Program Pemansang Enda Diterima!
Posted by Admin
Aku deka nanya runding kitai sebuat pasal penemu dibaruh tu:
Kena 4 April 09 tu tadi kami ari Ruaikitai.com enggau Sarawak Shell bisi deka ngaga program Kimpin Bejaga Ari Api sereta program motivasi ngagai nembiak sekula, cara betanam betupi, enggau utai bukai ba rumah panjai siti ba Tatau, (topik politik sigi enda dibai kami).
Nyadi bala speaker ke dibai kami iya nya Dr. John Brian (Parenting), Dr. Elli Luhat (Smart Farming), Dr. Dusit Jaul (Leadership), Martin Entamin (Wawasan 2020), sereta Edward Awan (Bejaga ari penusah api).
Tang pengawa tu enda diterima orang ba rumah panjai laban sida iya udah di emba ketuai kitai Iban madahka kitai tu orang nagang pemansang. Dibaruh tu email ke diterima kami.
Email tu diterima ari wakil rumah panjai kena 11 March 09
Aku bisi berita ari kami serumah pasal program kena 04/04/09.
Enti sida Bala Bloggers kitai iban nya meri talk….kami enda setuju laban sida nya ari OPPOSITION PARTY.
Enti olih kitai berjalai ka pengawa KIMPIN BEJAGA ARI PENUSAH API nya aja….enda ibok MOTIVASI TALK.
Kami serumah endang setuju enggau pejalai raban kita ti meri Kimpin baka ni bejaga ari penusah api nya.Orang rumah panjai sigi nyukong 100%.
Nyadi tu reply kami ngagai sida iya kena 11 March 09
Baru datai ditasik nyau ka pukul 4 tadi datai. Au pia nya, ok ga enti kita serumah enggai ninga ka motivasi program, tang sayau amat nya, tang ba package aku bisi meri motivasi ka pelajar sereta apai indai nembiak ga laban kena mantu sida belajar awak ka ulih belajar tinggi lalu ulih gawa ba kompeni minyak enti sida pandai ila…laban nya sigi ari objectives WCWS kami ga….nerang ka pengawa SHELL kelimpah ari meri ceramah bejaga ari penusah laban angus.
Bala sida bloggers bisi datai ila tang sida nya ukai datai kimpin politik, amat ga sida bunyi ke baka pemangkang tang sigi pro BN mih nya dia. Sida enti diberi peluang ka meri ajar ngagai kitai rumah panjai cara mantu pengidup kitai diau di rumah panjai, baka betanam betupi, cara apai indai ngintu anak awak ka ngasil ka anak ke cermelang.
Tu email dibalas sida iya kena 12 March 09
Bisi Ambrose call aku, ngasoh aku nanya pasal perkara nya.Ukai kami enggai ninga ka Motivasi Program..munyi ko jako tua ba telefon de malam..siti utai nya aja meh, enti bala penceramah ari Parti Penyakar ( DAYAK BARU ) kami sigi enda setuju. iYA sigi udah ditemu kitai terang-terang ari OPPOSITION PARTI.
Nyadi tu reply kami kena 13 March 09
hi Ambrose,
Nama berita? Au enti mina Dr. John Brian aja ke kena “banned” ok ga, kami pun faham ga nama kebuah nya, sigi bisi maioh bala bukai ulih meri ceramah, nya enti kita serumah setuju ila aku organise ka nya awak ka rancak agi ga program kitai kia.
Email siti agi di anjung kami kena 15 March 09
Ambrose,
Enti seduai Francis ulih berandau enggau kita serumah nerang ka nya ka sida….pejalai meri ceramah tu ukai kimpin politik…nadai bisi bejaku ka politik tang meri ceramah kena mantu kitai dirumah panjai cara ngemansang ka pengidup lalu meransang bala anak skula. Laban enti mina pejalai kami sebuat aja enda meriah ga, nya mih ngarap ka kita ulih nerima bala sida baka Martin Entamin ari SGA, Dr. Jusit ari opis perintah, Dr. Eli ari Agriculture.
