Akal BN – Pemansang Menua Pesisir
Written By Futurist
Menua Pesisir Jauh Tinggal Pemansang
Menua pesisir endang sigi laun nerima buah pemansang taja nengeri Sarawak udah enggau merdeka masuk dalam Malaysia 45 taun. Perambu beganti perambu dalam Rancangan Malaysia(RM) bisi nyebut enggau ngelansa madahka ungkup duit pemansang menua pesisir lebih agi ba Sarawak enggau Sabah. Pekara nya suah amat dilunjak kitai dalam leka randau maia kitai betalatka perintah ti laun mai tauka meri pemansang. Ari pengelubah pengawa pemansang nya diatur taja udah lama diberi peluang, dia alai mayuh bala rakyat nyau nadai bedulika perintah agi diatu – laban ‘False Hope Syndrome’ udah tebal amat ngenusahka rakyat. Pemansang ti bisi diatur diatu, pemansang ti patut diatur 30 taun ti udah maia jeman niang Tun Abdul Razak suba – penyusunan semula masyarakat.
Nama Bansa Pemansang Bisi Ba Menua Pesisir?
Bansa pemansang ti diberi perintah ba mayuh bengkah menua pesisir endang bisi. Bula amat ga kitai enti ngumbai iya lalu nadai 100%. Tang nama bansa pemansang ti bisi diberi? Tebal agi bansa pemansang ti dibai perintah kena ngampitka mensia ba menua pesisir mayuh agi pemansang ti kelalu mit ti kurang mai ‘value added’ ngagai bala urang ti diau ba genturung endur nya. Dini mih alah sembah penapat inat BN enti sida endang enggai meri pemansang ti menyana. Bisi pemansang diatur ba menua pesisir tang chara urang ngatur iya(nganjung proposal) mayuh sengaja dikeligauka. Nya endang sengaja sida ngaga baka nya awakka sigi tetap enda dikemendarka maia sida baum – they do it deliberately.
Chara Urang Ngaga Perambu Pemansang Ba Menua Pesisir
Ba menua bukai ti udah maju, urang endang sigi amat ngaga pemansang ti menyana. Tang ba menua pesisir lain mimit chara sida iya merambuka pemansang. Nitihka padah sumber urang ti gawa ba dalam upis perintah empu(terima kasih ngagai urang nya laban deka meri penerang ti amat ba senentang pengawa tu – nama urang nya enggau upis perintah alai iya gawa nya enda tau disebut ditu enggaika tudah nyau tusah kena buai kereja ila). Ba menua pesisir utai sengapa diperambu urang din. Ngambika chunto ngaga jelatung(wharf) kena 100 iku tubuh dalam 2-3 buah rumah. Enti dipeda ari ekonomi, endang sigi enda dikemendarka mih pemansang nya tadi. Bah… uji bandingka enggau pemansang ba menua urang. Sekula, klinik, jalai ti manah, enggau mayuh pemansang ti beskala besai ti tau mai ‘value added’ diperambu urang. Maia urang meeting deka ngemendarka(approved) pemansang nya tadi dalam perambu pemansang Malaysia(RM), mesti mih pemansang ti tau mai mayuh ‘benefits’ dikemendarka urang. Kapa urang ngemendarka pemansang jelatung?
Chicken And Egg Situation?
Buah runding ari urang perintah – ‘kira empai mih pemansang ngaga jalai ngagai menua anu menua anu, meri peluang ngagai menua anu dulu laban funds nya apin chukup’, ‘tengah dalam perancangan’, tengah mengeluarkan tender’, sereta mayuh macham mih talat enggau kabuah ti bukai ti nyamaika pending. Tambah mega ari segi (CBA = costs & benefits analysis), pemansang nya kurang meri asil ba menua nya ko sida.
Bah… kati ko ba menua bukai? Enda sama gaya pendiau urang dia kini? Ari menua nya ti mit mih iya tau nyadi besai? Ari menua nya tanah kerapa mih iya tau nyadi pasar. Nama mih kabuah sekeda menua dikelaungka? Baika menua nya dipegai pengari ari perintah pan nadai mih bisi bida. Mayuh tanya bemain ba dalam untak kitai din? Nama kabuah nyadi baka nya? Ko sekeda randau, mayuh pemansang ti patut diungkupka ba Batang Ai ari suba, tang udah ditarit bai urang ngagai menua sitak ti enda jauh ari nya. Bah… baka ni ko tudah Jawah enda engkuda tauka engasak ringat? Salah sapa nya deh – salah Jawah tauka salah urang ti ngerumpak ungkup sitak sida ba dia laban tudah Jawah tu kira ‘duri dalam daging’ ba BN ketegal iya berani ngerara pengawa ti salah?
