Jako Kenang Ari Batang Ai
Dipost: Iban Batang Ai,
Nyadi bisi siko indu ke beumur 38 tahun beranak 6, diau ba sebuah rumah panjai resettlement scheme Wong Irup.
Kena Stroke
Kena ka pagi April 24, 2009 tu tadi, dia tudah Endu tu kena stroke leboh ke meri indai iya ke kena sakit tuai enda oleh engkebut mandi ba bilik mandi sida. Nasib ga, leboh ke kena stroke lalu tetungkum ba bilik mandi, dia anak iya ke berumur 8 tahun bisi enggau lalu megau ka sida serumah.
Indu nya mati
Sida serumah lalu beselalat begiga ka orang, begiga ka kereta kena nganjung iya ngagai Klinik Ng. Mepi ke bisi Jururawat aja ke bisi penyauh kira-kira 10 km ari nya. Laban ke nadai telephone, nadai line mobile ngangauka Ambulance, sida serumah nyau ka bisi tiga jam beselalat nganti kereta lalu ngenatai ka diri ke Klinik Ng. Mepi. Enda mukai-mukai, udah datai ba klinik, seput endu tu lalu nadai ba klinik ti ngujung ka nyawa iya, ketegal enda oleh diselamatka tudah Jururawat, enggau pekakas ke enda chukup serta pengelandik dalam bidang perubatan ke agi pabu.
Laki ngiga pemakai dibabas
Laki endu tu maia nya nadai di rumah panjai sida laban ke begiga ke ulu Batang Ai ngiga utai dibabas ke dijual kena ngiga anak belanja melanaja anak sekola. Agi ga nadai bisi pengawa ke menyana ba skem ketegal udah tegat Wong Irup, nadai tanah endor bekebun.
Kurang Belanja dalam hal penting
Sida serumah lalu beselalat baru begiga ka orang, perau, injin, belanja kena meli minyak kena nganggau ka laki endu tu ke benong dalam babas. Nadai bisi Polis Marine disedia ka perintah ba pengkalan tekat Wong Irup kena mantu orang ke tusah bakatu. Pia mega nadai bisi salur telephone ba Opis Taman Negara ba Service Centre di Ng. Delok dulu din.
Apai Niang Indu pen mati kena stroke
Berapa tahun ke udah lalu, apai enggau entua endu tu ke laki sama mati kena stroke lebuh ke ngasu dulu Batang Ai. Penusah sida ke begiga ka orang enggau utai kena mai bangkai ari ulu ai ke rumah sida di tekat Wong Irup, agi meruan nadai dibantu perintah.
Tuan Menggong Panggit
Apai endu tu siko sergan bansa kitai Iban ke berani enggau orang berambun ka nyawa ngetan ka menoa ari dilanggar munsuh Komunis, Konfrantasi Indonesia, Pemerontak Brunei enggau Perumpak Lanun di Sabah. Aya iya tauka menyadi indai iya ke laki, ke benama Tuan Menggong Panggit, nya siko ari kitai Iban ke chakah ngereja pengawa soldadu ngetan ka menoa ari diserang Komunis, Konfrantasi Indonesia, Pemerontak Brunei, enggau Perumpak Lanun di Sabah dalam tahun 1960an ngagai 1980an. Seduai mipar tu enggau orang numbuh ka soldadu Iban Tracker, Sarawak Ranger, British Army, First Malaysia Ranger, Police Force enggau Border Scout.
Jako Kenang enggi aku tu
Kebuah aku nulis berita tu awak ka tau dikenang bala maioh, baka ni sekeda pemansang enggau adat perintah BN ke ngenusah kitai Dayak.
- Endu tu angka oleh idup, enti perintah nitih ka janji sida lebuh ke nyekat Wong Irup bejanji deka ngaga Hospital di Batang Ai serta nyambung telephone ke tiap rumah panjai.