Email ari kami kena 17 March 09
Hi Ambrose, selamat pagi. Nama response sida rumah panjai ninga program tu posponed dulu…ukai nama enggai ka ila kumbai perintah kempin politik laban diatu maia ka bepilih mit di BA nya….udah utai reda ila baru ngaga program date nya..
Nyadi kena 8 April 09 sida iya bisi reply baru
Selamat pagi Boss, nama berita, bekeni ka program kita suba, nyadi ka enda.
Bisi cadangan aku ditu laban ka udah meda Pilihan Raya Batang Ai. lalu laban ka progran kita tu begulai enggau RuaiKitai.COM enti ulih program kita tu anang ngemai sida Ruai Kitai legi Rumah Panjai kami kena disiasat.
Pia mega enggau bala bukai ia ka ukai orang Shell. enti ulih bai aja sida Shell.
Program Motivasi ia ka dipadah aku suba semua cancell.Pogram kita tu hanya ceramah pasal bekeni berjaga ari penusah angus udah nya ila kami serumah ngaga program.
Tu email iya ke penudi dibalas kami kena 8 April 09
Hello Ambrose,
Baru datai tengah ari tu….au ila ngaga date kami kia engka udah gawai ila kini diatu udah tied up program. Au baka peminta nuan ka enda ngasuh maie sida RK.com nya ka tusah mimit nya unggal laban aku pin member RK.com ga…tang enti kitai ka ngaga pengawa tu nyadi…let forget about politik dulu… laban kitai nadai berandau ka pasal politik maia nya.
Nya mih ungal enti kita serumah agi ragu ragu pasal nya manah ga enda dulu enggai ka kita serumah kena penusah tegal kami ke nemuai kia.
Info:
Program bakatu sigi digaga kami ninting taun – tuju iya nya meri sereta bekunsi ka penemu enggau orang rumah panjai awaka mansang baka orang bukai. Bala menteri sereta bala YB sigi dibai kami belama enggau ngulu pengawa tu.
Ukai sekali tu aja program kami udah kena sabotag bala sida ketuai bansa kitai. Nama runding sida iya kami pan enda nemu tak enggai meda bansa diri mansang. Baik enti ka nyukung kami tang tu tak nagang. Lapa sida iya empu enda datai meri program bakatu – ukai kami datai minta undi, ukai kami datai deka nyadung pemula.
Popularity: 21% [?]
Related posts:
- Pemansang rumah panjai Written by Dr John Brian Anthony Nadai BN – nadai...
- Politik Pemansang BN mai kitai Sarawak tesat Written by Dr. John Brian Anthony Politik Pemansang menua Sarawak...
- Ngangkat ke pemansang ari dalam Written by Dr. John Brian Anthony Strategi Politik Dayak dalam...
Related posts brought to you by Yet Another Related Posts Plugin.
Comments
25 Responses to “Program Pemansang Enda Diterima!”
Leave a Reply
-
-
Total Hits
Inspirational word from gkm2020
Sinu endar ga aku ninga sida nya dia, mabu endar runding bala sida nya.
Ari nya kitai merati ka bala bansa kitai tak kelalu takut nerima penemu, iga ga sida dia tak enda nemu nyarap penemu kediri empu. Enti utai ka dipadah orang enda meruan sida tak ninga ka aja,lalu tau enda nitih.
Udah manah orang deka mai berandau ka penemu engka icha penemu/runding nya tau diguna kena kitai ngemansang ka diri.Enti bansa kitai tak baka nya magang tusah amai kitai deka ngenchelak ka bala kitai ke di rumah panjai. Enggai enda nganti bala perintah aja baru ka ninga, pelaba ka aku penemu perintah enda meh tak menyana magang.
Aku arap ka bansa kitai anang tak baka ko jako laut “macam katak bawah tempurong”. Kitai ka berunding positively ukai negetively.
Aku arap ka bansa kitai sama belajar lalu nemu betanya enggau pangan diri pasal penemu kena kitai ngemansang ka diri enggau bansa.Enti kitai enda ngubah sikap kitai empu, nyadi nadai jalai meh orang bukai ulih ngubah diri kitai empu. Arap ka kitai anang tak kelalu nutup runding diri empu.