New Ambauism Phenomena
Ba menua Kaong Ulu, bisi didinga Tuai Rumah ba dia balat ringat enggau akal BN nipu sida. Nama kabuah baka nya? Semua pengawa mih digaga kitai di dalam dunya tu, enti kitai kelalu lama sereta balat amat mejalka urang, nadai urang nya tau enda ngelaban seumur idup. Lama laun nemu mih tudah angkat menchelak ngelaban pengawa ti salah. Anang besalahka tudah Tuai Rumah nya. Iya bisi mih runding. Dalam runding iya din, nadai iya enggaika pemansang enti digaga enggau manah sereta enda bepinang benibung. BN kelalu udah mayuh bechiping ba meri pemansang. Dipelabaka aku, mayuh agi Tuai Rumah berani ngelaban udah tu ila. Tau digagaka statue ba Kaong Ulu ila kena ngingatka pemerani Tuai Rumah nya enti sema iya nyau udah lesi bebadi dudi hari. Awakka anak uchu ichit kitai ingatka – ‘Tugu Ambau’.
Ketuai Dayak Ba BN enda Nemu Merambu Pemansang Tauka Takut Ngaga ‘Proposal’?
Enti naka meri geran RM5,000, atap zink, plywood 2-3 kepin sepintu enggau mayuh utai ti renchik sereta repik pemansang, manah tau enda beri sekali. Kasihka urang ti nerima nya nyau dikemeli – ‘manipulated’ enda salah baka gaya ti nganti buah rian labuh. Pengudah buah rian labuh nyau mansau kubu kena tebuk tupai pekarang. Di menua urang, ngambika chunto, jalai manah bisi tar sampai datai ba pala tangga, datai ba kebun, datai ba wong alai picnic pungka. Tang mih sayau ba menua pesisir di Sarawak semua pemansang nyau baka ti ngaga ‘catuan’ meri beras maia agi jeman Komunis suba.
Lapa enda ngatur pemansang ti beskala besai?
1) Ngambika chunto – enti ati perintah beamat-amat deka ngemansangka rakyat. Gaga baka urang ti ngaga Felda – siap enggau Felda 1, 2, 3… bepuluh-puluh phasa. Siap beri urang pala tanah. Bisi sekula, bisi Masjid, bisi semua ba dia. Bank bisi mih. Ba Lubok Antu, bank pan nadai! Kati gaya urang deka maju dalam dagang enti pemansang dagang ti pengabis mit baka bank pan enda datai dia? Teori ekonomi ari ni kena bala BN nya? Baka ni deka bisi ‘multiplier effects’ ba sitak nya enti utai ti ngemit nya pan enda ulih diperambu?
2) Gaga tauka atur semua urang ti jauh tinggal ba ulu entigis sungai, gumpulka ba genturung endur siti ti tau alai sida pindah nyamai ngatur pemansang – ulih beri semua macham pemansang beskala besai. Nya baru nadai agi betalatka tu enda ‘economic’ nya enda ‘economic.’ Ba senentang tu, enggai nyadi ga nyalahka aki ini kitai kelia ti berumpang muka menua, nya mih entigis ulu sungai mayuh kampung jerung dia berimba. Sida iya ti bendar, lebih jauh agi tinjau maia ‘paradigm’ sida suba. Sida nemu kampung menua nya berega. Kampung menua enti diberi pampas ti betul ba senentang pengawa ngereja kayu, sida iya ti bulih mayuh agi belanja. Tang mih sayau diperimba kompeni kayu sengapa nadai tekat lebih ari ti dikemendarka. Enchuri kayu pungka kompeni ti besai ba menua ulu din lebih ari kawasan ti tau dikereja. Pengawa salah, kati urang enda charut mai senapang tauka ngaga ‘tekat mensia’?
