotor serta polisi becheping sida ke sebaka enggau perintah Dynasty di China ke selalu ngambi “other people right without justice”.

Pengawa kitai ngemeju ke bansa

Pengawa kitai Fight for Dayak Right agi panjai, alan iya ke bender iyanya kitai enggau orang ba Nation Building ke dikumbai aku enggau orang megai pen nyain cheque duit Negara serta megai kumputer ngerurai ke rancangan ngemansang ka menoa enggau bangsa, megai senyata ngetan ka menoa. Alan ke dituju perjuangan kitai Dayak fight for Dayak Right ukai semina diberi orang pemansang, pangkat, dagang enggau wang tang lebih arinya iyanya kitai enggau orang megai tampuk perintah besai begulai enggau kaban kitai Melayu, Cina enggau Inda sama-sama megai pin nyain cheque lalu nulis rambu pemansang, kitai ukai semina nerima cheque tauka plan pemansang aja. Enti kitai semina nerima cheque serta surat rancangan pemansang menoa ke udah dichetak orang pengawa kitai Iban fight for the Dayak Right agi bedau bepatup ba bandir tauka alan.

Some of the Dayak Right; (When we formed Malaysia)

  • If CM is Malay, Governor must be Dayak or other wise.
  • NCR only can sell to Dayak only and other races are not allowed to own this land.
  • Dayak given priority in education.
  • Government Servant in Sarawak shall given priority to Dayak.
  • Development in Dayak area shall be the same with other races.
  • Economic and industry shall give priority to Dayak.
  • Dayak shall participate in Nation Building.
  • Dayak unity, association, language, culture, social, security and health shall give priority by government.
  • Government shall have a concrete plan to help Dayak in Business and improve Dayak Social Economy.
  • All the land and other Dayak Right which were taken by others shall return to Dayak owner.
  • The Sarawak income from oil, gas, gold, logging industry, HEP DAM and other natural resource shall give priority to Dayak.
  • Land in town, Shop lot, town planning, port construction, patrol station shall give priority to Dayak.
  • Government shall form a body organize by Dayak themselves to investigate the Dayak Right such as land has being taken by others, logging industry without proper compensation, HEP DAM without proper compensation and other discrimination toward Dayak and return all Dayak Right to the Dayak Owner.

Ila kitai ngerurai ke Dayak Right enggau detail ba article ke dudi ila.

Kebendar kitai Iban endang enggai masuk Malaysia. Laban enti kitai Iban enggai masuk Malaysia maia nya menya Sabah-Sarawak enda nyadi masuk Malaysia. Tang umnoputra bebendar amat madah ka diri nyukung Dayak Right above lalu nya kebuah Tun Jugah nyain surat Sarawak masuk Malaysia. Diatu dini Dayak Right di atas bisi diberi sida ke kitai Dayak. Anang ke meri muai iya pungka. Nya diatu, NCR nyadi issue dirumpak orang.

Menyadi di Lubok Antu, kasih kitai Iban.

Isa kitai udah ditingang penusah Wong Irup tang kitai enda patut mai bangsa kitai Iban ke bukai kena tusah diskriminasi oleh bangsa bukai. Belabuh meh kitai ngena udi kitai milih PKR. Anang ngerusak bangsa diri ketegal ka ngenjang ka perut diri aja ari Taju Remaong bala BN.

Taju Remaong tu maioh machan diatu. Bisi nya meri mata duit, bisi meri project kilat baka atap Zink, Mutu injin sepit, belanja tugakan minyak ke digaga Salang ba Tapang Punga empai lama, janji ngasoh kitai nyadi kounsila.

The way we fight for the Dayak Right, can be started with firm small group. Establish book to record all the Dayak Right that has been taken by others and how we has being discriminated. List our what we want or what we attend to do. Elaborate in detail with picture. If possible set up one group abroad. With this book we can start the challenge and highlight to every single Dayak, every single Malaysia and big group in Unite Nation abroad. That is human being nature when they see the discrimination of Dayak in this book, they well say; Ohh.. pretty petty Dayak. Than some will start to get attention and helping Dayak.

