Remaong Di Rumah Raong Di Tanah.
Di Tulis Iban Abroad
Sikap kitai bansa Dayak ke selalu bekemutap nyebut serta mempejuraika penyalah ketuai kitai, tang lubah mantah penyalah bansa bukai ke ngaga penyalah ngagai bansa kitai Dayak patut diperundingka kitai enggau manah.
Anang riri mantah
Aku nyebut tu, ukai aku deka nanahka ketuai kitai ke bepenyalah, lemah, enda chukup ngaduka bansa kitai tauka ngeruntuh bansa kitai bekau ke udah diasut bansa bukai. Tang, tuju aku enggai ka kitai riri berunding semina pandai mantah penyalah ketuai bansa kitai tang nadai penemu nyakal pengawa bansa bukai ke ngerusak bansa kitai. Penemu kitai ke baka tu sebaka enggau jako silup kitai ke dikumbai “Remaong Di Rumah Raong Di Tanah.”
Sekumbang ke enggau blog DB tu, maioh kitai, ngekaum aku empu, beperangai ke baka nya.
JE enda iboh minta ampun
Lebuh J. Entulu nyebut deka ngapuska jako Dayak, kitai bekereding mutap nganu tudah tuai sampai ngasoh iya minta ampun ngagai bansa kitai, taja pan tudah J. Entulu enggau naka oleh nerangka kitai juluk ati iya ke bendar. Ba penemu aku, jako iya ke nerangka kitai julok ati iya ke bendar bekau ke mansut ka penemu ngapuska leka jako Dayak, maia Gawai Dayak lebih ari chukup endor iya nemu jako nya bisi penyalah, enda ibuh tauka enda semestinya J. Entulu mansut ka diri ngena jako minta ampun. Kebuah pia, laban kitai bedau kala mansut ka jako minta bansa bukai minta ampun ngagai bansa kitai ketegal penyalah sida ngagai bansa kitai. Aku takut ka orang bukai ngumbai kitai semina berani mantah penyalah bansa diri tang takut mantah penyalah bansa bukai.
Enda tau ngena jako Allah Taala
Kebuah pia, laban, lebuh Abdullah Bedawie nyadi Perdana Mentri bisi sekali nadai siko kitai Dayak nyadi Mentri Penuh, tang kitai nadai jako. Perintah besai nagang kitai ngena jako Allah Taala ba bup kudus kitai Iban, kitai enda tentu bejako jauh ngasuh perintah besai minta ampun. Perintah Besai enggau perintah menoa Sarawak ngapus ka jako Dayak ba form sida lalu ditukar enggau bansa lain-lain, kitai semina pandai beselemumu sebelah kaki lima enggau pak kopi. Perintah ke ngapus ka surat Nendak serta muai semoa bup Ensera kitai ba Dewan Bahasa Dan Pustaka, kitai nadai bisi jako siko mantah bansa bukai ke ngereja kitai baka nya. Pengawa perintah ke ngubah undang-undang NCR endor ngambi pengeraja tanah kitai enggau adat sida ke becheping ngagai bansa kitai dalam semoa bidang enda tentu dikeibuhka kitai.
Pemula politik bansa bukai - enda di sebut
Kitai bekereding mutap nganu A. Jabu bepolitik ngumbai iya bula. Kitai bekereding mutap nganu J. Jemut ketegal Tanah NCR, kitai bekereding nyalah L. Linggi laban ke buleh lisin kayu balak di menoa Batang Rajang. Tang kitai enda tentu kempang becheramah panjai mantah, ngerara, mempejuraika pemula politik bansa bukai ngagai kitai enggau lisin kayu balak ke bepuluh iti maioh ari enggai L. Linggi ke diberi ka bansa bukai.
Ba penemu aku kitai patut berunding panjai ka mindset kitai ke bakatu.
Penyarakup, Penusah enggau Pemansang Bansa Dayak..