3) Lapa ketuai bansa Dayaks ti bisi ba perintah BN nadai berani ngatur pemansang besakala besai baka nya? Nama mih bangat takutka CM. Enti CM enda ngemendarka perambu nya, iya ukai lurus ati mih deka begulai mai ketuai Dayaks ngemansangka semua bansa. Nadai guna mih kitai mayar duit cukai enggau duit pupu. Nadai mih guna meri pemansang ‘piece-meal basis’ baka nya. Bisi kala kitai meda ketuai Dayaks ba BN merambu vision ungkup Dayaks ti idup ngapar ba semua teluk menua? Pemansang ti ‘comprehensive’? Ukai pemansang bemusim baka musim buah? Nadai. Tauka sida sigi enda merambu tauka kelalu takut ka CM. Enti disemaka baka urang belian dalam pengarap lama, kiraka enda ulih ambi pulai agi mih semengat sida ketuai Dayaks.
4) Munaska urang miskin baruh ari garis kemiskinan enda ulih dipunaska ngena meri atap zink. Urang miskin ba Sarawak ukai Dayaks aja. Agi mayuh mega bansa menyadi kitai bukai sama merinsa. Semua urang ti enda sama ideology politik enggau CM kena ukum magang. Dalam pengawa bepilih kunsil nengeri ti udah lepas, CM bisi nyebut munyi tu ba siti sitak maia bekimpin – ‘enti BN alah ba sitak tu ila, sampai anak uchu ichit, wit, kita ila nadai meda pemansang’ ko iya. Tang sebedau nya, sitak nya mega dipegai perintah bepuluh taun. Nadai ga bisi pemansang ti beskala besai dia. Dia mih kitai meda pemalat dendam kesumat CM ti diatu nyadi Ketua Menteri kitai. Dia mih kitai meda ‘honesty’ iya. Nya mih pekara ti balat amat diketakutka sida YBs diatu.
Consensus
Kena ngujungka karang tu, ditu aku ngambi siti quote – “give a man fish,” say the Chinese, “and you feed him for a day. Teach him how to fish, and he feeds himself for life.” Karang tu ukai ngajar pengawa berikan(how to fish), tang ngelepaska runding ari kena akal. It is about freeing your mind to think in ways that will sustain and nourish our societies from ‘punitive politics of development’ and ‘false hope syndrome’ ti udah lama nanchang runding rakyat diatur urang ‘pseudo-democrats’ ti balat bechiping enda lurus ati.
Popularity: 30% [?]
Related posts:
- Politik Pemansang BN mai kitai Sarawak tesat Written by Dr. John Brian Anthony Politik Pemansang menua Sarawak...
- Pemansang rumah panjai Written by Dr John Brian Anthony Nadai BN – nadai...
- KAMPAL DI MENUA DIRI EMPU – pengawa BN Posted by Bujang Tatau Nya meh upah kitai Iban dadak...
- Ngangkat ke pemansang ari dalam Written by Dr. John Brian Anthony Strategi Politik Dayak dalam...
Related posts brought to you by Yet Another Related Posts Plugin.
Comments
25 Responses to “Akal BN – Pemansang Menua Pesisir”
Leave a Reply
-
-
Total Hits
-
Inspirational word from gkm2020
Pengundi BA,
1. BN menang..semua projek ke dijanji ngagai bala kita, enti enda semua, sekeda amat diberi ngagai kita. Ni maia datai? Sapa ngatur? Sapa bulih kontrak? Sapa kenyang?
2. PR menang..BN Pusat lalu nangi. Takut ke bala Dayak di menoa Sarawak tau numbang ke state BN tau ke sekurang2 nurun ke majority BN ba Federal level. Maioh agi allocation diberi ngagai state kena nunduk ke bansa dayak. Udah datai ditu…Sapa ngatur? Sapa bulih kontrak? Sapa kenyang?
Scenerio diatas nya sigi tetap nyadi..enda milih ni parti menang. Tang ba penemu aku…pedis dulu meh kita di BA dia…kapa ga nunduk ke utai ke RM200-RM300 sepintu nya. Sigi udah pedis…tat ke dulu meh. Enda lama da agi nyau ke State Election…enti tak enda alah asai…maia nya ga minta beru.