Tinggal ka dulu meh penemu politik bebagi bulu, leboh kitai ka berandau ka pengawa/runding ti tau nulong nyungkak ka pemansang kitai empu.Laban runding/penemu kitai enggau siko-siko endang nadai sebaka, nyalai kitai ninga deka runding/penemu orang bukai.Nyangka iya tau diguna nyadi ka pelasar kitai empu.
Dalam penemu aku, kitai pan enda tau mejal sapa-sapa mesti ka ninga penemu/runding siko-siko. Kitai ga demokrasi…endang bisi hak ngambi ka diri.Tang taja pia runding kitai mesti ka tebuka,lalu sanggup nerima perubahan ngikut ka arus pemansang bansa bukai. Anang meh kita baka aki-ini kitai kelia ke betapa ka ngiga penemu sida petara antu, petara jelu sereta petara panggau ngambi ka ulih ngiri kitai enggau penemu.
Utai tu nyangka enda nyadi agi..enti bisi, laban kita enda nemu. Anang tak kelalu ninga tauka nunda cherita tuai kelia ke ditusoi sida Thomas ba RTM, laban nya semina ka pemarindang serta ka pengingat kitai aja.
Kitai mesti ka sama nyingkang enggau bansa orang, anang agi bekerendut dada lalu ngarap ka sangkong petara belama-lama.
Kitai aja meh ti ulih nukar kitai empu tauka bansa kitai empu. Anang ngarap ka orang bukai tauka bansa bukai.
Mupok aku, nadai tentu penemu tang semadi enggai enda.
Enti munyi ko timbal ba email nya, berupai amat bansa kitai Iban especially orang ba rumah panjai takut amat di gap bala pemegai pengawa perintah ke saritu. ari nya sida ia sanggup ngiar ke tisi masa depan anak sida ia empu, pejalai nuju penyamai pengidup sida ia empu, anak sida ia empu serta bansa sida ia empu.
Nama enda orang serumah nya nyanggup aja ngelak ke bala kitai ngaga talk ba rumah sida ya lalu pending ke dulu buah runding ke deka dibantai ke bala speakers. Taja pan enda smeua utai ke disebut nya manah magang, tang meh beri meh peluang ngagai bala sida speakers mantai ke penemu sida ia, lalu ke manah nya tau dambi nyadi ke lalau dalam pengidup sida ia.
Uji mimit meh selepak ke ruang dalam runding sida serumah nya, ngiar ke pengawa politik ke tisi semina sari nya aja dalam taun tu. Laban aku pecaya, kebuah ka ngaga talk ba rumah nya sigi ari dibai ati ti tuchi ka mantu ngangkat ke living standard bansa kitai Iban empu especially ba rumah panjai nya empu. Nadai mimit pan bala speakers ka nyelit ke issue politic dalam setiap ceramah sida ia. Gak kitai sama bela meda nama topic ke deka dibantai ke siko siko udah dirintai ke magang, nadai pun aku meda issue politic dia.!
Nama kebuah bala ari Dayakbaru enggau Ruaikitai.com nyu dipeda bala orang ke megai perintah nyadi raban Party Penyakal (baka ke timbal email) di atas nya tadi.? Lets we clarified this point.!
Dayakbaru enggau Ruaikitai.com members is not an oppositions.! we a the fighter because we’re genuinely fight for our right that we’ve deserve to get it.!
Ukai reti ia orang ke enda selubang penemu enggau bala perintah ke diatu nya Party Penyakal, tang meh laban sida ia semina enda setuju enggau cara ke dikena perintah diatu bejalai ke pengawa.! Sapa ka mantah enti kitai ngaga pengawa enggau manah, lalu adil dalam semua kerja.? Nadai.. Reti ia, nama orang bisi mantah kitai, we can’t meet their expectations.! that it.!
ari ke betanya ke penemu enggau pangan diri kitai ulih ngulih ke sigi penemu ke betul betul ia ulih adil ngagai semua orang. Nya meh utai kedeka bala rayat ke diatu. ukai enggai ke Perintah BN tang enggai ke Orang ke bejalai ke pengawa perintah BN ke balat amat ngerakal rayat.! as simple as that.!
