Jabu and NCR Land Development
Posted by: Bujanglatong
Dayakbaru – I hope this article will make Jabu smile.
Minta ampun ngagai kita suku sakat Jabu nyema bisi enggau ditu…
Jabu,
Jabu – it is non of your business
Nuan enda ibuh komplin pasal PKR enggau kepimpinan sida iya. Serta anang ngaga diri ambi berat ngagai keperluan rakyat dayak. Nuan empu lebih nemu nuan timbalan ketua menteri, ukai menteri tanah, ukai menteri muda tang tau disebut penuduk ke pengambis tinggi ba BN sarawak bebangsa iban.
Nama pemansang udah di beri nuan
Tang nama pemansang dayak bai nuan? Udah nya lantik kita ga James Jemut Masing nyadi menteri tanah.. tanya ga rakyat.. nama pemansang ba tanah ba James Jemut Masing? Maioh kitai iban mina nama aja ke ngempu tanah tanah nadai pala nadai pengesahan. Nama kebuah? Laban nadai pemendar, nadai kelulusan ari bahagian land survey nyukat tanah NCR @ tanah bumiputera asal.
Kompeni mutar belit tanah NCR
Udah nya sebar kita propaganda ka nulung ngemansang ke tanah NCR, buka ke sawit, bai kita kompeni besai ngereja.
Udah nya kompeni lalu mutar belit, madah nadai untung, nadai penyata untung rugi. Iban kelia engka ulih kemula tang iban diatu enda entu ulih kemula. Laban owner tanah layak nerima pampas tanah nitih ke patut. Tang meh maioh agi dimenua Machan ke nadai nerima bayar tanah ke alai nubuh ke sawit nyau betaun-taun. Iya meh mayar mimit,lalu pansut ke kita ba surat khabar madah orang Machan,kanowit nerima benefit bepuluh juta… tai aaaaaaaa… Ini aku sama enggau masuk diak.. pecaya enda kita bala kaban dayak baru mina nerima RM 8 ringgit… Enda cukup tambang tudah tuai pulai mansang ari sibu ke Machan. Ngumbai nya ke maioh…
Ari ni kompeni ulih ngereja??? Ari perintah..ari kita menteri tanah ti nadai guna.
Ti kita amat ka nulung ngemansang ke tanah NCR.. uji beri subsidi serta bantu kami dayak muka sawit ke diri empu serta bejalai ke dagang kediri empu… nya baru sebut nulung.. endah cina nadai meh nya ada lalu bedagang…
Bula ke maioh agi kita YB..
Popularity: 22% [?]
Related posts:
- BN ngenakut ke Dayak Di tulis: Dr. John Brian Anthony (Please print lalu sadong...
Related posts brought to you by Yet Another Related Posts Plugin.
Comments
56 Responses to “Jabu and NCR Land Development”
Leave a Reply
-
-
Total Hits
Inspirational word from gkm2020
Aku meri besai tabi basa ngagai nuan, terima kasih laban nyerita ka pengawa bala perintah ke bendar ngagai bala kitai dayak.
Aku nyukung pengawa nuan tu, tang meh bala kitai iban gaga bendar ninga berita ti bula.
Kasih amat bala kitai Iban ari Machan dikemulaka perentah, semina nerima pampasan tanah RM8 aja.
Enti pia, ngiga jalai ngambi tanah nya pulai baru meh unggal.
Kadang kadang aku merati – Jabu tu orang ke amat pintar…he “win” by “losing”…
Betul amat jako nuan nya Bujanglatong.
Ba perati aku…endang perintah sengaja ngai meri pala tanah NCR. Laban perintah kebetuai ke Pala Buban sigi ke ngerampas tanah kitai dayaks. Laban ko penemu ia ..enti ndai pala tanah lama laun kitai dayak nadai ulih ngempu tanah NCR agi.
Aki ini kitai kelia ke berumpang tanah nya.Bala orang ke tuai agi nemu dini bagi tanah nya..tang bala anak ucu kitai ndai nemu agi pasal tanah ncr kitai tu laban sida nyau udah ngejang ke menoa bekerja sebelah nengeri. bisi sekeda nyau belelang jauh ke menoa bukai. Nama generasi kitai tu ndai agi ..generasi baru sigi nyau tanah magang laban ke ndai nemu dini endor tanah NCR ke diperumpang aki ini kitai. Laban ke ndai pala tanah..kati sida nemu tanah NCR nya deh.
Nya meh ba penemu ku kitai tu nyau nadai tentu bisi timpoh agi..
Nyadi leboh kitai ninga sida PKR ke betuai ke Annuar tu ke meri pala tanah NCR ngagai kitai dayak enti sida ulih megai perintah nya endang utai sigi dikarap ke kitai.
Taja nya janji ia tang kitai tau percaya ke nya laban ti kitai meda di Perak suba..Dalam masa 3 bulan maioh bala rakyat Perak di beri pala tanah enda ngira sida nya orang Melayu, IndiA tau ke Cina. Tang bisi ga sida rakyat di perak lalu bedau ampit pala tanah laban perintah PR nyau diguling ke sida BN ga.