- Anak endu enam iko tu tentu agi begulai panjai enggau indai sida enti perintah bejalaika pengawa sida enggau jujur meri pemansang enggau nitihka patut.
- Laki endu tu enda kalat-kalat ngenusah diri kulu kin ngelaban ujan enggau panas, ngiga belanja enti perintah nyendiaka pengawa ke patut ngagai orang Batang Ai laban hasil tekat Wong Irup ke bisi 200 juta sebulan lebih ari chukup nyadi ke dividen sida semenoa kena nambah ke penatai pemisi ke bukai.
- Penusah ke bepadah di menoa ulu ka lempung agi enti perintah tau meri tulung ngaga service centre ba Ng. Delok engggau tekat Wong Irup enggau lengkap Polis Marine enggau salur telipaun mobile.
- Enti perintah BN bisi budi ke manah enda patut perintah nadai tulong ngelak ka bala anak buah Tuan Menggong enggau Ipar iya tu diau sengapa-ana laban jasa apai sida sampai buleh pingat George Cross ke tanda belambur ka nyawa ngetan ka menoa diserang munsuh udah chukup ngagai negara enggau mensia maioh..
Jako tu dituju ngagai perintah BN, YB menoa nya empu ke benjanji deka mai duit 80 Juta ngaga hospital, jalai enggau tali talipaun lebuh ke bepilih April 7, 2009 tu kemari.
Bala blogger ke bukai, manah amat enti kitai besaup ngaga berita ke bakatu ke bisi nyadi ba menua kita empu awak ke tau didinga bala maioh kelebih agi perintah kitai kediatu serta tau nyadi ke lalau mensia maioh dudi ari.
Popularity: 35% [?]
Related posts:
- Nuju Pengundi Batang Ai ~ Sempalai Kenang! Ditulis olih Iban Baru Sempalai Kenang… Nuju bala kaban belayan...
- Bisi ngerimbas pending jako “anak”. Written by Dr. John Brian Anthony Randau Aku bisi berandau...
- Salam Jako Pesan ngagai Dayakbaru Source: Dayakbaru contributor Note: Please print and distribute to our...
- Berita kami ari Batang Ai Posted by: Apai Rock Enti enda salah aku, Iban LA...
- Rating Ari Batang Ai- PKR Menang Written by Dr. John Brian Anthony Pengundi Batang Ai ari...
Related posts brought to you by Yet Another Related Posts Plugin.
Comments
33 Responses to “Jako Kenang Ari Batang Ai”
Leave a Reply
-
-
-
Total Hits
-
- "JAKSA PENDAMAI" MINTA HERALD MUAI "ALLAH"? (258)
- IbanImmigrant - Dayakbaru accept your Challenge (236)
- 1MALAYSIA - IS "ALLAH" EXCLUSIVE TO ISLAM? (215)
- Masing kritik penulis blog dakwa Dayak tidak berguna (191)
- SKIM MUNOH RAYAT (147)
- SIB CHURCH ATTACK – SEREMBAN No.13? (143)
- Jako Jabu tekelalu bula (141)
- "BN has money - PR talk only." (139)
- SMS ex-pengajar ngagai Johnny anak Chuat (131)
- Batang Ai Independent Candidate - Ruaikitai Community Portal Owner (127)
Inspirational word from gkm2020
DayakBaru,
Sinu endar ninga cerita ‘Endu Wong Irup’ tu..tegenong aku enda lama…tak asai ke sama enggau sida serumah tu maia sida ke dituntung penusah nya! Ukai nama..laban selalu meda utai bakatu nyadi di menoa ke jauh ari mengeri. Nya meh baka ia…!
Tudah ke kena penusah tu tak naka meh pemerinsa..tentu dada asai ke pandam orang, tang kitai ke enda ngasai ke pemerinsa tudah tu tadi…nadai meh asai apa nama..kelebih agi kitai ke duduk nyamai di bilik besai, dulu likun dalam bilik aircon.