Ba pengawa nyerakup ka bansa kitai, bejuraika penusah kitai serta ngaga lalu ngadu ke anggur pemansang bansa kitai Dayak, ba penemu aku, nadai utai lebih ari kitai ngaga siti forum, padato, debate, seminar, assessment kena nyelidik penanggul enggau jalai kena nyerakup serta ngemansangka bansa kitai. Kitai enda oleh berunding sehari tu, nanya runding orang siko-dua aja lalu ngaduka iya pegila-lusa.
Udah kitai boleh runding enggau penemu ke jelas pasal penusah, penyerakup, pemansang kitai Dayak, ari nya kitai ngaga siti kertas kerja ke oleh kitai ari forum nya. Udah nya, kitai nyadung kertas kerja nya ngagai bala kitai Dayak serta nerang ka sida silik agi penemu ke dipansuk tauka dipadahka ba kertas kerja nya.. Ari nya mensia maioh, jelas meda serta mending ka tuju arah kitai Dayak, lalu kitai mai sida pan nyamai sama bela besaup ngerja pengawa nitih ka kertas kerja nya. Kitai Dayak ke bukai pelaba aku pan lempong tulang enti bisi kertas kerja ke jelas bakanya.
Gawai Dayak.
Aku deka mai kitai berunding ka maia kitai ngintu Gawai Dayak. Kebuah aku ke nyebut jako tu, laban maioh amat penanggul ke ujah nyadi nuntung kitai Dayak ketegal Gawai Dayak ke dintu kena ka Jun 1.
Ngirup nadai tagang
Lebuh ke ngintu Gawai Dayak kena ka Jun 1, maioh amat bansa kitai ngirup ai bisa sampai enda tetagang ka diri ke ngasuh sekeda kitai sakit, accident lalu masuk hospital. Bisi sekeda terus lanjur mati. Anak kitai Dayak ke deka persa Pom 3, Pom 5 enggau Pom 6 tahun nya deka bisi penanggul ketegal dituntung penusah diri sebilik tauka kaban belayan baka ke dipadah diatas nya. Sida agi trauma, enda oleh numpu enggau penuh pelajar sida sekumbang ke udah tinggang penusah nya iyanya ari bulan 6, 7, 8, 9 sampai ke sida persa ujung tahu. Lebih teruk agi enti penusah nya nyau bebulan ba hospital baka sida ke kena stroke, sakit jantung, tinggi darah lebuh kelalu ngirup ai bisa maia Gawai. Utai tu udah maioh amat belaku. Kitai patut nyelidik penusah tu enggau silik ka agi.
Nyadi tu sekeda siti ari penusah ke nuntung kitai bansa Dayak ke enda ditemu kitai mensia maioh. Tang enti kitai bisi forum tauka assessment ke berprofessional ngelidik penusah, serakup enggau pemansang kitai Dayak utai tu deka ditemu kitai enggau jelas.
Dua pengerami dalam setaun Gawai enggau Xmas
Kelimpah ari penusah nya kitai muai maioh amat belaja enggau masa laban kitai ngintu pengerami dua kali setahun ketegal tebal agi bansa kitai diatu masuk Kristian lalu ngintu X-Mas. Nambah ke nya, maia Gawai udah tentu sida anembiak kitai Dayak enda belajar serta beberapa minggu udah nya enda concentrate ba pelajar agi ngenang pengerami maia Gawai.
Aku agi ingat maia sekola ba Kampung Resak di Simanggang menya sampai sebulan-dua agi ngenang Gawai bekau ke udah ngintu pengerami Gawai ba sekola, dibai Kepala Pengajar enggau Penolong iya, iyanya, YB Jelaing ke diatu. Minta ampun ngagai nuan YB. Persa nyau semak, pelajar enda ditati ke enggau serius. Bakani ka boleh result ke manah.