Ngarap ke kita berunding meh enti langur sida PKR ke manah tu tau di terima kitai. Tang ndai salah ga meri sida ia “benefit of the doubt” leboh maya pilihan raya ke datai tu. Laban ti kitai terus di perintah BN nasib tanah NCR kitai sigi ndai berubah baka ke 40 tahun ke lalu meh. Laban orang ke nyadi pemimpin BN tu orang ke sama. Penemu, runding,cara serta plan sida tetap sama enda berubah.
Mupuk dulu
Enggi kami Serumah taun 2008 tu tadi Dividen Sawit diberi Jabu maioh amat, RM63,000.00 penyamapu ia……. Tang enti di bagi 28 pintu lalu di bagi baru ngena setaun 12 bulan tak mimit endar asai. Semina Sebulan nerima Dividen RM 187.50 sen Aja. Enda cukup kena belanja insap Dunhill aya aku ti kerja ba SHELL Miri din. Ikan Empurau mar agi rega ia sekilo.
Nulong Rayat tau ka Munoh Rayat tu??????!
Arap ka Bala kita meh tu lutor, Luyer enggau bala kitai Dayak Iban Bijak – pandai ngatur lalu ngemetul ka pengawa ti enda manah di bai bala YB-YB kitai dayak Iban.
Ny aja. Mupok Aku
Lembau aku ka bejaku ditu. Amat pemadu latong meh menua kita nya. Kada enda nya sida aya Gehamong Empuna bisi ngansak kita besawit ba menua nya menya deh? Pelaba aku bisi endar meh asil iya ke ngansak kita besawit dia unggal. Lembau lembau, amat latong pemansang ke baka nya unggal.
Tanah ke patut di beri pala without an delay:
1. Tanah endor ngentak rumah panjai.
2. Tanah within the vacinity of the rumah panjai – lets say, within 10 km of the longhouse, whether cultivated or otherwise.
3. All rubber land, tanah endor bekebun, tanah aya endor be-umai.
4. Tanah within 10 km of the river banks.
Cara pala tanah:
1. Restricted transfer – only among Dayaks, comparable to “geran puteh” di semenanjung.
2. Acceptable as banking collateral to CIMB, Maybnk, Agro, Bank Simpanan ONLY.
3. Joint-venture must be based on real-value of land. Anang meri sama value tisi jalai enggau sida ke dalam agi.
These are practical and can easily be implemented, ukai bansa dayak minta semua tanah ulu sungai di beri pala. Hopefully jako tu di terima bala ketuai kitai ke bisi kuasa.
terima kasih
Agi ga kitai ngundi BN, enda jera!!!
YAB Jabu,
Udah manah benar. Muka tanah alai betanam ka sawit. Tanah dia dah beratus tahun tang nadai ga meri asil. RM8 tauka RM187.00 Nya udah pama meh ari ke nadai cents. Pia mega bisi meri peluang kerja ngaggai sekada bala ti kerja ba sawit nya.
Mina siti aku ka meri penemu ditu ia nya. Patut ka enda kitai mai utai tu ngaggai wakil rayat kitai ia ke dipilih kitai lalu menang ba bapilih lalu nyadi wakil kitai ba pelimin tauka ka ba konsel ngeri. Jadi kitai Nanya sida ia bakani ko konsep ngamasang ka manah tau meri penguntong ia ke-manah agi,
1: Kena company orang ke beranggong jawap pasal hasil ruji enggau untong ari sawit nya.
2: perintah ti ngambi cukai ari kompeni enggau bala pekerja ari ladang nya
3: Tuan Tanah ia ke empu tanah NCR nya
Ngambi ka sama-sama boleh penguntong ari tanah / sawit enggau cukai?
4: Juru Audit ti audit company nya patut di pejalai ka tiap-tiap tahun.
Jadi nama penemu bala kita?
Agreed with you Seliong.
Tang maioh nembiak kitai Iban ke pandai sereta gawa ba pasar (town or city) jarang endar pulai ke menua besaup ngadu ke tanah pesaka kitai Dayak enggau bala orang ke tuai (baka TR, Pengulu, DO, opis land survey, YB etc).
Kenka ke bisi pulai, sema jaku maia gawai tauka christmas enda ga lama. Enti seminggu ba rumah, seminggu nya ga randau ngirup, biasa diri empu ari 28 May sampai 3 June sigi enda ngetu ngelangak. Start kereta mulai kediri ngagai endur kereja baru ngetu ngelangak.
Pulai ke mengeri, cerita baru ga pasal hal tanah, start pointing finger at others. Actually the solution should begin with ME, not the 3rd party.
Never blame orang tuai kitai!
Nama kebuah laban udah nyadi ke tabiat kitai orang mengeri enti pulai ngagai rumah panjai endang tuju enjoy- release tension. Pengaia agi enti enda maia bisi pengerami endur Yahoooo…….
Bakani ka ngubah perangai kitai nembiak ke baka nya?
kelingmenua,
Nunda penemu Dr. John. Udah sawit bebuah, anang ngasuh (tagang) kompeni ngumpul buah iya. Kitai empu meh beempu hasil utai tanam ba tanah kitai empu.