Ukai semina ba menua sida endu tu aja utai bakatu nyadi, di menoa bukai pan bisi. Sayau endar meh kitai enda bepeda pangan diri..enti antara menoa siti-siti ulih bepeda pangan diri baka meda TV live..nya baru kitai sedar…berapa pemedis bansa kitai ke diau di ulu sungai.
Nambah ke nya …tudah ke tinggang penusah…nyau ke lama-lama, nyau enda agi ga ingat ke pemedis ke udah di sepi. Maia tusah nuntung… bisi meh ati ringat nyepi diri ke pedis, ke kurang pemansang ari orang. Datai maia ke patut mantai ke kuasa..election…nyau nadai meh pengeringat tu tadi..udah tepeda ke ruai terang belama, utai dipakai baka ke begawai, bala perintah niki ke rumah, bala YB negi ke jari…minta undi. Udah bepilih, pulai bakanya baru meh pengidup…nadai agi begawai, nadai agi tampak ruai…tikai pan nadai! Kadang-kadang nadai orang nguan bilik. Kini ke penunga deh…bejalai ke endor bukai meh! Nama kebuah? Ngiga pemakai,ngiga penyamai meh nya…laban menua diri udah nadai utai karap ke agi.
Ko Tun Mahathir..’Melayu Mudah Lupa!’ tang kitai bansa agi teruk…TIDAK INGAT LANGSUNG !!
Tabi ngagai semua bala blog DB tu,
Nyadi nyau limpang mimit isu ke ka dibai aku dikerandau kakitai kali tu… Siti isu ti ba aku patut diterang ka enggau jelas awak aku enda keliru nggau situasi nya n awak ke aku bulih fakta ti bendar pasal perkara tu…..
Aku nemu mayuh ari kitai ke selalu ngabas blog tu ia nya member SDNU, termasuk editor blog tu empu. Nyadi aku ka nanya perkara pasal RUMAH DAYAK ba SRI AMAN.. Ukai nama aku nanya munyi nya, laban lebuh aku cuti pulai ke menua diatu dia aku tekenyit meda pendiau RUMAH DAYAK SRI AMAN baka ke benung dirumpang urang.. Meda utai nya bakanya, dia ku nanya bala kaban aku nama utai udah nyadi nggau RUMAH DAYAK nya.. Dia aku ninga sida madah, RUMAH DAYAK nya ka digaga urang nyadi SHOP HOUSE (Rumah Kedai) lalu RUMAH DAYAK deka diberi seunit shop house (3 tingkat) nya. Lalu perkara ti ngasuh aku tanda tanya, adakah lot tanah nya agi under nama RUMAH DAYAK or lot tanah dijual lalu diganti nggau seunit shop lot nya?
Lebuh aku nanya saut nya, dia sida nusi sida nda nemu status ke bendar perkara nya, laban ko sida ketuai SDNU pampang Sri Aman semina madah nerima dua pucuk surat ari HQ SDNU madah ka RUMAH DAYAK deka digaga Shop House, lalu iya empu nda nemu kebuah lalu. Laban SDNU pampang nadai kuasa ba hal RUMAH DAYAK nya.. Amat ka bakanya?
Enti nyema amat Lot RUMAH DAYAK SRI AMAN nya amat ditukar nggau seunit shop house 3 tingkat, cukup rugi kitai Dayak Sri Aman. Taja nyaka amat rega shop house nya sama rega nggau lot tanah nya, Tang bakani ka value nya 50 tahun ti deka datai? Enti aku ke nembiak ke baru manggai umur 27 taun tu ulih meda pengerugi nya, nda patut kita bala aya ke ba SDNU ke bc nya bc berpelajar PHd,Master nya enda meda pengerugi nya.