Tektik kena Fight for Dayak Right can be accumulated with our meeting or discussion or seminar. Invite expate from oversea for advice. One of the tektik iya ngaga Tugung orang ke udah ngemula ka kitai Dayak. Ngaga lambang orang ke splitting the Dayak and discriminate the Dayak. Form demonstration to any discrimination issue toward Dayak. Orang ke udah discriminate kitai Dayak deka dichunting ba “Bad Side of the History”.

One big thing to do the job Fighting for Dayak Right is getting firm leader and second searching for the budget and  thirdly influent the new comers to register. Enti bala kitai Dayak ari BN nemu reti Dayak right tentu sida lembau nyukung BN tang deh sida enda nemu, utai ke temu sida bakani perut kenyang.

Popularity: 46% [?]

Related posts:

  1. A personal letter from Batang Ai Compiled by Dr. John Brian Anthony Nama berita maya ka...
  2. Berita kami ari Batang Ai Posted by: Apai Rock Enti enda salah aku, Iban LA...
  3. Sarawak BN mai adat Kuminis enggau Junta Posted by Iban Abroad Penemu kuminis enggau junta Penemu ke...
  4. Rating Ari Batang Ai- PKR Menang Written by Dr. John Brian Anthony Pengundi Batang Ai ari...
  5. Salam Jako Pesan ngagai Dayakbaru Source: Dayakbaru contributor Note: Please print and distribute to our...

Related posts brought to you by Yet Another Related Posts Plugin.

March 16, 2009 · Filed Under Education, General, Politic

Comments

16 Responses to “A Letter to voters of Batang Ai”

  1. Unak Semambu on March 16th, 2009 11:10 am

    Manah amat jaku tesau nuan tu unggal. Arap ke text nya bisi disadung ngagai tiap iti rumah panjai, enti ulih ngagai tiap iku pengundi manah agi.

    Arap ke pengundi mega ingat ke pesan bala parti penyakal. Enti BN meri project kilat anang nulak, meri duit sambut, pinta maioh agi enti ulih, mesti ngambi ungkup ke semua diri sebilik, anang ningal ke pangan diri. Enti ulih mali diri baka Ubong, tak tiap minit ngeso ke mua diri minta duit ba BN.

    Anang takut, nadai penulah kitai nerima duit ari BN tang undi beri ngagai PKR. Duit BN nya duit cukai ari kitai empu ke patut lama dikunsi ke sida enggau kitai ngena cara pemansang. Tang ke diatu semina bala YB BN & kuncu2 sida ke tau be-empu ke duit rayat.

    Nama agi, anang muai peluang—–Pinta sereta sambut semua pemeri ari BN tang undi ba ati kitai empu.

    UNDI MIH PKR

  2. Futurist on March 16th, 2009 11:35 am

    Unggal Iban Abroad,

    Correction – President Robert Gabriel Mugabe is from Zimbabwe instead of from Nigeria. Diatu iya udah diganti Unggal Morgan Richard Tsvangirai ari MDC = Movement for Democratic Change.

    Maybe MDC = Malaysian Dayak Congress’ proteem committees in Sarawak should change their definition to get it approved last time.

  3. temawa lama. on March 16th, 2009 12:01 pm

    Manah post ari iban abroad.Diatu ke bendar iban dalam dilema munyi ko jako laut.You choose either
    side BN or PKR dua dua is a wrong choose. Kelebih agi PKR.Unless Iban bisi tuai ke bisi strong character, respected by other, excell in
    thier own field, visionary lalu jujur ngagai bansa diri empu..

    we have none..iya ka ari perintah mr yes man. Ka ari opposition politik ka malas dendam..???

    WE NEED TRUE LEADER

  4. Uchu Aki Ia on March 16th, 2009 2:52 pm

    I can still remember some of the things once written by a local correspondent about Dr. James years ago when he was still a young politician who was very vocal in articulating Dayak’s issues. This correspondent called Dr. James the “Iban Messiah” (in case some of us here are not familiar with this Hebrew word; it means “Saviour”). At that period in time, when he was a member of the opposition PBDS, I reckon Dr. James was indeed worthy to be called the “Iban Messiah”. But today he’s more a “Judas Iscariot” to the Ibans. As the Bible says: “money is the root of all evils”, Dr.James has discovered what money can do. He has learnt a lot from his mentor DPTS Jabu. A lot of people are prepared to sell even their souls for the right price. This exactly what happened to our Iban political leaders who orchestrated, first SNAP’s and later PBDS’ entry into Be End. Some of them became instant millionaire as a reward for bringing these two Dayak based parties into BN, but leaving the very people who had voted for them languishing in abject conditions even until today.