Ka nemu silik (enti bedau maca), uji baca nuan siti topik ke ditulis Dr. John pasal tanah sida ke endur kompeni sawit ditagang ngambi buah iya laban kompeni enda mayar dividend nitih ke janji.
Lembau lembau amat aku tu ka nyebut ditu. Kitai iban sigi baka udok, riri makai tai, unggal. Ngundi sida nya baka babi makai paong ga, huh! Behentak amat kitai tu laban pemaloi dihi empu neh. Jera asai kitai ke mayuh bebeli, enda nemu jera. Nya nyau sida ke pintar pandai buliuh pehajar lutor luya dighi PhD ke mimit tuboh ga dipahit sida ke beli neh? Chukup latong menua laban sida ke beli.
Bisi kala ninga rita Sawit ba Machan ti dikumbai nguntungka lalu amat bisi dikemesaika ba surat khabar. Terima kasih unggal Bujanglatong laban mantaika siti agi Pemansang Nuju Pengerusak ba menua kita di Machan.Aku sinu amat ninga rita kita dia lebih agi udah ga tanah kita enda dipampas, kada kita bisi ngalau alai kita bumai, bekebun tauka betangkalka getah unggal? Bakani pendiau sida rumah panjai dia deh unggal? Nama pun penatai pemisi sida kini? Ba menua kami (empai tau padah) bisi meh udah ka mun ke pengawa tu unggal tang bala kami ke nembiak mantah penemu sida ke tuai. Tanah udah disukat, pengerami pan udah digaga. Sawit Machan tu meh ke chunto diberika kami maia nya suba. Nadai ngelui unggal, engka bisi 3 bulan lipan datai lalu begagaka palan ba ari ulu rumah kami. Nasib enda nyadi. Keru Semengat!!! Tampal Tanah Liat!
Igat Seliong, siti agi tanah ke enda patut laun diberi pala tanah – iyanya pala tanah pendam tauka tanah kubor. Tusah deka mindah ke pendam enti tanah nya dichuri sida Jabu.
apu latong amai menua kita unggal.enti bakanya manah agi enda ibuh tanam ka sawit.sayau meda buah enggau getah enti bisi.nya meh ulah ayak abu.ukai ka ngidup ka org.munoh bisi enti baka nya.
Nadai jalai kitai Iban ulih berunding pasal NCR enggau bala YB Iban:Jabu,Mawan,Masing,Ugah, Salang,enggau sida YB bukai.Manah agi bejako enggau Tunggol.
Amat nya unggal Papong Engkilu. Anang enda kitai ngikar tanah pendam, enggaika nyau alai sida penyengkubang pendam melombong emas uhang sebayan ga ila. Kitai ga nemu pendam iban dulu din, nyau baka kampong gun, nadai didinga ensong nyumboh bujang. Ngining amat sida gerasi kayu balak meda pemanah kayu ba pendam nya unggal. Baka ba menua kami, amat nyau bebesai ga kayu balak dia unggal.
Kapa jabu ngadu nyak ka kitak, kita empu meh ngadu utai nya. Udah ngundi bn, meri bn kuasa bak sarawak enggau meri umno/bn kuasa ba federal, sapa ka malik ngagai kitak??
Udah chukup meh atap zinc, dividen salcra, jalai gravel/tanah, ai kitak empu nyauk di sungai, api kitak empu meh meli generator enggau minyak alu start kediri meh ninting lemai.
Baka ka nyadi menteri tau enda iboh, meri penguntung ngagai YB ka nyadi menteri nya aja, baka duglas ugah, lio mugi suba, nama utai pemansangka dibai deh? Pengaya diri empu sigi bisi, tang rayat nadai penguntung nama2
Nadai kala ninga memunyi alam dewan
selukai,enggai nyadi meri pemansang bala yb ari niang party PBDS suba.sida ya ukai megai kunci dunya sarawak.lain meh enti sida megai.lalu nama pemansang peda dik pegai bala buban ngau abu kayu tu.pemansang nya enti rega tanah nya rm8.kelalu papas penemu dik bakih.org baka dik tu grenti nadai tanah ncr.nyemak dik bisi tanah anka baru beli dik kemari.sepatutnya enti org ka d kerindu ka dik nya manah udah beri ya grant magang org bakih.bala laut nadai meh ada bisi geran tanah bakih.kati ko org nya tau bisi diatuk.anang kak bjako sedap mulut jak.
Rindu amat ninga serbana bala kitai Iban. Orang putih kala nyebut ” You Dayak ( Iban ) living under the cloud created by yourself”. Tebal agi kitai ke bansa Iban tau di kumbai Bodoh Pintar tauka Dadak Pandai. Enda nemu reti dunya tang ngemanadai ke diri rigang-rigang lebih agi ari orang ke bisi PHD. Tu penyakit kitai Iban ke nyadika peluang bala YB Iban ke nadai mulut serta bagu maya dalam Cabinet meeting.Kesengkalan bansa bukai belama-lama.Sema jaku asuh orang telajai deka meh sida ia.
Tang sapa ke patut disalah. YB ke dadak semina dipilih pengundi ke dadak.
Uji kitai berubah.