MANAH SEKALI TU NGUNDI PKR! Nagai ngawa, undi kia orang, undi kia pun orang agi kediatu. Ngicha meh, bini/laki baru nganka siru agi….!
Good Luck!
Amat munyi ke nuan nya ungal. 200rm enti aku nangkal getah bulih meh aku nyampau nya. BN juta ngambi tanah kitai ungal. Daitu nama Masing udah bejalai nengah menua ke NANG SAN LUBOK ANTU, Nama jalai agi baka 20 taun suba? Berapa pengal udah BN megai Lubuk Antu? Semua sama aja, BN BULA, PENIPU, BESAI
Unggal Futurist,
Bisi kitai kedua kala enggau urang merambuka pemansang lalu kedil agi nya semina ninga rita jalai ngemansangka menua. Bisi meh nya projek ke meri penguntung duit sechara langsung lalu bisi ga kedua nya baka ke nadai apak apak, nadai ulih meri penatai duit ke rumah panjai tauka perintah. Ba penemu aku siku, enti iya projek ke beguna, tang ukai disukat enggau penguntong duit, projek nya pen beguna meh ba rayat. Ambika banding, projek jelatong ku nuan nya. Ba penemu aku ke mapab tu, sigi amat nadai apak apak meh projek jelatong nya. Tang ba kaban kitai ke diau ba ili ke berebut enggau aya Bujang Senang di ili Btg Lupar, jelatong nya beguna kena nyaga kaki enggaika ditagop aya Bujang Senang. Lalu pia mega nyamai alai munggah guni, lanji padi, lumpong mulong, lumpong getah kayu api, guni lada, buah kelapa injak. Enti nyau berindik ba ai maya munggahka barang, bisi ari kaki kita ditanchom ngeli Aya Bujang Senang. Enti nadai jelatong nya, sigi bisi ari kitai bebelat ba tingkah pendai dia unggal lalu enti nadai nasit kitai bebelat ke mulut Bujang Senang. Semua projek ke dator sida ke gawa ba perintah nya endang projek ke nguntongka rayat enti kitai nemu appreciate tujuan iya. Leboh aku gawa ba menua ili, aku selalu mandi ba atas jelatong laban takut terejun ke ai enggaika digigit ikan tapah, jago, lelabi gumba…….
Aku bejalai ngulu Batang Rajang lalu tepedaka mayuh rumah panjai udah bisi tangga besi nurun ke sungai. Nya alai adai si ka bebelat maya ngangkut barang ke bot ekspres. Nya meh unggal, sida ba menua Batang Hajang nya amat begunaka jelatong enggau tangga besi neh ngulihka tan agi enda bingkok patah neh.
YB Dayak:Jabu Numpang,James Masing,enggau yb bn bukai udah kena sumpah Taib mahmuh;barang sapa nyakal penemu iya,disumpah iya ngelantar baka ULAR seumur idup.Nya kebuah sida enda berani nyebut pekara ke amat ngari ke Dayak/IBAN.
(Taib said to his cabinet ministers:Who ever dares to oppose me I make you crawl like a snake)
What say you YBs?
Akiq Hawong, nyau ka nyambung penemu dek aku tu. Jelatong amat beguna endang patut digaga,but just the basic need. We want more than just jelatong,pemansang ke ko aku pemansang ari econony,social enggau utai bukai etc…pemansang ti tetap ukai sementara”instant noddle”, iya nya pemansang ti ulih ngemansang sereta mai pemansang ba pengidup semua kitai Iban.Ngambi ka kitai sama nyingkang sama sereta lalu enda agi bepanggai ba orang bukai agi.
Futurist, pls print this aticle and distribute to LA voters especially ulu area.Nyanka tu tau muka ati sida.
We are desaparately want for change.
Change me must! Vote for PKR.
Aku deka ngamat ka jaku “orang sbangkie” ti madah ka jalai ka NG. SAN, Lubok Antu, ti enda bulih sejengkal penyaoh ari pasar LA pen lalu empai di-blangkin taja udah bepuluh taun BN bekuasa di menua nya. Jalai ti nyau melitak luchak maya ti kia baru-baru tu tadi enda ngipak ka pemadas gambal rumah panjai sida dia. Tang Badak Nyalau leboh ke bejaku nyaut peminta Tuai Rumah malam nya madah ka diri udah meri ia RM20,000 empai lama ke udah, nya alai enda ulih meri baru, ko ia. Kapa guna enggau duit RM20,000 nya ka rumah ke panjai lebih 40 pintu nya? Uji nya adu manah ka agi jalai kia. Nyangka nya meh duit RM500 sepintu ke diberi BN ngagai pengundi di BA, munyi ku cherita ti seblubu seminggu-dua tu tadi. Laban rumah panjai nya nyadi ka palan sida raban BN endur betatam maya bepilih tu.