Aku nggai ngulas panjai agi, sebedau aku nemu cerita ke bendar pasal RUMAH DAYAK SRI AMAN nya ti benung dirumpang urang diatu. I’m Dayak future generation, that why i need to know the real situation…. Lalu aku deka nandu tanya aku tu baru:
1. Nama kebuah SDNU ngaga dicision bakanya (Ngaga Shop House dia)?
2. Lot Tanah nya agi ka under RUMAH DAYAK/SDNU?
3. Amat ka ketuai SDNU pampang Sri Aman semina nerima 2 pucuk surat aja pasal nya? Nama kebuah SDNU pampang SRI AMAN nadai dibai berunding pasal nya?
4. Nama penguntung SDNU nya ngagai SDNU n bangsa Dayak ba Sri Aman?
5. Berapa lama sida SDNU ngaga decision pasal Shop House nya?
Nya meh tanya ke deka aku tanya ngagai bala ketuai SDNU.. arap ka aku bulih saut ti jelas serta terang awak ka nya nda ngaruh keliru serta tau ngemansut ka khabar angin ke tau mencemar imej SDNU.
Selalu aku nyebut munyi tu… Kitai Dayak nang perlu berubah serta mangsang, tang never and never make a wrong decision… otherwise our future generation will start from begining again.
HIDUP DAYAK!!!
Nitik ai mata maca tulis ari Batang Ai. Enda ga aku kiroh nalat semua janji ke udah di sebut, nya sigi adat orang ke bepolitik, tang tu besangkut paut enggau hal idup-mati, nya ia sinu di baca. Anak ga agi mit.
Cherita orang enda makai, enda cukup belanja sekola, enda tegaga ke rumah, semua nya ngasoh ati sino. Kati tu aja cherita ke ngasoh ati sino? Ni cherita ke enda kala di dinga kitai?
Aba Borneo Post kemari bisi pansut berita nerang ke jako Dato Seri James Masing di Sibu. Manah amat jako nya, tang aku deka nimbal ia. Utai ke baka tu, enti enda di adu ke kitai diatu, maioh agi ai mata kitai labuh pegila lusa. Awak ke aku ngena jako orang puteh,
“Plan Human Resources Development Properly: Masing, (Borneo Post 27th April, 2009)
Dear Dato Seri,
I am very pleased yet surprised at this call for proper human resources development. Allow me to explain, sir.
1. I have to remind you, Dato Seri, that you are at the helm of planning and in this case, you are there to set the pace, the direction and rules of the game.
2. Dato Seri, there are reportedly 60,000 Dayaks (not counting the Chinese and Malays), who are spread all over Peninsula Malaysia. We are driven here not by choice, but due to trainings and vocations which we do not find in Sarawak. Dato Seri, that figure had been there since the past 20 years. It is growing by the year.
3. Dato Seri, human capital training at present is left to the schools, with “study hard and you will succeed.” Such encouragement, while true, set the youths competing for limited places in form six and the local universities. Many youths from more affluent families can continue their education in private colleges and universities. The majority of the youths, however, are left helpless.
The youths that are very much affected are from the Dayak Communities.
The pace, direction and rules that I hope to see, Dato Seri, is that your office must seek to set a quota for youths from poor family background, who should be admitted to local universities, colleges and vocational trainings. In this respect, the Dayaks feature prominently into this category. I know you are the ADUN and Minister for all races, but it is the Dayaks that are currently very much behind in term of human capital development.
The Federal Government has announced that more financial support would be diverted for Sarawak and Sabah youths, and we Dayaks welcome such announcement. My hope, Dato Seri, Dayaks would be included as recipients of such support.
As mentioned, 60,000 Dayaks are scattered all over P Malaysia. Some have set families here. We are the minority in any town in the peninsular. In many of our ways, we are leaning towards the Malays, but our religion prevents full acceptance into the Malay’s side. Sometimes we follow the Chinese, and we compete in schools, jobs, business and even burial grounds for our dead. Some of us thrive, but many are struggling. It is hope that you can highlight the fact that a Dayak in Sarawak is also a Dayak in P Malaysia. I will not elaborate Dato Seri but I trust you understand this as Dayak’s problems in P Malaysia. Our hope, even if it’s a distant hope, that there would be enough jobs for us in Sarawak so that we can return to the land where we were born.”