    Some of those BN people who have found instant fame and fortune at the expense of the poor people who had voted them in are now tryng to reciprocate the voters support by dishing out “instant noodles” (“mee segera”) to them. That’s what’s happening in Batang Ai in the prelude to a by-election there. A few days ago Joe Salang announced some multi million ringgit project for BA (I forgot what it was). Today it wais reported in a local tabloid Dr. James is dangling yet another carrot to the voters of BA, in the form of another instant multi million ringgit project (another “mee segera” project). Why announced in now? Is he sure that the road project is going to be funded by the second stimulu package that was announced by Najib recently? Why does he make it seem as if he’s so concerned with the Batang Ai people by announcing a road project for them when he could not even get a road to be constructed to connect Kapit with the rest of Sarawak, even after m0re than 45 years of independence?

  5. Akiq Unsoi on March 16th, 2009 4:30 pm

    Kati Akih Emot nya ka diberi kitai enggau nama Judas Emot Iscariot Asing ke? Apooo…manah amat nama nya unggal! Tentu nyau bakaridon sida indu daha nitihka iya unggal. Aku menya hindu endar ngena nama glamour baka Steve Forsyette John Empangop, Tom Jones Evergreen etc etc…. Setuju ga aku enggau dek Uchu Aki Ia. Akih nya baka ke ulih nganti Tuhan Jesus ngaduka pendiau iban menya. Tang kati baka iya diatu deh? Baka ke nadai apak apak ga nya neh! Anak gamal ke nyau lelese selalu pansut ba Borneo Post neh?

  6. Futurist on March 16th, 2009 4:51 pm

    Folks,

    Gentle reminder – please don’t mixed up this topic with religion. It is a different issue all together.

  7. doomakunyak on March 16th, 2009 5:36 pm

    manah amai penemu nuan nya iban abroad.

    Badu ngarap ke sida BN ngemansang ke kitai, nadai sidanya berani,megai iko pega.. dini nya ulih nyadi CM Menua wai.Lama udah dayak baru nganti sida Jabu,Masing,Liam beserakup ngemaju ke bansa dayak.Nama, ngasoh pecah belah pungka.Abunya enda iboh! ka gie iya ngemeli ke dayak.

    Anang muai peluang tok kitai,PKR aja jalai kitai ulih numbang ke BN.BN Menua Sarawak mesti di ganti.Enti kitai agi nganti poorahh.Ai mata darah nadai meh ulih ngangkat ke dayak setanding enggau bansa bukai.

    Kitai enggai dikangau orang LAKIA ba menoa tumpah darah kiatai empu..

  8. Akiq Unsoi on March 16th, 2009 5:59 pm

    Nothing wrong to compare or name someone with a famous biblical figure such as Judas Iscariut or Jesus for the sake of his pride. I don’t think the Uchu Aki Ia and Akiq Unsoi are mixing with religion. It’s nice to know that someone is good at imitating/impersonating Judas or Jesus.

  9. ABCanair on March 16th, 2009 6:23 pm

    Najib and Taib laugh when Dr. Masing and Jabu are at loggerhead with other Dayaks leaders from PR partners during BA by-election. Whoever chosen by PR coalition must have the full support of PKR, SNAP and DAP if they with to defeat the BN/PBB candidate. BN/UMNO distributed goodies during the Permatang Pauh and Kuala Terengganu by-elections but they failed. I don’t see any difference this time in BA by-election.