Berubah nyadi pengundika pintar nya baru kitai bulih pengari ti pintar serta diperati serta ditemu bansa bukai kitai tu mensia ke pintar nya baru bansa bukai bebasa ke kitai.
Pesan aku asuh sida Mawan, Jemut , Jabu
Badu ngaga serta nyaga penyaya kita berindik ari penadak. Enti kita bisi dagu serta darah malu aduka bansa Iban.
Kapa ka bejaku nya igat. Sekali nyebut jaku, peda nyau minta sigi ga iya leka pelaga, baka unggal Aya Apai Jangkam Bulan. Enti sida nyau balat tatuk, nyau enda nyamai ga tudah hasong ninga iya, nya alai tentu iya ka nyabong sida nya belaya awakka iya kehing agi (Divide & Rule). Sekali iya nyerauhka bansa diri, peda nyau simpak gi ga periuk iya, neh!
Runding ungal Seliong Wau tu cukup manah..
Tang ke ngadu ke nya meh cukup tusah. Laban semua jalai dah ditutup bala perintah BN. Nitih ke pansik aku..semina Land And Servey aja ke bkuasa ulih nyukat tanah and meri pala tanah. Ti nitih ke track rekod, ke ditemu aku ndai siti pala tanah NCR, tanah pendam, kawasan rumah panjai dayak ke dah diberi pala tanah.
Sida YBs, MPs kitai iban ukai enda nemu masalah tanah kitai dayak. Tang laban sida tu semua ngerupang jalai diri, lalu bangat takut ke pala buban.. Ti manah meeting di DUN dijeling pala buban udah lalu ngeleput meh iko sida baka ukoi ke takut ke antu.
Sida ke berani baka sida Bawin, sida Daniel Tajim nya pin udah dah dikesai ke sida pala buban ngau bantu sida YB dayaks kitai empu.
Berunding meh kitai ngica ke bulih penemu.. Amat agi jauh pelajai..tang pilihan raya enda bangat jauh ga. At least kitai ulih ngelepas ke geram ti kitai ulih numbang ke siko dua bala wakil BN tu ila. Bagi kitai ke diau di bandar..aram meh kitai ngaregister magang.tau ke pindah tempat endor ngundi. Ti kitai beserakup undi ngau bala kaban kitai cina and melayu ke enda puas ati ngau perintah, bisi siko dua sida calon BN tumbang ila deh.
Aku ngau kami sebilik ke nukar tempat ngudi ke Miri, laban ke numbang ke bala isan pala buban Dr Chan ngau konco konco ia di meri.
Mupuk dulu.
BujangLatong,
1) Will you keep quiet and be happy if your dividend is RM 80, 800, 8000 ? Will you sing praise of support for the programme ?
2) Jabu will tell Taib, who will tell Najib, how much revenue the government gets from the land development – millions ! What do you say to that?
This probe/challenge is also address to the rest, myself included-so a credible alternative NCR development model can be debated and progressed further.
Seliong ak Wau is on to something-can be a starting point for NCR discussion.
P/S: Mintak ampun laban nyempelah ngena jako Ribai-bedau pandai bebelit penemu ngena jako Keling.
I know a few details about this JV, but I wish to mention that insinuations against Datuk Gramong Juna are not true. He has no personal gain in this project.
As much I pity the longhouse folks, there are things amiss in this JV that Datuk Gramong and the LCDA were not made aware much earlier. Don’t forget the JV partners are corporates with 50 years business experiences.
The lesson we learn for the future, don’t trust the negotiations and agreements to LCDA and don’t trust the corporates unless everything are written in back and white.
Dear All,
I agree with rebak baru.. Enda Jera!!! What is the word for ‘Jera’ in english? I dont think there is any 1 single word to explain the word jera in english.
Anyway, Dayak, still at polling day and vote for the usual.
Like Dr. James Masing says in 101 East,quote:- there are laws in this land to prevent all this.. End of the day when the interviewer ask what ‘law’? Answer:- “the electorate”, every 5 years he says.. hahahah. the laws has been past during recent BA by-election.. the verdict is?? INNOCENT !!! …… belik aku!
Ukai nya chalang chalang mensia ke negotiate enggau iban ba menua Machan nya unggal. Ngah iban ke beli pen ulih ngemelika iban.
Enti ulih, kita patut nukar alai muai undi ari ke diatu ngagai ni palan muai undi ba sitak Layar.
Bebagi mih sekeda. ENTI ULIH, minta tukar ngagai alai Pehin Sri bediri mega.
In such a way, then only you can VOTE THEM OUT.
Its a true story…as written above.
But i hope…mostly our high educated reader…
please make it more clearer…
As it called a Failure Analysis study.
What is the root cause of this NCR issue.
We must unserstand it clearly…and how to correct it. Corrective and preventive action.
I this there a lot of thing that cause(s) it.
Man…Machine…Method…Material…MotherNature…Money..
I hope fellow Dayak in engineering background understand this situation. One of if of cause as i written. That is money. Most of the people in the area are poor. But when BN talk about money..?
Its all gone..even if they need to give their land. We need a drastic measure to ensure BN goverment stop this activity. Their cheating the rakyat!!!