Tu aja jako aku. Sebedau nyurut ke diri, meri besai terima lalu arap ke jako kami enembiak bisi di dinga bala orang ke ketuai. Terima kasih.
Patut perintah ngaga siti gi sepital ke cukup enggau semua perengka..
ba endur kawasan ti tengah2 alai menua org diau…
ambi pekara bakatu enda berulang agi….
suah nyadi ukai di LA aja…
angka mayuh enda ditusi org…
di ulu sungai…suah utai bakatu nyadi….iya ke parai beranak….bisi sekeda sampai mutus ke seput di rantau jalai..ketegal jauh ari rumah pengerai……tambah mega penanggul
endur kitai iban diau sigi jauh ari bandar..agai sapa endur kitai nunjuk ke jari……..
bela sama meh berunding…dah enda alah diseliah
kati ko enggau…
Anang ngarap ka Tai mamut ka ngaga hospital di lubuk antu. Ia udah madah mensia ba lubuk antu enda cukup maiuh endor begaga ka hospital. Ia udah nyebut tang kitai agi ka nyukung ia. Ia nadai penting ka seput kitai mensia di lubuk antu. Ia penting agi ka menua ia di mukah. kena ngaga hospital ti ngidup ka rakyat nadai duit tang dikena ia ngaga padang bilun di mukah maiou amai. Udah ga bisi padang bilun di mukah, gaga tai mamut agi ga. tang anang nyalah ia mega laban kitai di menua lubuk antu agi sayau ka tai mamut nya.
Madah ka menua tempat kitai Iban agi jauh ditinggal ka pemansang, nadai jalai besai, nadai telepon, nadai hospital. Anang bala menteri kitai bebula enggau rakyat madah ka menua Iban jauh udah mansang, bullshit!
Seliong ak Wau…(28/04/09)
I hereby agree with your post, FYI am always somewhere else outside S’wak to earn a living & sorry, needless for me to further elaborate, Dr.JJM can figure it out.
TQ
Condolences to the family.
The incident reminds us lack of infranstructure development in the area.
Sarawak, under the BN, has still not achieved infranstructure development and economic progress, far away to a level playing field with the other states in Malaysia.
anang sebana kitak ba lubuk antu diak…anti aja projek perintah.enti perintah enda meri projek..hospital anang nganu perintah.kitak ka ngundi perintah……..taib rising2 ketawa meda bala iban maioh mati….kapa enda ukai bangsa aku ko ia diak…PARAIDAYA!!!! tai tu.
Nadai ko enggau meh udah nasib serata naka umur tudah tuai di beri petara meh nya.
Pekara di atas nya ti selalu tebal agi ba buah mulut kitai Iban / dayak. Lalu nyalah ka perintah laban nadai jalai raya kena naban ka ia ke hospital lalu nyalah ka perintah laban nadai hospital, clinik ti semak etc-etc.
1: Cuba kitai nyaga pengerai diri empu.
2: Check darah tiggi, kencing manis, ngeheck ngeli tauka bala anak-anak ke udah pandai bisi bagaji mimit. Bai check meh apai / indai kitai – Check ka pengerai ba siptal perintah Free check nya kaban.
3: Baka sekeda ari pemakai kitai bangsa tu baka pekasam, ikan masin, BBQ enggau ngirup ai bisa ti kelalu serta pemakai kitai ti enda semimbang nya meh ngasoh nganatai ka penyakit.
Ukai enda tau di pakai di irup tang meh limit2 serta bajaga-jaga.
4: Kada enda kitai kurang ngirup ai amat. uji check … nama color ai ti di buai kita … Kuning tauka putih.