Accident tegal mabuk
Pulai Gawai tu kemari siko anak staff aku accident udah ngirup mabuk sampai masuk ICU di Miri. Bala menyadi enggau petunggal iya ke bukai ke benung nyediaka diri ba persa pom 3, 5, 6 udah tentu bisi penangul, agi trauma ngenang penusah nya. Iya ke masuk hospital sampai sehari tu bedau pulai dipelaba ka lutor mai masa enda kurang ari sebulan ba Hospital. Nyadi tu beribu iti contoh ke udah nyadi lalu enda ditemu kitai pemaioh ke deka nyadi dudi hari pegila lusa nuntung kitai Dayak ari Gawai Dayak ke digaga kena ka Jun 1.
Gaya baru ngintu Gawai?
Aki ini kitai ke ngeletak Gawai Dayak kena ka Jun 1 menya, semina bepanggai ba masa kitai ke lapang udah maia bumai lalu kitai Dayak jarang amat ngintu X-Mas. Diatu kitai patut ngubah Hari Gawai Dayak kitai nitih ka singkang kitai kemaiaharitu, iyanya kitai kemaioh agi enda bumai serta bela ngintu Hari Christmas.
Bah oleh ka enda Hari Gawai Dayak kitai diubah diintu udah X-Mas, misalnya December 27 awak ka serentak enggau Hari Kristimas enggau tahun baru lebuh anembiak chuti sekola? Arinya kitai enda maioh bebuai masa enggau belanja, lalu enda ngachau runding anak kitai ke deka persa ba pom 3, 5 enngau 6 enti bisi penusah maia Gawai. Chuti tenggan tahun nya pan oleh dikena anembiak kitai belajar ngulang matapelajar sida awak ke sida mujur agi ba persa perintah.
SDNU
Dulu aku minta ampun ngagai bala kitai, laban madah ke diri bisi utai ke enda puas ati ngagai gerempong SDNU kitai. Aku mega madah ka pengaga ati diri laban maioh utai ke udah dikerja SDNU ke nguntung ka kitai bansa. Siti contoh iyanya ngaga blog ke bakatu endor kitai bejurai ke penemu kena negi ke bansa kitai.
Serbana aku, madah ka pengining ati diri deka meda SDNU lebih chakah agi ngereja pengawa kelebih agi nyerakup kitai bansa Dayak, ngetan ka hak kitai Dayak, mai kitai Dayak maioh agi masuk SDNU, chakah agi ngerara tauka mantah bansa bukai enggau perintah ke udu amat becheping adat ngerusak kitai Dayak.
Penemu Tengah ari patut di ibun
Penemu tenggahari patut diibun bala kitai ke ba SDNU awak ka kitai oleh serta mudah agi ngerempung penemu mensia maioh mai sida seati ukai semina ba politik aja tang mega ba tiap iti pengawa enggau issue ke bisi besangkut paut enggau kitai Dayak.
SDNU kena ngerempung kitai Dayak
SDNU mega patut ngiga penemu ke dalam agi serta ngiga akal ke chakah agi kena ngerepung kitai Dayak. Kebuah pia, laban diatu, orang ulu udah ngerarika diri nyadi Lun Daya, Bedayuh majakka gerempung sida, rumah Dayak di Kuching udah terbangkalai bepuluh tahun ke udah, rumah Dayak di seluruh Sarawak mega udah dirubuh lalu nadai meri cirri-ciri penyerakup ngagai bansa Dayak agi. Semoa utai tu diatu nyau nyadi ka lambang pengelemi penyerakup kitai Dayak, taja pan bisi meri asil ari segi belanja.
Kitai bedau seat!
Amat kitai Dayak begempung ba politik nyukung BN tang kitai agi bedau seati-sepenemu ba negak serta ngetan ka hak kitai Dayak. Ba tiap-tiap kali issue ke bisi besangkut paut enggau kitai Dayak, kitai agi bisi becheregi enggau panggan diri serta besui enggau panggan diri ngadu ka pengawa ke nuntung kitai.