Udah nya bejaku ga Dr. JJM madah ka Jawah enda tekejaku ka pemansang ngelama ke nyadi MP menua nya dalam kandang lima penggal. Kati ko ia enda brunding ka jaku ia nya tau nganu ia empu? Bah… ukai nya Jawah ke nyadi menteri tang JJM. Nama kebuah ia enda nulong, enda nyukong peminta Jawah suba deh? Aku pechaya Jawah tentu bebendar minta pemansang ka Lubok Antu ngelama ia nyadi MP, tang JJM ti nyadi menteri enda nemu nyaggu ka peminta Jawah taja ia lebih besai agi kuasa ari Jawah baik dalam parti tauka dalam printah. Nyangka nya kebuah Jawah nyau nyida/ngeransi enggai agi nyukong Lutor James, lalu diatu ia ngasai ka enda ulih pajak ka agi nyukong BN enggai ka diri empu nyau di-rampit bula ka rakyat.
Nya alai Lutor James enda patut besalah ka Jawah enti maya ia ke nyadi MP suba kurang pemansang di LA, laban tugas ngemansang ka menua nya ukai patut di-san ia kediri aja, tang patut di-saup, di-sagu ka sida menteri-menteri ke lebih agi ari parti ti sama enggau ia, baka Lutor James. Diatu JJM nganu Jawah, tang ia enda sedar ka nganu diri empu.
Tumbuh meh ia nusi ngagai urang rumah panjai, madah ka penyai serta pemundur menua Anuar Ibrahim di Permatang Pauh din taja Anuar udah lebih 20 taun nyadi menteri dalam BN suba. Kati ko ia enda sedar ka pengurang pemansang ba menua ia empu di Baleh din? Ni jalai ka Kapit taja udah lebih 45 taun S’wak merdeka dalam M’sia? Sapa bempu lesen kayu-balak di-menua Bt. Rejang, lalu sapa ti mayoh bekuli ba camp balak? Sapa ti bulih penguntung besai ari balak? Bejaku nganu urang nemu, tang enda ngasai ka diri empu.
Projek instant noodle nya manahka menua ke aus projek ke selalu enda ampit, ke selalu kena dibelakangka sida perintah politik ke enda tentu nemu gawa ngemansangka rayat tauka sida ke bepenemu ‘sepi asai kita enda nyukong kami’. Aku enda pikir panjai unggal Bujang Bukit Tabujang. Aku nyau puas meda rasong nya enggai enggai nyurutka diri. Nyau iya aja aja ke nyadi C-ing enda alah 25 taun, nyau baka niang Pak Uharto Presiding indon suba. Balat ga penegil rasong nya ba puchuk pempan din.
Ba berita TV3 pukul 8 30/3/09 tadi, peda aku pandai amat aya seduai ibu nya bejaku muji BN neh. Seduai nya meh kitai iban ke enda nemu puas dipegai jelu rasong. Enda nemu diri sida dibalas rasong laban aki ini sida kelia jai enggau raban jelu rasong. Nya meh utai ka dibalas rasong nya ba kitai iban diatu ke ngasoh iya liat amat nyurutka diri ari nyadi C-ing.
Dinga kita cherita tu. Ba menua kami suba, perintah bisi meri projek ngaga gerija ungkus RM25,000.
Udah gerija tembu bala komiti nurun meh ngagai Pejabat Daerah. SAO nya nanya. Mujur projek kita? Nadai Charut?
Kami madah semua mujur. Enti kita ka meda tau meh. Iya amat ga deh, amat udah tembu.
Okay ko iya. Cheque projek kita pansut saritu, tang ku SAO nya, LIMA RIBU PUTUNG PERINTAH.
PERINTAH MERI PROJEK PERINTAH, MUTUNG PROJEK.