Enti ia putih tanda ia manah meh nya.
Kuning tanda tubuh kitai enda cukup ai di irup. Maioh agi ngirup ai manah agi nuchi tubuh kitai.
Nya alai komen aku lain ari enggi kita:
Jaga pengerai, jaga utai ti di pakai enggau utai di irup kitai, selalu check diri empu. Taja pan tak nadai asai sakit.
Anang nganti nyau luput, ngelu pala etc baru lah ka be-check ka hospital.
Terima kasih
Kelingmenua,
Amat ko nuan nya, jaga pengerai. Tang mati tu ukai tegal sakit aja, bisi mati tuai, mati bebadi maia ke kerja tauka utai bukai.
Nyadi endang tanggungjawab perintah enggau bala sida YB meh patut merati sereta ngadu ka utai ke bakatu.
Baka jalai,hospital enggau utai ke buakai endang patul di adu ka sida perintah..nya kabuah kitai bisi bepilih, milih sapa orang ke megai perintah.Ngambi ka bisi ngemata serta nyaga pendiau bala rakyat kitai semua.
Laban ke nadai jalai serta jauh ari hospital nyadi bisi endar ka penanggul ka bala menyadi kitai ke deka beperesa penyakit ke sepital. Kitai sama nemu pengidup enggau penatai ruang bilik sida ba menua pesisir endang agi jauh kurang, kadang-kadang semina chukup ke pakai aja…amai pa bisi bala ke bisi penatai ti chukup tauka lebih, tang ke tebal agi bansa kitai di menua pesisir endang agi dalam kategeri bepenyuntok.
Aku arap ka pengari kitai Dayak tau berati ke utai tu…adu-adu ka bala kitai dayak di menua ulu, anang tak semina nemu ngaga janji ti maioh maia bepilih aja ketegal ke deka ka undi.
Kitai di menua pesisir endang agi kurang penemu, nya alai kita YB anang kelalu ngemeli ka bala sida.
Penusah Rakyat tanggungjawab bala sida YB kitai.
Terima kasih.
nya meh penusah bala iban(dayak) ,berita baka tu enda diasuh perinta pansut,laban kena sida ngalai ka cara sida megai perintah lalu ngalai ka sida enda ambi berat ka penanggul bala iban ulu ai.tang kitai anang ga irau berita amat siga patua dibantai ngagai bala YB.Baka karang tu tau diberi ngagai YB kitai iban.enda salah enti sida ia nemu berita tu.
Iban Batang Ai,
Perhaps a well-intention article but I don’t feel it is appropriate to use the tragedy as a back drop to your main story – the punchline, which is the request for development assistance and to remind the BN government to honor their promise.
You could have been forgiven but for the phrase “bisi siko indu ke beumur 38 tahun beranak 6″:to my mind-the mother and the children should at least,be mentioned by name.
Your call to highlight the tragedy and hardships of the rural population is good. But again, I don’t quite support the idea to translate the individual tragedies into yet another shopping list of development assistance.
Dayak sob stories becomes tragicomic (to the non-Dayak) if it is overdone. And you can’t blame the government if they continue to give out token/placebo development project during every election.
My heart goes out to the mother and her 6 young children.The right thing to do now is to help them directly.Perhaps this blog can set up an account number for the public to donate (Seliong ak Wai ?) and for volunteers to hand it over to the victim.
DB will also earn the credibility to blog the rural suffering (including to hammer the powers-that-be),if the activism is translated into real action (no matter how small it may well be).But first-thing-first,to belabor the point: help the victims.
Its sad that the tragedy were mention in passing by readers-before the subject matter is changed. Then again, I presume people must have reacted with mixed feelings, just as I did.