To all DAYAKS who tend to inherit their land to the next generation….please wake up for it in the NEXT ELECTION prove it to yourself that we are really mean to change what has been done by our present government.
I must confess that, as a city dweller, I know very little about NCR. But from what have been debated here all this while, I begin to understand the severity of the predicament that our Iban people have found themselves in. And I trully empathize with those of us whose families and relatives who are being given raw deals as far as their participation through JV with private companies, and even through SALCRA, are concerned.
I’ve heard from relatives living in the “ulu” who own large tracts of unsurveyed NCR lands, but fortunately, so far, there has never been any itrusion or even encroachment by uninvited parties into their lands, despite the fact that these lands have been left idle for years.
I also know of lands belonging to Ibans, in Jabu’s hometown, in Betong, especially those on the periphery of Betong town, which the gov’t acquired some years ago, ostensibly for the purpose of building public amenities, in line with its expansion as a divisional headquarters. But the sad thing is that, the lands acquired under sectin 47, were later given to private companies for the construction of commercial buildings instead of public ameneties as had initially been intended for. And you know whose companies that have been awarded rights to develop these lands? Your guess is as good as mine!
Uchu Aki la,
Kati rakyat ulih nyaman sida tu laban manipulate Section 47 nya !!!!!!!!
Tang enti ulih, tak bala MACC nya meh asoh investigate sida tu. Enti sabit kesalahan sebedau 2011 ila, nya baru kitai begau baru. By election di Betong.
Nyau baru iya, uchak !!!!! Bisi jalan raya ngagai kaban kitai di batu pesok,perdu etc
( semak Bukit Sadok). Enti bisi jalai kin, ka ga meda palan sida aki kitai retap suba leboh ti ngelaban rajah.
Propose to continue discussions on NCR\L so that the views and ideas can be structured in a collective effort and be published as a position paper. Can the administrator set this up as a permanent thread ?
Sigi amat… jabu & masing engggau geramong nipu tanah NCR kitai Iban. Peda ba menua kami kanowit, ambi ka chunto di machan, bukong, geremai enggau lesih. Nama utai ka bisi, endur bumai pen nadai. Nama pemansang bai yb geramong ngena sawit? peda pendiau rumah panjai iya empu ba bukong bisi maju bai sawit, jalai alun ke bukong sebuti ka ulih endur kerita begelih. Nya aku mesan nagagai kitai kanowit kelebih agi kita ba Ranan, lesih, bukong, Machan,Durin enggau Sungai Poi anang ngundi BN agi tukar……UNDI MEH PKR.
Meramat Tajak – suggestion noted. I will set up a separate thread – (for NCR development) by early next week.
Thank you
Hai kaban-kaban semua,
Uji kitai meri constructive comments ditu, Kelebih agi ngaggai kaban kitai Dr. John. Awak ka ia mai penemu iban/dayak enggau tanah NCR sida ia.
Aku Cadang ngaggai siti Website di gaga oleh Dayak baru.
Tanah NCR
1: Bakani ko jalai kitai ngamaju ka tanah lalu sama-sama meri penguntong ka:-
2: Tuan Tanah NCR
3: Company
4: Perintah ti ngambi cukai
5: Aduit tahunan
so nama penemu bala kitai
Why Hulu Niah folk bring the NCR case to court. How much dividen they being pay? More than ten years not asingle cents being pay to them. Why dayak people still support the NCR land development policy. Stop it don’t venture to profitles invesment.
Aku setuju bendar ka penemu nuan nya unggal, sawit di Kanowit ti digaga perintah menua semina nguntung ka sebelah pihak aja. Uji peda kitai bala sida ka ngepun ka sawit tu suba nyau makin majak kaya sida tu laban udah bulih asil komisyen ari kompeni sawit ti diberi ngagai sida ia. aku agi ingat ka janji sida tu leboh sida ia mujuk bala kitai di rumah panjai 12 taun ti udah suba. antara janji ka dipadah ka sida ia ianya:
1. Enti bisi sawit perintah deka meri bala rumah panjai api, ai enggau jalai raya ti meruan.
2. Kitai mesti ngemendar ka sawit tu dibuka di menua Kanowit laban kitai deka nitih ka singkang menyadi kitai di menua semenanjung din (FELDA) ti udah nyadi jutawan.
3. Enti kita di menua Kanowit enggai ka sawit nya reti ia kita ngelaban perintah.
Nya meh munyi tebah jako sida kunco-kunco ka ngepun ka sawit tu suba temasuk menteri ka megai menua kitai di kanowit.Tang diatu, 12 taun udah lalu nama utai nyadi ngagai sida ti muka sawit di menua kanowit:
1. Nadai api, ai enggau jalai ti meruan digaga ba menua ti dibuka sawit. sida kunco-kunco sawit tu mula bedalih madah ka ai enda cukup preassure, jalai enda ulih diadu laban dipansa pusun enggau api letrik enda ulih disambung laban kelalu jauh. nama kebuah nyau nyadi bakatu deh? Nama sebedau buka sawit suba kita madah semua utai ulih magang? Ni janji kita suba deh YB?