Agi ingat aku SAO di Bintulu nya.
Nya aku madah ditu ngambika sama nemu gaya sida ba Pejabat Daerah din makai duit projek. Naka meh kuchik sida iya maya bepilih tu laban mayuh amat “projek mi segera’ BN.
Ti Jawah megai agi meh bakanya, ukai bedau iya deh, bepuluh taun. Ke diatu, Iya nyadi ke jambatan orang aja, dikena PKR ngerembai ke sayap ngagai Batang Ai. Iya nemu ke enda, its all about personal interest.
Tang nya meh kasih, menua Batang Ai kira ke menua bersejarah, tang nandah ke orang bukai bekuasa ba menua nya. Anang nyalah ke bansa bukai, semua bepun ari bansa kitai empu.
Arapka perintah SAO nya enda mutong ongkos projek nya ke lumpit iya empu deh unggal. There must be reason why he cut the cost. I don’t think it is that easy to cut for his own pocket. Anang ka salah sangka agai sida SAO nya dek ungal. Kumbai dek sesenang makai rasuah sebagai SAO. Pedis pala enti ditemu MACC. Bisi meh kedua SAO nya tekelanjur very daring tang mayuh ke jujur amat ngaga pengawa, ko dek unggal.
Pemansang ke datai ba tubuh kitai bepanggai amai ba kitai empu ti besedia nerima semua rentak ka dibai perintah ka megai menua.Ia ukai bepanggai 100% ba sida tuai politik tang ari pengeransing ati kitai empu ngisi awak.Anang sekali kali ngarap ka penyenang datai enggau chara bejalai ngiga kitai, laban utai tu sigi enda nyadi taja pan dunya padam.Tebal agi bala kitai dayak ka nulis Blog tu ukai “berandau ka bakani kitai ulih mansang ngena chara enda betuai ka perintah tauka bansa bukai”. Pejurai ka utai tu ngambi kitai bisi awak tauka endor bejaku ka pekara ti patut lalu nguntung ka bansa dayak lalu nadai ngemedis ka bansa bukai.Dayak mesti ingat kitai ukai majoriti rakyat di menua sarawak tang kitai semina bansa ti maioh mimit ari orang bukai.
Dalam subjek Ekonomi bisi belajarka ‘injection’=(suntikan) vs ‘leakage’=(bocoran). Endang gaya pengawa urang bejalaika projek perintah ba menua negara ketiga(developing countries) baka Malaysia, sigi mayuh ‘leakages’ keluar ari sistem ekonomi. In short, leakages > injection.
Peda kitai maia ngaga jambatan Durin meraka ai Batang Rajang suba. Berapa taun enda tembu? Siku sub-con ngagai siku ngambi quick gain. Tudah ti dudi ti nembuka projek nya ti merinsa laban bajet abis dipelesitka tuju bukai. Monitoring enda dipejalaika enggau manah(not transparent). Nama kabuah pia – laban nya udah nyadi ‘norm’ ba menua kitai ditu – “since it is a norm, it is acceptable” to the culprits. Enforcement is very weak.
Ba Malaysia, kelalu mayuh ‘rent-seeking’ activities. Seagi BN megai, seagi nya mih penyakit tu enda nemu padam. ‘Rent-seeking’ ari bala kompeni lobbyists BN aja apin projek bejalai udah berapa %? Bedau agi dikira ‘rent-seeking’ ari corrupted politicians.
Nama mih kabuah mayuh pengawa enda ulih digaga enggau menyana, laban urang ti megai kuasa minta 1%-?% dulu apin projek belabuh. Dini ka mansang?
‘Lubricant culture’ terlalu menebal sehingga menjadi barah dalam masyarakat dan sistem pemerintahan kerajaan BN sekarang.
Having said that, this statement not perceive as anti-capitalism. Capitalism is encouraged provided all dealings conducted in a transparent manner. For that, Selangor and Penang are leading now to show the leading role for other states to follow.
Let’s emulate Penang and Selangor. How to do that? Let’s teach BN a lesson and give PR a chance to initiate that must needed change for a better future. If PR mess around, we will teach them a lesson too in the future.
EL,
Nama ba BP harinya madah Iban agi majority di S’wak deh..700,000 people? Plus Dayak bukai agi?