Pulai ngagai issue rumah email tu tadi:-
enti majak baktu meh cara bala orang ke ukai Oppositions (keno ko sida nya) meh.. meda pejalai charity job ke deka digaga bala Dayakbaru enggau ruaikitai.com nya, nadai jalai kitai deka mutar ke bansa kitai agi. laban enda semua bansa Iban kepandai ke nemu utai nya ka nyukung pengawa ke manah baka tu. Mayuh agi ke deka ngelabuh ka ya pungka.
Ya lapa sida ia enda ngaga deh enti orang dayakbaru & ruaikitai enda tau ngaga deh.?
Ulih sapa sapa antara kitai ke ditu madah ngagai aku sapa ke madah tauka nesau ngagai orang serumah panjai nya ke enda ngasuh bala ari Dayakbaru enggau ruaikitai.com tu Party Penyakal baka ke dipadah sida nya. Aku ka nerang ke ngagai ia enggau silik nama reti penyakal, tuju nyakal enggau mission bala penyakal ke bendar.
Pia mega aku ka nerang ke ngagai ia nama kebuah pengawa charity ke baka tu enda sepatut ia dibanned lalu bala speakers nya enda patut dibanned laban tuju sida nya tadi cukup manah dalam kitai ka ngemansang ke pendiau rayat kelebih agi ari pengawa besekula enggau betanam betupi baka enggi dr. dusit. so, nama the main reason sida ia nyekat pengawa talk tu.? Can somebody please answer me?
nyak tanda pandak runding bala tuai rumah.
TUAI RUMAH…TU MEH NADAI GUNA,NYEKAT ANEMBIAK.
AGI KA DIATU AKU NADAI HORMAT NGAGAI JAKU TUAI RUMAH AKU….(DALAM POLITIK).AYA AKU EMPU TUAI RUMAH NADAI MEH AKU MALIK RUNDING SIDA……JENIS YES BN.
PARAIDAYAH!!! TUAI RUMAH….
Taniah Tuai rmh…
pia meh kitai, ketegal gaji kitak rm450 sebulan anak ucuk cicit kitak ka susah ila, diatu senang meh kitai agi bc tanah, ila????
Owh.. ndai meh tuai rmh maca blog tok, ke temu sida semina ngira untung di beri BN.. MADAH ka bla tuai rmh UNGAL..
Dear Malong,
Tuai rumah dibayar gaji ulih printah nya sida ya jenis ka YES BN..sida iya takut enggai ke dibuai printah, sama mega org ke kerja printah enti ditemu org..tapi aku hairan..menoa kitai tu ngamal ke demokrasi..enti nitih, printah nadai patut nyekat org ka milih sapa, taja sida iya kerja printah. Semua bisi hak memilih kediri empu..nya meh nama demokrasi..bala sida tuai rumah tu patut diubah runding sida iya pasal demokrasi..enti sema kitai tu nadai hak ka milih sapa selain milih printah..nya meh dikumbai pemerintahan kuku besi..ukai demokrasi..
ngagai org ba rumah panjai tatau,
Org udah manah ka meri program ti ka mantu kitai iban, enda kisah la sida iya ari ni..uji tanya ngagai sida, printah bisi meri program baka nya ngagai sida, siap ka datai ba rumah agi..uji baka kami tu, ka ngulih ke pemandai bakanya nyau sanggup mayar enti lebuh bisi kursus digaga org, nyau ke peneka ke ngiga penemu lebih2 agi ke manah baka Smart Farming, Leadership enggau parenting..nadai ngawa ga..sida ga rugi sida ngai nerima..ngiga org ke ka nerima ga..
Sinu amat meh kitai Iban malu nerima pemansang. Sa agi runding TR baka nya kitai mengkang enda mansang. There is element of truth in TR thinking as they will be sidelined with development funds.