2. Jutawan????.. sebedau muka sawit suba bala ketuai masyarakat menua kanowit dirasuah dulu dibai raun ka semenanjung malaysia meda tanah rancangan FELDA lalu betemu enggau sida jutawan FELDA. Berita manah dibai sida ketuai masyarakat tu suba becerita ba kedai kopi, maia rami madah ka pengaya orang semenanjung laban ti udah muka sawit. Tapi diatu dah 12 taun nama kitai di kanowit bedau nyadi jutawan deh? bonus enggau dividen 11 taun ti udah pan semina diberi RM1.50 sehektar sebulan. Lebih teruk agi bala YB datai madah ka sawit kanowit nadai untung ketegal kitai di rumah panjai ti buruk gawa. enda tau bakanya bekajo YB, Nuan mesti ingat ari ni asal nuan, nuan nyadi YB pan ari undi rakyat menua kanowit. enda ngawa, enti nuan YB urang sembahyang nuan deka nerima balas ila. Ni janji nuan deka ngubah idup rakyat menua kanowit ngasoh sida ia senang deh? Nama agi saut nuan madah ka kebuah sawit nadai untung? tanah enda manah? ari selalu ujan? gaga aja meh alasan nuan YB.
3. “Enggai ka sawit reti ia enggai ka perintah”. Nya meh jako ti selalu dipansut ka sida kunco sawit leboh muka sawit suba mengancam kitai kanowit. arinya semua urang di rumah panjai pan nitih ka jako sida ia laban betul-betul pechaya ka YB enggau kunco ia tu urang ti lurus lalu ulih ngubah pengidup kitai di kanowit. sida ka muka sawit tu suba 100% nyukung perintah. Tetapi diatu nama penyadi. tanah ambis dibuka nadai endur ngiga pemakai agi. endur bumai bekebun pan nadai. TERIMA KASIH YB laban udah malas BUDI kitai di rumah panjai ti pechaya ka kita. “Ila kitai malas budi YB tu”.
Ngagai YB enggau Kunco-kunco ia:
Nama agi projek pemansang ti deka digaga kita di menua kami deh. gaga aja, kami sigi nitih aja laban kami ti diau di rumah panjai tu urang ti nadai pemandai peneka kita ngaga.
Kita ka kayu balak? ambi aja ba ujung bilik kami, ambi aja ba temuda, damun enggau kampung simpan kami. minta aja ba aki buban, enda iboh madah ka kami enti kita ngambi balak ila laban pengidup kami tu endang teleba merinsa baka tu.
Minta ampun YB, tu meh sebana ati kami di menua kanowit ti udah diberi nuan “PEMANSANG”.
Bisi bala manager ari melaya ka gawa bak siti plantation ba menua kitai tuk madah sigi nadai penguntung pulai ngagai pemilik tanah NCR enti JV enggau sapa2lah baik ya plantation tauka salcra. Jauh manah diri empu ngemansang ka NCR nya, chunto ya aku udah meda bakih aku empu, tang maya tuk merosot mimit laban rega sawit nurun.
Tang agik gak kitai ngundi bala sida sapit kepala hehehe
Kapa ya malik ngagai kitai enti enda maya election.
kaban,pama gasak bala penkianat bansa d menua kita diak.amai udah nadai pengaroh munoh agi bala kitai iban diatuk.uji tak kesoh ngena nya nti bisi.enda patut sida ya kebal baka bush.nadai ibuh ngena undi enggau org bakanya.
Pama amat enti kitai ngena pengaroh bekerambit neh. Lekat amat iya.
Ni Aya Abu deka nguji ngaga ke pala tanah ke kitai Iban laban Kitai Iban maioh tanah. Tang enti sema menoa tu maioh agi tanah bangsa bukai baka ke di Seberai din, endang udah maoih kampung kampung diberi pala tanah.
Di SWK bansa sida iya ke bukai nadai maoih laban aki ini sida iya kelia menya nadai kala brimba berumpang ke tanah baka aki ini kitai Iban. Aki ini sida iya semina nemu bira ba ai sereta nggau ngereja pengawa berikan. Nadai kala berimba.
Kawasan rumah panjai kitai Iban pan nadai meh bisi pala tanah. Anang nyebut ngasoh Aya Abu enggau Aya Emut ngagag ke kitai Iban pala tanah NCR.
Enti kedua kitai baka kedudukan sida Jabu, Emot, Awan nya, pelaba aku kitai sigi sama baka 2 kali 5 ga. Aku enggai bula. Dasoh uhang nusu telo hasong ke bau kesing chinat ai kemi semalam, ka meh aku, asal meh lumpit aku penuh.