Questions are;
1. How many percent out of 700,000 are voters?
2. Berapa iti Constituency Dayak?
3. Are those YBs fight the same caused or just aiming same thing? trying to prove who’s the best and should be given better reward?
4. What about our price? Some may demand 4 more but some bepuluh ringgit pun agree…(gd example indai tuai ke bejako dlm tv3 nya..bc kita ninga ia nanya…UDAH NYA?)May be TV3 pay her to talk..i hope i m wrong!
So…question no 4 n what EL say,I think thats the root cause!
Se agi bansa kitai nadai duit…seaginya meh bansa kitai pedis diputar. Kitai ke meruan penatai pemisi baik agi..tudah ke nadai nya bakani? Maia sakit maia lengit ko orang, dini ka ngadap? Bakani kitai ka nyangkong, kitai empu pun enda cukup. Nya meh enti maia bisi peluang..bansa kitai nadai bepikir panjai…ambi aja or teima aja, ngicha ke bc ke belanja.
Nya meh kebuah penemu, maruah, tanah, undi kitai ‘mudah tergadai!’. Ia ke pemisi tau ke ia ke kaya…berapa iko aja? Sida tu pan ngasai ke utai ke udah ulih sida enda cukup laban bala kaban belayan bukai agi beteraoh ga minta tolong.Agi maioh tusah tau ke merinsa!
THE IBAN/DAYAK DILEMMA? HOW TO SOLVE THIS? Is changing the goverment will improve this situation? But this time, VOTE PR for my poor brothers and sisters in rural areas.
Tun M wrote Malay Dilemma ,why nobody write Dayak/Iban Dilemma?
Bujang Bukit Tebujang,
Au. Bala team PR nerima sadang nuan nya.
Ukai semina kena kimpin ba Batang Ai aja, tang tau kena maia kimpin ba sitak bukai dudi hari ila maia 2011. Mupuk bekayuh mih kitai sebuat belabuh ari diatu.
Unggal semugah,
Tulis mih Dayaks tauka Iban Dilemma awakka nuan tau nyadi instant millionaire kala urang apin bisi nulis bup nya. Sigi laku bup nuan nya ila.
Semugah.Kitai dayak anang kelalu arap ka statistik surat khabar tang uji kitai meda serta meresa statistik tu empu ba opis perangkaan. Arinya baru kitai nemu amai berapa penyampau bansa kitai dayak anang ngira bansa iban aja.Arinya baru kitai nemu ukai bansa majoriti 50% tauka lebih ari bansa bukai.
Unggal Futurist,
Aku asai ke enda ulih nulis bup nya…nesau bala kitai Dayak/Iban ia ke nemu…tau karang bup tu. Enti nulis anang alang2..tak bantai ke magang. Mina nya aja jaga…enggai ke kena buai negeri ila!
EL. Nti kitai bisi bala ba opis perangkaan dia tau pinta utai nya…so that we have a better picture on who we are. Ukai mina tu aja, nyengkaum utai bukai ga.
Ngagai PR-PKR, aku bisi siti cadangan, arap ke kita numbuh ke siti body, kena ngumpul semua statistic pasal Dayak/Iban. Dini kitai ngasai ke diri being vitimised/sideline.
Ari ke bisi acurate statistic bakatu…nyamai Aya Jawah kitai ila bejako ba DUN. Ngambi enda baka bala YB Opposition diatu…dugau2 dalam DUN nadai utai di sebut, tumboh angkat madah ke diri ka masuk BN. Di menua maia kempen, rauh2 madah tu, madah nya…dalam DUN enda di sebut.Hee…geram ati meda! Dulu ga sida Chong, Dominic nya ke bejaku ke hal kitai Dayak/Iban ba DUN. Sida pun ukai bejaku ngapa, bisi facts & figures for them to show. YB kitai Iban pandai magang meh nya dia…tang pemandai sekula udah nadai guna agi udah tama DUN..beguna ke pemandai bukai. Jangka aku YB tu nadai ngaga homework…
Pama ga enti PR-PKR ulih numboh ke utai bakatu…bisi ga peluang endor bala graduate kitai ke agi nganggur nya gawa.
Nya baru jaku kitai ngasi agi didinga orang. Enti nasib manah orang menua luar pun nemu sinu ka bansa kitai lalu nulong.