Penusah ke dikenang kitai tu situ ari beribu ribu cases ke nyadi ngagai kitai bansa. Sapa beduli??? Price for voting in BN to power???
kelingmenua,
God! U really have a point there. I am Iban myself and aku ngasai k penemu nuan nya amai ngena. Nyau limpang mimit meh tok…One thing I realize is why kitai iban tok ka pedis2 mimit enti ka mansang is because we love to be the way we are.enti dituntung penusah..nya baru kalat2 ngiga urang ke ka disalah..well, we have the power to appoint who we want our MP to be. But, we just don’t care and vote for the same regime all over again. Wake up!!Look at S’pore…they only have human capital without natural resources..they are way ahead of us. As for us..we have everything..but we are lagging behind…Can we just liberate ourselve..maybe?
Baka ni kati pan, kitai mesti mai ideologi baru ngagai bansa kitai kelebih agi ba Btg. Ai ke agi bendar mayuh negmbuan penemu ‘ngeli lancham’, lalu nepis penemu ‘TR/Pengulu mesti ngundi perintah”. Terangka sapa perintah ke bendar?
Diatu kitai manggul, ila kitai ngetau. Belubah, enggai ke teterap tetingkap.
agi arr…..undi meh BN,nya sepik asai kita d kemula ka bala JJM.Enti sida JJM ka maju ka kitai iban lama dah kaban,tang meh nadai jako nya kaban.(PBDS)
antukamba,
Ngai nyadi jaku kenya kaban. Patut kitai sinu ke sapa2 org kena penusah. Buji kitai enda ulih nulong ngena tulang & duit, mantai ke penyinu ati udah cukup.
Dini nuan nemu org ke kena penusah nya enda nyukung parti penyakal tauke BN?
Badu meh ngenang nasit kita ba Batang Ai dia, unggal. Nama agi ka dikenang nya dia, batang kita udah enda bedaun agi. Anang ka dedadak deka ngachau unggal Mussen ngemajuka urang ke nyukong iya aja. Kita ke enda nyukong iya nya, anang tak hajin ka bejaku. Sapa ngasoh kita enda ngundi iya suba. Peneka ati unggal Mussen meh. Enti iya siruka kita, angka ampit ga kita buah Politik of Developmen apai tuai ke udah nyau tawing saritu.
Ku akih Iong: Nitik ai mata maca tulis ari Batang Ai.
Apoooo…. siru amat dek unggal Akih Iong. Nyau baka ke kala buya ga nuan tu ne!
SPECIAL REQUEST TO JOHNNY CHUAT,
GAGA NUAN SITI ACCOUNT LALU BERI NUAN NO. ACC NYA DALAM DAYAK BARU TU KENA KITAI DONATE NGAGAI KABAN KITAI ENDU BATANG AI KETEGAL PENUSAH KE NINGGANG SIDA SEBILIK, BARANG NYMPAU IA MEH BERI KITAI. TERIMA KASIH
Condolences to the family.
Nya madah ka menoa kitai Dayak/Iban masih jauh tinggal arus pemansang lalu apin ampit “Buah Merdeka” ka disalak sida aki Tun Jugah suba.Sebedau kitai nyunting maia bepilih ila- lusa,fikir panjaix2 dulu ni ti patut dicunting.Anang takut nyunting sapa ti patut ba ati kitai.BN manah, cunting BN. Pembangkang manah serta tau ngemata ka penyalah pengawa BN cunting Pembangkang. Anang takut. Sida Endu tu sinu aku ninga rita sida. Aku jangka bala aku sida tu.Aku enda ulih ngabas laban aku diatu di Darfur, Africa. Tqs.
Bisi muka mini office di Lubok Antu kini YB baru tu? Enti bisi, bala ka diau di Lubok Antu enda tau enda nulong sida ka tusah tu ngenatai ka penusah tu ngagai YB baru.
Uji dinga di radio maia pagi ari. Tak selalu dipesau ka orang sida Jabu, Unggah, Jelaing enggau bala YB bukai enti bisi sida menoanya rabat. (tang aku enda ga nemu sekalika sida tu bisi mantu tauka nadai).