  10. Jentau Injin Langit on March 16th, 2009 9:28 pm

    Tak jelan jaku tesau nuan tu unggal!Enti ngenang Manang Masing suba maia era PBDS amat ukai main iya ngeringkatka dayakisme tang diatu bala ukai Manang Masing ke suba.
    Aku ingatka siti cerita:
    Bisi sekali aku raun ba pasar Kapit. Peda aku urang maioh-maioh ba pala wap. Ba tengah-tengah urang ke nyau beansak-ansak nyengau tudah aku.Nemu kita ? Nama utai ti dikemegauka urang?
    Ba tengah-tengah bala maioh dia bisi siku apai tuai urang tak chunguk-chunguk. Tudah aya tu tadi nyual anak kera. Pama ga kera tu nyau jengkak-jengkak ia laban meda bala mensia ke maioh dia Nyadi bala ke chapuh tu tadi laban ka nawar rega anak kera nya sambil ketawa ke ulah anak kera nya tadi.
    Nemu kita, bisi bala ti deka meli anak kera nya ngena rega RM 20, bisi kedua RM30, bisi minta rega RM 40. Tang aya tu enggai wai. Laban kenu ku iya kera nya deka dijual iya RM 100.
    Uji kiingatka cerita tu ba pengawa bepilih Batang Ai tu. Ingat rega kera deh RM 100. Anang kitai ngeletak rega kitai baruh agi ari rega kera. Beribu ukai meh rega kitai tu.
    Cerita tu kala ditusi Manang Masing benung ba PBDS suba. Aku agi ingat amat. Iya nagang kitai ari ulih undi urang. Guna tu kena ngelaban iya.
    Ukai enda tau ambi duit Be End. Tau! HALAL! Tang undi PKR.
    Pantun PBDS suba;
    Tan bubu ridan,
    Ikan keli tama entayak,
    Ambi duit Barisan kena ngundi Parti Dayak.

    Pantun Baru
    Tan bubu ridan,
    Adong tama sangkar,
    Ambi duit Barisan,
    Kena ngundi PKR

  11. Dr.Lachau on March 17th, 2009 2:59 am

    Kera magang, baka nya ga bala pengundi kitai iban ba area DUN Bukit Bergunan suba. Sigi dijangka menang Datuk Seri Dainel Tajem, sehari sebedau muai undi lalu datai NAJIB – Lalu diangkut ia magang bala pengundi ka pasar Lachau ngena baju baru BN lalu makai kolo mee free..etb. Ari siti lalu alah Datuk Tajem, asai enda percayak mudah endar ga rega bala iban ba DUN Bukit Bergunan nya suba.

  12. malong on March 17th, 2009 10:54 am

    Pantun PBDS tu baru ga aku nemu…

    Tan bubu ridan,
    Ikan keli tama entayak,
    Ambi duit Barisan kena ngundi Parti Dayak.

    ka kala dedinga aku.

    tan bubu ridan,
    tama ular sawa,
    ambie duit barisan,
    undi parti dayak.

    ka sama pantun tu…tang maksud ia sama.

    diutu…enti bn meri seratus minta lebih maioh agi enda chukup….tambang pulai mangsang ari ng.ensawie ke pasar sibu enda chukup nya kaban.
    tang maia nyunting ingat ka lambang mata/roket…ngam nya.ngam itu …

  13. uchu keling on March 17th, 2009 3:32 pm

    manah bendar munyi pantun nya kaban….

  14. Unggal Enda Rari on March 18th, 2009 2:31 pm

    rindu bendar ninga jako peransang ke kitai bangsa

  15. brian on March 18th, 2009 10:51 pm

    Kitai anakbiak dayak patut madah ngagai apai indai kitai ba rumah panjai.Tu nang start ari kitai sebilik dulu, kitai sekaban udahnya baru ngagai bala pukai. Nerang ngagai sida pasal tujuan kitai ka nolong bangsa, enggau kuasa ba jari kitai.

  16. Apai Migul on March 23rd, 2009 2:30 pm

    Aku enggai ninga orang bejako madah kadiri enggau badu nyadi Menteri laban nadai orang nganti. Bullshit! Di Amerika abis lama Presidan bekuasa 8 taun udah nya orang bukai nganti iya. Makin lama makin pandai agi orang ke baru.

    Kitai meda Suharto di Indonesia, Marcus di Philipines, laban tekelalu lama bekuasa, salah ngena kuasa, ngidup ka kaban diri aja enggau makai pengaya mensia mayuh.

    It’s time for a change. THE TIME IS NOW!

Leave a Reply




Bad Behavior has blocked 1310 access attempts in the last 7 days.