It will be a challenge to convince them of our sincerity/good intention.
Tu meh rega(impak) ti perlu di tanggung dalam politik. Politik nadai ngira utai manah tau ka jai, Ia ti penting nya kena ngenan ka penududuk/pengaruh/kuasa aja. Kitai udah maioh sejarah politik tang nadai di tulis enggau silik. Ba peragam aku, dulu minta ampun nggagai nuan DrJB, manah kita ngemeran ka pengawa nerang/ngerembai/nyibar ka penemu/runding utai ti ulih peda kita, ti ulih meda utai ti enda di peda bala kami baka ti udah enggau lebih agi. Ba politik minta nuan nyadi pemerhati engau penganalisis berkecuali aja (enda iboh ngasoh ngundi sapa-sapa). Trang ka rega/impak/implikasi aja. awak ka sida ngaga pemutus/nimbang kediri empu enggai ka nyadi utai ti baka tu (enda ulih nyalah sida laban runding kitai udah dibentuk orang bakatu, enda iboh nyebut sida ka nadai pelajar, indah enda bala ka bisi nemu mimit/maioh pan baka tu). Sayau meh/ rugi meh bala ti agi aus ka utai ti di ulih peda runding kita, sida/kami/semua meh ke perlu ka orang baka kita ti sanggup rugi masau ari datai meri penemu. Enda iboh ngena cara ti kelalu radikal laban kami semina ulih nyukong nuan tang enda ulih/bedau sedia enggau nuan nerima rega/implikasi ti datai ari tindakan radikal nya. Enda iboh dalam politik pan, nuan ulih meh beperanan ngemansang ka runding/pendiau kitai dayak ti agi tinggal. Ngambi ka nyamai agi nadai tentu halangan baka ti nyadi ba Tatau tu. Minta ampun endar-endar Dr, Enda patut aku meri jako ka pekara baka tu ngagai nuan.
Let me share a few minutes with you.
I wrote a short article before: “Subsistent; longhouse Pedagogy,” where I mentioned we Dayaks are satisfied with status quo. Everywhere I moved among the Ibans (sori, I moved among Ibans only lah), I hear, “Merinsa meh kami Wat, Merinsa kami ditu Dom, Peda pengidup kami Unggal.” The words that never leave my mouth are: “Then why don’t you do something about it?”
Let me say Dr Elli’s Seminar is first his technical skills, but he is also showing his experiences. If he can do it, it is do-able. If he succeeds, it is succeed-able for us. What therefore is our barrier?
1. Cognitive capital? Come on lah, we Dayaks can think, can we? We know where Empurau stays and we all know what it eats. We all know how to plant Jatropha, it’s like plating your buah timun or buah peria – I am wrong because even buah timun, peria, buah retak are NOT found around the longhouses. So we can’t plant timun, Jatropha, oil palm.
Various on-line forums (Iban) discussed why market agriculture is no practiced by Ibans. Some of the reasons given are: logistic (no road lah), capital (have to buy seeds?), ignorance… ignorance? Maybe, one man in my village refused to sell his lia (ginger) laban malu peda orang nyual utai tanam. Malu for what, I asked. “Dek enda nemu, Seliong.” That statement left me scratching my head.
2. Cash Capital? Let me repeat this story. One man, rather poor was mentioning “Musim rian suba, bisi endar kami duit.” My unspoken question: “So where is the money now?” Musim engkabang (unless the trees have been chopped by loggers), musim dabai – these are windfalls that Ibans can utilise for infusion of God-given capital. (Also it grows on trees).
How much is the capital for a fish pond? Gaji numbak, gaji nekat – maybe RM5,000. One durian season, can we get RM2,000? “Oleh Wat Seliong, tang nuan enda nemu enti bisi duit. Kelut kelut ga ka meli utai.” My head is getting bald from scratching.
Umbas, dua point aja, lagi orang ngano. Enti Dr Elli ngaga “Swiftlet Ranching Seminar,” ka aku enggau.