Cadangan
Ketegal kitai kurang beserakup ba SDNU, ke patut ngerempung bansa Dayak, dia kitai enda sepenemu lalu lemah ba mansut ke penemu ngagai perintah minta utai kedeka kitai serta ngetan ka hak kitai sambil ngelaban orang ke ngerusak bansa kitai. Kitai Dayak oleh ngaga suara ke effektif ari SDNU enti kitai Dayak maioh agi begulai sejalai dia. Ari suara kitai nya kitai mai peminta, madah ke utai ke enda puas ba ati kitai terus ngagai KM, PM, Majlis Raja-Raja tauka UN. Enda oleh ngena chara ke alus, kitai tau mai bala kitai ngaga demo ngangsak perintah nitihka peminta kitai. Kitai enda ibuh nganti bala YB kitai ngatur kitai.
Gempong Jako
Ba penemu aku, patut berunding panjai agi kitai ngiga akal ke lunak agi kena nyerakup maioh agi bansa kitai Dayak ba SDNU, awak ka iya tau nyadi siti suara Dayak ke bernaing bedidit ke langgit ngilah bulan, awak ka iya laju ari peluru leka senapang, awak ka iya bisa ari patuk liur ular belalang.
Popularity: 33% [?]
Related posts:
- Agenda BN sigi deka ngerumpak tanah Dayak Di tulis Iban Abroad Ditu, aku rindu agi ngena jako...
- Pemansang rumah panjai Written by Dr John Brian Anthony Nadai BN – nadai...
- 13,142 peminta nyukat tanah lot bisi diterima Taken from: utusan Borneo Dayakbaru: Jangka aku nadai kebuah kitai...
- Bisi ngerimbas pending jako “anak”. Written by Dr. John Brian Anthony Randau Aku bisi berandau...
Related posts brought to you by Yet Another Related Posts Plugin.
Comments
24 Responses to “Remaong Di Rumah Raong Di Tanah.”
Leave a Reply
-
-
Total Hits
-
Inspirational word from gkm2020
Iban Abroad,
Aku bisi ngenang mimit ba senentang ubah enggau chara Hari Gawai Dayak deka diintu dalam 20-50 taun ti deka datai jemah ila.
Tu link iya: http://mansangmaju.com/?p=148#more-148
too many words to read
have to read word by word
admit it, iban = alcoholism
to be an iban u have to drink from young age
“ukai iban ti nda nemu ngirup”
SDNU = BN sponsored NGO = nipu iban = brainwash iban
Ketuai iban ti udah di pilih kitai nyadi suara rayat IBAN / DAYAK. Tang peda meh pengawa sida ti di karap ka kitai nyadi pak turut. kala kitai meda sida bajako ba TV / keluar ba new paper baka bangsa bukai cina melayu, india,
Bah patut ka enda kitai ti nadai pangkat tu tak kucah-kucah sapa org ka mending ka kitai dih.
Ketuai kitai Dayak / Iban ba politik patut benar. mai penemu sida ia bantai ka enggau terang ukai tak belalai baka:
Politik pembangunan.
segulai sejalai.
Besai benar empa jako nya.
Aram kita nyara ka politik pembangunan sida ia:
Bangun ka tanah-tanah NCR.
Untong ia mimit aja orang ti empu NCR nya untong orang2 bukai ti maioh untong.
Sampai saritu pun jalai-jalai raya di swak enda manah.
Nyanka mina 40% aja Dayak di beri api letrik, ai bersih, schoolarship, jalai raya ka rumah panjai, peluang pekerjaan. amat maioh, amat tertinggal kitai dayak nya ketegal ketuai kitai dayak ti ba enggau orang megai perintah nya penakut serta pak turut.
Jadi endang patut benar kitai nukar sida tu maia ba pilih sawarak ti ka datai laban sida tu. enda nemu gawa ngari ka bansa dayak. jadi undi meh parti PKR tauka DAP.
Laban udah terbukti BN Kitai udah 50 tahun di pegai sida ia. Tanah NCR enda alah sukat sida ia. apa lagi ka ngadu ka pengawa bukai.