Tu meh maia kitai meda pengamat ati iya. Sekalika Iya tu YB ti bekerja ka rayat tauka semina YB ti pandai bejako, minta dibasa ka orang rumah panjai aja baka bala YB2 ti dulu2 suba. Enda ibuh sebut, kita nemu rintai YB kami di Batang Ai – Lubok Antu.
Ngagai bala kaban belayan Endu ti nadai tu aku arap ka kita ulih ngelaban penusah tu enggau ati ti kering.. orang ti kala tinggang penusah tu aja meh nemu reti penusah tinggal mati kelebih agi bala anak iya enam iko nya.
udah kini tapak hospital dipejadi sida beend munyi ka jajni sida tu tadi??? Nyamai amai bala kaban di Batang Ai enti utai ka disebut /dijanji bn maya bepilih nya di kamat ka . Tang ia ka di irau ati aku ia nya..enggai ka janji nya semina janji kosong aja.
Well,
Our newly elected YB MML should be able to know how are things being planned fo LA. Now,he probably could see who are the potential 80 Iban millionaires from his area.Hopefully, similar predicament befalling the Ibans in LA will be a thing of a past in not too distant future.
Nadai jaku nya. Tiap kali akih Mussen nya nemuai ke rumah panjai, peda nyau betelengai ga rekong manok putus, nyau setajau ga tuak kena numi perut iya. Nya meh utai fikerinduka iya unggal. Apai deh Indai, landik endar iya ngajat. Kada endar taing taing nyawa iya bekaraOke deh minta dinga sida ke indai urang ke jegit.
Munyi ka utai sida PR ba menua ke diperintah sida , nyema bisi penusah bakatu PR deka nulong Rm 2500.00.Bisi endar $$$$ nyampau tu dikena mutar ke penusah. Enda iboh minta pia ka sida tang automatik…
Nya meh moto PR: Penulong Rayat.
Igat Lembau
Bagas endar dek bejako, nyau enda ngelak ka orang.Dek enda patut madah ka diri Igat Lembau agi, patut tukar nama nagagai Bujang Ragak Riang pengerah bala maioh.
Kaban Jonny Rayong Ila enti dek pulai ari Africa tua ngabas endu tu kasih amai tudah iya.kemaia dek pulai kaban?Ila tua ngirop ijok ba rian unggam.SELAMAT GAWAI DAYAK GAYU GURU GERAI NYAMAI.FROM JJSpore
owh tuan menggong.. aku kala maca cerita ya..
buku ke btajuk “Menggong-Pemburu Dari Sarawak” bup tuk dibeli sda apai ku ba smnnjung masai,jhor mya gk bjang sba.. ku enda nmu nti bup tu bisi djual bamenua srawak.. lbuh ku mca bup nya,endang sigi berani Menggong tuk.. Tabik ngaun Nuan Tuan… ku tuk mh reak baru k nmu psal sjrah nuan.. ku ngarap k bup nya ila tau di publish tauka di edar agai psar,ngambi k nembiak baru ngelala tauka nemu psal perajurit2 Iban kelia menya k nyabung nyawa ngetan k menua klbih agi Menggong..
JJSpore, aku dijangka pulai ke Malaysia pada 10.6.2009. Galau setajau dulu ai ijok ba Rian Unggam dia. Lelenggau amat deka ngelaban ai ijok. Nayau udah leju ngelaban ai Sudan di Darfur ditu. SELAMAT GAWAI DAYAK 2009 ngagai semua.Mupok aku. Tqs.
Apo rugi amat aku enda pulai Jonny,dinga aku tiap lemai ba belakang dapur chapoh belama.Enti dek pulai stanby dulu 2 crack chap pala singa.Lampu pichit anang enda ingat enda alah begama pulai ari Rian Unggam.SELAMAT GAWAI 09 ngagai bala kita ba Darfur dia,berasai utai chelum neh!enda berani ngelaban