Tuai rumah ba menua kami enda datai primary 6. Bumai enda, nangkal enda,mina diau ba rumah panjai ngarap ke gaji 4 ribu 5 ratus sen. Nyadi manager rumah panjai ko jaku tang nadai utai menyana diatur. Semina nganti projek ari YB ngau ngelesap ke duit JKKK. Tuai rumah ke baka tu sigi ngai meda rakyat ia mansang baka polisi YB Bn ke engai kitai Dayak mansang. Tuai ke baka tu sigi udah diajar BN, udan diberi taklimat BN. Dosa besai enti tuai tau ke apai indai nagang bala anak-ucu bulih penemu ngemaju ke diri. Kitai ke tuai tu nadai mayuh runding, pagila lusa mati D. N. Don’t deprive our children and grandchildren of a decent future!! PLEASE
Terang amat diatu enggai enda enggai orang maioh meda Dayakbaru nyokong parti penyakal ari segi jako ba blog sereta pejalai leboh kempen di Batang Ai.
Tuju Dayakbaru meri penerang pengidup ngagai rakyat Dayak, kelebih agi orang di menoa pesisir nya cukup manah. Tang laban penemu orang udah manggai madah ke Dayakbaru nya orang ari parti penyakal, nyalai tusah meh bala orang rumah panjai nerima.
Enda diterima enggai ke kumbai sombong tauke enda beguna ke tolong orang, diterima takut ke enggau parti penyakal. Enti tudah iya nganti tolong perintah dalam maioh macam hal, takut meh iya di sangka udah nyadi penyakal. Tusah idup tu, orang ke semina meda seteta ngerara nyamai, kitai ke nanggung hal diri empu nya ke tusah.
Bala Iban rumah panjai diatu maioh pandai sekula, anak sida iya bisi maioh educated. Anambiak iya ke udah besai nyau sekula tinggi ninggal ke rumah panjai. Iya ke agi mit, bisi diau di boarding tauke sekolah secara pulai hari ari rumah panjai.
Pandak jako bala Dayak/Iban bisi ngembuan sekolah. Maioh utai oleh di pelajar ke sida ba sekolah.
Ari segi topik:
Parenting
Smart Farming
Leadership
Wawasan 2020
Bejaga ari penusah api
Bah sapa ke batang amat ke deka diajar tua deh?
Ba topic nya ukai semina orang rumah panjai aja ke nguna penemu nya tang serata mensia dalam dunya tu.
Enti apai indai ke diau di rumah panjai pandai nyadi apai indai (as parents), pelaba aku kadang2 sida iya jauh pandai agi ari orang di negeri.
Ari segi house on fire – design rumah panjai, ti digaga ari kayu cukup rangkai, ti sepintu empa api, sekayu rumahpanjai abis angus. Tu ukai laban kitai enda nemu nyaga/ngena api, tang laban design rumah ke bakanya.
Enda iboh rumah panjai, kedai batu di pasar pin kala angus sekayu block. Nyalai na senentang nyaga api nya, engka bela pemandai meh orang rumah panjai enggau orang di pasal. Enti enggai semoa angus, aram meh kitai ngagai rumah pandak.
Taja pia – tau pajak ga ke pengawa community service nya. Pengawa nya cukup manah laban iya digaga enggau hati ti sinu meda orang. Tang pelaba aku manah agi ti enda ngena nama Dayakbaru, semadi meh Dayakbaru ulih ngubah perception bala maioh – iya nya Dayakbaru nadai unsul politik.
Kemaia meh kitai bansa ulih mansang baka tu. Tusah amat berunding ka utai baka tu. Bala kita di rumah panjai lalu tetap deka tinggal pemansang sekula sereta runding ketegal ditagang/keremba bala YB kitai nengah tuai rumah/penghulu.Nya utai ka deka dipeda sida, rayat merinsa.
mesa ni rm450 gaji bala tuai rumah wai.. hakhakhak. aku gawa nuci pingai ba hotel selangor maia cuti sekula bisi meh semak rm500 (gai nda up mimit) .