Kati setuju?
Setuju
anang kita ngundi bn,undi meh pkr……..,anang ka ninga ka pemula bala brooker tanah jjm nya kita,jjm nya lah siko yb iban ti paling bula n penipu bangsa iban,bisi maya ia tulah ila,kubur ia kena sengkubang org,baru semengat ia nemu diri,peda kita bilon kena sida ia maya kempen tu,minyak rakyat kena sida nya,kitai rakyat d asoh sida yb bn bula meli minyak,tembu tampar enggau pala babi enggau yb jjm nya.ia meh suba muai parti dayak,(PBDS).
Enti nitih ka statistik taun 2000, kitai semina 43% ari penyampau rakyat menua sarawak. Nya mandang ka kitai agi ukai rakyat majoriti tang bansa ti ngembuan maioh tubuh ari bansa bukai di di menua Sarawak.Statistik deka digaga perintah baru dalam taun 2010(10 taun sekali).Maianya baru kitai nemu baru penyampau bansa kitai.Aku selalu nimbal penemu nuan laban takut ka semua kitai dayak kelalu temegah ati ngumbai diri majoriti rakyat di menua tu. Penemu bakatu ulih ngasuh kitai lemi, selalu ngasuh kitai enda ngadang serta manjong pala wong aja.Kita enggau aku sama-sama sayau serta rindu ke bansa kitai empu. Rugi ari kitai dayak enti maioh penemu bejaku nganu sida Tuai Raban Bansa(YBs)kitai empu.Aku mai semua kitai dayak merati ke penyampau tubuh di kitai ti amat di menua sarawak serta penyampau dayak ti udah ngerejista nyadi pengundi.Kitai dayak semina tau ngumbai diri majoriti rakyat menua tu enti penyampau bansa kitai ti ngerejista nyadi pengundinya lebih ari 70% tauka lebih ari bansa bukai.Kabuah pia, laban penyampau pengundi aja meh entu ka perintah.
EL…thank you!
Are we aware of the figure? Nya baru nyebut penyampau tubuh enggau registered voters! Bedau agi kitai datai ba percentage bansa Dayak dalam tiap2 sitak DUN. Enti baka menua aku din…DATAI ARI LANGIT PAN CALON DAYAK, ENDA MEH MENANG laban percentage dayak mimit. Bisi ke enda bala kitai bansa ke bisi kuasa berati ke utai bakatu?
Nya alai menua ke bisi peluang endor kitai tau menang, anang jugau kita nya..isa ba menua kami enda ulih.
Diatu orang majak nambah ke state seat..dini endor nya…ukai ba menua sitak kitai. Nama tuju nya?
Sama meh kitai berunding!
Semugah, semua data tu ulih ditemu kitai dayak magang semina kitai burok macha,merati, nela serta bejurai ka ia panjai enggau pangan diri.Penyampau bansa kitai dayak, penyampau pengundi dayak sereta penyampau pengundi dayak nitih ka sitak pan selalu dipeda nuan enggau aku.Retinya nya nuan siko ari kitai bansa dayak ti selalu enda ngadang.Enti nyema orang ka nyadi pengarinya ukai bansa dayak, anang meh kitai lemi ati tang uji berimbai enggau sida bakani pemansang ka dibai sida tau diasai serta disepi kitai bansa bukai.Anang takut serta nyagam orang bansa bukai jai enggau ka kitai ngasai ka diri enda nyamai.Ia ka amat nadai siti parti politik di menua malaysia diempu siti bansa Dayak aja kelimpah ari UMNO(Melayu/bumiputera sabah),MIC(India),MCA(Cina) enggau PBB(Bumiputera sarawak).PRS,SPDP,SUPP,PKR,PPP,Gerakan,PAS enggau DAP(semua bansa tau tama).
EL,
Today u found one…! Pelaba aku nuan pan nemu berapa iko agi dayak ke baka aku nya d luar nyin.Some even don’t read!
What are we going to do?
Semugah, minta kitai dayak ke pandai ngaga siti blog, ngaga siti Blog pasal Analisis Politik Sarawak.Kitai dayak ka pandai ulih meri input ngagai blog tu, arinya kitai nemu manah agi pasal SWOT Analisis kitai dayak.mupok aku