To, Igat Lembau,
Amat ko nuan akih, kapa ka kiruh ka org bukai asal kaban belayan tua aja senang. Ila enti aku Stand anang enda ngundi aku kaban, ngambi aku ulih nulung nuan ila. Kitai sama nemu utai diatu neh kaban, semoa nya duit magang.
nama berita bala kaban???ka ngumbai bula,bisi ga amat,ka ngumbai amat bisi ga yb bula,ka ngumbai ensumbar iya bula bisi ga org ngangau ka iya sapit kepala menteri no 2,sepiak kanan,datuk sri DR ………amat ga.aku udah nyepi,ketegal ka ngaga surat pala tanah semak jalai,area lubok antu,ba menoa skarok,bisi 1 miter penyauh ari jalai,jang…nuan enda ulih ngaga surat tanah,laban nuan duduk ba tanah perintah……nyau mudik ka ulu bengap dulu aku ningga jako kepala land sayey ari menoa simanggang nyebut munyi nya…..ndai runding tudah aku, nyau cecanguk2 tudah aku pulai ka rumah, nusi ngagai apai, indai aku, kitai ndai agi bisi tanah, tanah alai kitai diau 2 , tanah perintah…nama runding bala kitai…
antugerasi,
Bisi 3 iti runding tang semina ulih dikereja ba dalam mimpi.
1. Anang ngundi perintah BN. Nuan angka enda ngundi tang ketebal agi kita dia nyukung perintah BN menang bepilih tu tadi. Angka sida bukai bisi pala tanah magang2 diberi perintah, pelaba aku.
2. Bebala maioh (seluruh dayak malaysia ke ulih datai) mantai ke pengeringat ati diri ba DUN Kuching maia sida YB bisi miting. Angka kitai Iban agi takut masuk jail, agi sayau ke seput. Seagi kitai bisi utai dempa (not yet desperate), kitai enda berani ngereja pengawa kenya pelaba aku, taja bansa bukai udah ngereja iya kena nuntut hak milik diri empu ari perintah. Kitai Iban bedau…. bedau…agi..jauhhh…jauhh…. dulu ditikau ke org ngagai menua asal Indochina, enda meh kitai mantah.
Ngai nyadi ka mantah ga legi polis & soldadu Iban ga disabong org nangkap or to certain extend use their power to shoot if we resist arrest or against their law of “Perintah BN always right”
3. Nganti perintah ke nyunkul rumah aja. Enti Iban semua seagi maia nya meh ngetan ke hak milik diri. Ti YB Iban nadai ga peduli, keni dah, tat ke aja meh enti takut mati. Ti berani mati maioh utai ulih kereja kena ngelaban perintah BN.
JJM Junior,
Amai ga utai ko dik.tapi enti ulih kitai ngena 1 serakup dulok.baru lancar pejalai ya.baru ngaga tunjuk perasaan secara aman.tak ba umah yb dayak nya mpu.ambik ya malu enti ya bisi empedu.nama dik selalu ngumbai indochina.bc fakta d nyukong kitai asal arinya.
Au ga Unggal Kehetum,
Aku sigi ka idup baka kedisemaka baka indu kehetom ke belalai ba jait panggal, selepak anyam tikai, tilam, ba sukut kibong. Idup nginsap dahah anak mensia ke jenak tindok beguhoh neh! Baka nya meh bala YB YB kitai ke enggai ngai nyuhotka dihi mehi peluang ke uhang bukai, uhang bahu baka sida aya Apai Jangkam Bulan nya.
Enti kitai majak bejaku sereta mucau ba blog tu aja, ya siga nadai mai perubahan ngagai nasib bansa kitai kelebih agi baka isu tanah NCR. Aku setuju ke penemu unggal kitai ti ngasuh kitai dayak landik bejaku sereta bepenemu begempung lalu ngaga demonstrasi aman maya persidangan DUN. Siti agi, kitai mesti ngubah runding tauka idiologi politik tradisional kitai laban dunya udah berubah, org politik pan bisi nya makin dadak sereta enda entu ulih di karap baka sida ke menya..
adu ke jampat isu NCR sebedau buban ngerampas tanah nya lalu diberi ngagai bansa iya..
kasih ke anak iban jeman ila…
Kadang2 aku berunding nama kbuah ahli parlimen kitai iban nadai kala ka bejaku pasal penusah tauka sebarang ketidakadilan ti nuntung bansa kitai. baka isu rakyat borneo ti nadai mayuh gawa ba SPA.. isu tu semina dibangkit ka Tan Sri Benard Dompok,ukai MP Swak..Tang bisi mega YB Alexander Nanta Linggi myuarakan isu ti nuntung bansa kitai,aku respect ya. Uji kitai meda ngelama tu, semina dto sri tiong aja ke aktif mwakili rkyt sarawak ba Dewan rakyat. Pia mega iya ti udu nulung bansa kitai ti di tinggang penusah..So, dini penunga YB kitai iban deh?? Ari nya kitai ulih meda sida mudah lupa tanggungjawab ngau peranan sida ba bansa kitai empu..Arapka sapa2 bansa kitai ke deka bdiri ila sedar meh…
Belajar ari sejarah ngau pengalaman bansa kitai..
KASIH KE MASYARAKAT IBAN!!!!
BujangLatong,
Did not meant to pour cold water over your stories about the low dividend from Kanowit oil palm JV-with my earlier comments.
If the RM8 dividend was not mentioned for rhetorical impact, and that the value is truly below the promised or written assurance, then one recourse would be to sue the company for breach of contract(leasing agreement).
As a commercial crime,and if the company in question was incorporated in Semenanjung(as I thought most of these companies are)-it may be possible to try the case over there, where -compare to Sarawak, there maybe more choice of legal counsel, who would be interested in the case.There may also be NGOs who would be willing to assist with practical things as airline tickets for the court hearing.