Kitai deka meransang ke bala anak icit sikda ba rmpanjai disekat sikda , nyak penemu bala tuai rumah puih~. lagi maia gawai tauka rami nemu gaga atur. cth: enti belaya ukum manuk siko .. hahkhahakhak.. wait and see bala anakbiak rebak baru maio pansut ari U / Kolej ilak. nyak baru sikda nemu. Gaga party Baru tang begulai enggau PKR.
*Bala Tuai ke baka diatas nyak tadi nda nemu bagi nama reti penyakal tauka nama reti penemu. Tanjak pan penyakal tang kitai meri penemu ti manah , nda gira penyakal ka party dacing ka party cap pala manuk ka , enti mai penemu sigi dipinta , Enti maia politik nyak lain ga cerita.
abestos lalu. kin kina kin kina ujung2 buyah sawah. dibei tau lalu.
nyak aja ari aku Dr.John .
*Kirim salam aku gagai sikda lady,tatek.
Akih Iong,
Aku pandak hunding, Iong. Semina ka training nimbak aku tu. Laban bisi endar sida semawa sida entambah nya terebai ba atas perabong rumah aku dua tiga lemai tu tadi. Enti nadai miss ditimbak ila, angka ka ga aku ngarika menua Malaysia tu ba pekit nimbak sukan olimpik, komonwil ila neh. Jam ke diatu, tak sida semawa nya meh ka didempa aku. Nyau tengok tu.
Pegong empurau nyau lembau aku tu ka nyebut. Lagi nyau mabok amboh pegong tanah sida empurau aku lagi. Enti bisi kaban ke kepapas lagi, tak nyau disempalang iya enggau hachun, unggi amai isi, nyau nyabak tuai lagi.
nadai perpaduan lalu kitai iban,angka udah disumpah sida petara iban laban ke meri sarawak ke malaya,
ti nitih ka ati pedis, enda ku kiruh ka org nyak laban org ka meri pemansang enggai diterima tang orang ti ka ngerampas tanah bebunuh ka 2 3 iku babi..ish..aku mina macha jak email nyak pun berasai pedis ati..kasih mai bansa kitai..Tuai rumah kitai berik rm450 jak alu nyadi ulun…Hmm…tu nyadi ka challenge kitai iban, kati ka nyadi united..Agi diatu penemu kitai ba tuai rumah aja..hmm..
[...] Program Pemansang Enda Diterima! [...]
Kami di Tatau sigi enda nerima ‘Motivation talk’ ke di propose kita nya. Enti kita ulih meri tauka bejako ke bakani kitai iban ulih idup ngelakar, nipu enggau bula baru kami deka ninga. Tang orang ke bejako dibai kita anang orang alang alang, mesti orang landik ngelakar, nipu enggau bula. Orang tu baka sida Jabu, Masing, Mawan tauka Entulu.
Aku deka sponsor tiga iko babi digayang ba pala tangga dikena ngelalu ke penati sida raja bula, raja penipu enggau raja pengelakar dayak. Janji dalam nama Sempulang gana!!!!
This ia a TYPICAL & CONVENTIONAL Iban response when it comes to someone giving talk. We(Ibans) are known as BAD LISTENERS listeners even the speakers are professionally qualified in their own fields. We just do not want to open our mind and are always quick to make a negative conclusion based on ill-conceived presumption.If I were the TR there, I would obviously welcome any well organized talks especially when it is conducted by qualified people for FREE.
Our people are always closing their minds even before these professional speakers open their mouths, not knowing that they themselves have NEVER read a single book or completed a paragraph of someone’s work.
People from my area would certainly welcome FREE apolitical talks particularly about educational motivation as the number of above-average educated people from my area is much to be desired.
What a shame…. an opportunity like this will not come again..
Cheers…
Aku bisi ninga jaku gertak siku ari menteri kitai madah ka kitai enti ukai urang politik enda tau ngaga ceramah ba rumah panjai enti nadai minta permit polis dulu.
Nama salah ka kitai meri ceramah baka program ke disebut diatas tadi ngagai bala bansa kitai empu, nama kebuah mesti minta permit polis (enti amat) pelaba aku nyau lelak sida polis enti tiap kitai ka berandau dirumah panjai minta permit belama…
Sinu amat ga aku ninga jaku munyi nya ari menteri kitai empu…anang ka ka meri jaku galak ngasuh maju ka pengawa…ka ngertak kitai keba engka kumbai sida mina sida menteri, yb’s aja tau bisi penemu ke ulih ngutong ka raykat..
tulong apai sali@apai salui
urang ka meli :berapa buah rungan nya apai sali?
Apai sali : iya mesai 5 sen iya ka mit 10 sen
Have anyone here heard of ‘Saribas Club’?
How real is the threat from this club to stop any attempts from genuine volunteers to give motivational seminars/talks in longhouses?
Kapa bengat nunduk ke orang ke enggai nya!!! Ukai nya semina rumah panjai sida nya rumah panjai di menua Sarawak ditu dih.
Sida enggai ke penyakal niki rumah panjai sida pia? Amat pama orang rumah panjai nya nih??
Nama penyalal nya jai ari uduk pia?
Nama semina orang BN aja bisio degree, bisi PhD, bisi Master pia?
Uji Jabu ke ukai penyakal nya ga peda….semina Dilpoma kelia iya nya dipebandingka penyakal ti mayuh ngembuan pelajar PhD…baka kenduai Papung Engkilu…
Udah kami diNiah suba…kami ke datai nadai semimit cit nyebut jaku politik tang orang ke empu rumah ke besebut ke jaku pelitik.
Aku nemu orang ba rumah panjai ti enggai nerima nya bisi dua iku tuai rumah laban fahaman pelitik sida enda sama.
Tuai rumah lama sida nya..Agat tang diatu udah ditukar lalu diperebut ke pengajar Philip enggau siku da…aku enda ingat nama.
Rumah baru ka berapa belas pintu aja tang tuai rumah nyau dua…berebut agi nya!! Enda sepenenu agi nya!!!
Nya alai jaku sida enggai nerima laban sida ba rumah nya enda segala penemu.
Aku asai nemu unggal ke meri e-mail nya engka anak pengajar Philip empu.
Lebu amat nembiak nya bisi pelajar. Iya ba UNIMAS kelia tang untak iya enda bejalai, engka udah meku laban kelalu mayuh makai kesa!!
Anang kia ke enti kita ka meri motivasi…giga rumah panjai ke aus ke intu ti meruan.
Nambah baru tu…..nya mih tadi…enti kitai Iban agi semina ka mendingka jaku motivasi ari BN aja, uji kita berunding…berapa iti buah rumah panjai udah mumpung perabung, pecah belah laban mendingka jaku BN aja??
Berapa iku menantu enda tau begulai enggau entua laban enti entua ari BN lalu menantu ari penyakal. Nya alai entua lalu enggau meda menantu laban menantu enda sama pelitik enggau iya ke entua. Jai mih menantu nya tadi!!
Bisi ke bansa kitai ngasai…bansa kitai Iban udu bepecah laban sida BN ti udu enggai meda bala ti ukai ari BN?
Bisi ke bansa ngasai Jabu nya udu mai pengerusak lalu udu mecah belah ke bansa kitai Iban??
Enti kitai nitih ke ideology BN@Jabu…makin maja kitai Iban pecah..enda salah-salah baka rumah ti enggai nerima bala ti ka datai nya tadi mih.
Sapa ke datai nya enti ukai bansa ke sama enggau orang ba rumah nya empu dih?
Ari BN nya tadi mih Iban enda nerima bansa Iban…ari BN nya tadi mih Iban enggai meda Iban.
Betul amat mih lagu ari penanyi Iban ke nyebut..”Kaban Makai Kaban”.
nyak meh kebuah cda ia enda ulih mujur beserakup enggau urang bukai,ketegal ngai ninga ke penumu urang bukai…..ndai ngira penemu diri nyak salah ke betul….cgi dititih ke aja….ila2 bakanyak meh penemu cda ia……..