If there is no written land leasing contract, especially details about the (70/30) equity ownership, to the level of detail at individual landowner,then I think law firms we be reluctant.
Thus, if you understand the probe earlier, it was not the divident that I’m after. I’m interested to know if the leasing agreement is executed in such a way that that it did not prejudice the right of the landowners participating in the scheme to seek legal recourse for whatever reasons during the leasing period.
If other postings are true, then the land must have been requisitioned prior to issuance of land titles to individual landowners.In that case, the land does not belong to you or your relatives,until the leasing period expire, by which time, if the oft-quoted politicians are to be belief-only then will the land titles finally revert to the land owners.Until then, the company has more than 70% right to the land.
Is there any guaranteed minimal return? Is there any certificate granting percentage of equity ownership ? Is there public audit of the company’s Profit and Loss ? If the total equity by virtue of the lease agreement is 30%, doesn’t that gurantee representative(s) of the landowners to have voting rights in the amount of dividend to be issued? Was there a separate holding company incorporated to manage the plantation so there’s no cross accounting with other branch of the company’s business ?
Without a legal agreement, either as a group or preferably as individuals, its not possible to examine whether, in fact-the participants in the scheme has been duped. If there is absolutely no legal agreement at all(as Seliong ak Wau may have alluded to),then I’m afraid – the worst is yet to come.
Suggest to obtain whatever legal agreement there is-and post it here, so it can be examined.Even if it has been signed off, the terms and the clauses can be re-examined and be challenged-if its crafted too much in favor of one party.
So again, if its more than mere divident that you are after,but that you are concern abouts rights-and if there are many like-minded people in Kanowit/Machan,then at the very least-this can be used as a referenced case from which to formulate a position.
apu…neh…capuh endar kita ditu…
nyau baka semalau ke kucau tiap hari..
tang peda aku baka gendang ditempap enda bemunyi.
endang enda ubah baka tawak betimbal enggai bebendai..
alu disagu ka bunyi gendang alu ngajat aki tuai.
alu capuh ga sida ke indu di dapur madah ke asi angus dlm periuk empa api.
ketegal enda ngemata..
balat betundi begagai sebelah ruai.
mayuh gi ke bersaut betelai berandau engau pagan diri.
tak uji nurun ke kai.ambi sengayuh tari ke perau…bisi gi ga reti.
ari ngemasau hari…begedi ke pangan diri.
huuuuuuu haaaaaaaa….idup iban.
Igat Pelajar Unibasiti,
Sida ke muchau ditu nya deka berajarka puchau ga unggal awakka sida jelu hasong kena sumpah puchau nya. Udah telajak kitai iban. Kitai enda iboh ngarapka sida jelu kera mai penusah agai jelu hasong ke hehising hising ya ensinat gamal. Kapa hasong ka pedulika ksida jelu jangkit bukai. Ukai nya nadai daun kayu ba tanah anak iban dempa sida iya. Pehot dihi empu aja ke ka didupka sida nya unggal. Kapa iya ka meri dek isi. Enti iya manah, udah lama iya diganti sida ke bukai ke baru.
Baka ke diperatika aku kenyau ari Sarawak udah masuk Malaysia, kitai iban ke pandai sigi riri ngelaban bos, deka leluba ka nganti bos, nyau baka pagar makai padi. Peda kitai chunto Akih Emot ke bendar amat ngelaban Aya Anil, nadai ngenangka diri ke udah diansah Aya Anil, Aya Oggie, Aya Awie. Kapa ka meri pemandai ke sida iban baru diatu. Ila nyau sida nya ga deka ngelaban sida bos neh.
Here is an excellent post (with facts and figures)on DCM Jabu NCR dividends scam. The Kanowit folks should count themselves lucky, that some manage to get RM 8 after 1 year ! Read on at:
” http://linasoo.com/blog/?p=305 “
Bloggers & All
“Figure don’t lies, Specialist Instigators like DB should know that”. Those were the words of Dayak Paramount Chief (DPC) to DL ad-hoc committee during the tea reception at the former resident last weekend. DPC was responding to DB bloggers attempt in poisoning the mind of NCR land owners against land development scheme initiated by DN gomen.
According to DPC SALCRA Oil Palm scheme would be getting bigger dividend than anticipated. For example in 2009 alone SALCRA paid out RM37 millions and to-dates dividends totaling RM334 millions has already been paid to some 18,000 NCR land owner participating in SALCRA.
Because of the encourage success more JV schemes would be expanded to other areas in the state. By 2020 DPC envisage to have at least one million acres of NCR land for the JV scheme.
Again DPC reiterated his willingness to provide a special allocation to DL bloggers during the coming state polls to counter and neutralize DB’s unfounded and baseless allegations against the establishment.
Salam 1Malaysia.
RM37,000,000/18,000 participants/12months = RM2,000/12 mths = RM166.67 per paricipant per month.
Hmmmmmmmmmmm…..agi empai chukup mayuh nya Igat utai ke ka dikegaga ke kitai ditu deh. I would like to see each person would gets 10 folds the amount. Nya baru bisi nyamai buah isi neh.