Terima kasih
posted by haro on June 9th, 2009 8:28 pm :
SDNU = BN sponsored NGO = nipu iban = brainwash iban
question:
bakani jalai sida sdnu nipu? exactly how? show me one example.
sarawak lama udah dipegai bn,tang nama kebuah jalai krian di menoa saratok lalu enda di tar.bepilih suah amat ga udah,bn menang belama ga dia.yb enggau menteri bela bisi ga diak,ninting kali maya bepilih mayuh perengka kena ngetar jalai dianjung,pecah tanah pan suah.tang utai ke ngasuh alit ati jalai lalu enda ditar.datuk p n semina nabur ke janji kosong aja,menoa diri empu enda alah dikemaju.enggai nyadi enda muntap……nya aja ga chara kami rakyat mansut ke pemedis ati,niki asuh opis perintah sapa ka ninga sebana kami?ngarap ke bala pemesai pemesai bn berunding meh ke penusah kami.enggai ke penggal bukai enda ulih duduk ba kerusi nya agi.
Aku enggai bulaka diri empu, sigi semina nemu bejaku ditu aja. Enti ba luar, kechut igi pehir aku.
Aku beratika kitai dayak agi maioh kepapas (jealous) ka pangan diri, enggai meda pangan diri pandai lebih, kaya lebih, selalu beserekang penemu lebih agi berebut ka nyadi ketaui dalam parti siiti, parti siti. Nya meh kebuah parti politik kitai dayak nadai panjai umur. Agi mega kitai dayak penakut, rindu dikemeli \ka bansa bukai, digunaka olih bansa bukai. Kitai dayak bepechah dalam lima buah parti, suka ati orang ngaga, suka ati orang ngenduan. Oh ha…nama penyadi kitai dayak.
Dear Iban Abroad (di LA = lubok Antu), enti bini atau ka anak nuan di perinsa bala nuan empu i.e. apai indai nuan, tentu nuan nganu apai indai nuan laban merinsa bini enggau anak nuan..can you see that brother..the logic..nama penyalah enti kitai menyai bala Iban leaders enti sida ia empu ke merinsa bansa kitai..
BERPERSATUAN DALAM DAYAKISM..
Unggal semua, Selamat Gawai Dayak ngagai semua kitai ke macha tu ga.
Enti ulih, ngerijista nama kita empu nyadi persatuan kitai dayak ga meh awak ka kitai ulih sama2 bejurai ka semua perkara ke besangkut paut enggau bansa kitai Dayak…
TANG…
1. Aku udah nganjung form siti ngagai persatuan dayak TANG lalu nadai reply, apatah lagi dipanggil enggau meeting. Nama kabuah deh? Aku pun enda nemu…
2. Kediatu, nadai siko ari bala members ke bisi enggau gerempong dayak tu bisi ngiga members tauka ngiga orang bukai nambah ka penyampau members sida. Nama kabuah deh? Aku pun enda nemu…
3. Pia mega, jarang amat ga sida ke udah nyadi members nya ngaga publicity deka ngerembai ka membership2 persatuan2 ke bisi bekait enggau Dayak. Nama kabuah deh? Aku sampai kediatu pan lalu enda nemu…
Sedih kan? Tak asai ke selalu dipinggir ka bansa diri ga asai kitai tu..
ENTI SEMA…
…tu enti sema aja ga. ..enti sema aku udah bisi peluang diberi nyadi member siti dua ari persatuan ke bisi bekait enggau bansa Dayak, aku deka:
1. Ngaga publicity ngagai kaban belayan aku ke bedau nemu nama reti berpesatuan baka tu.
2. Ngiga membership maioh maioh ka lalu mai sida tu ngembai ka tuju asal kitai Dayak ba segi politik, ekonomi, pelajar enggau pengarap kitai Dayak (Kristian).
Mission and Vision as a Dayak mesti bisi bepelasar ka Dayakism ba semua utai ke diatas nya ga.
God bless us all. Amin.
Unggal Bujang Kenawit,
Nadai sekali aku minta kitai bado mantah penyalah ketuai kitai. Enti sida bisi penyalah endang patut dibantah tauka dipenyai. Unggal Dr. JB pan enti iya bisi penyalah pan nadai salah kitai nganu,menyai lalu meri runding ke manah ke iya, Tang utai ke dibai aku diperundingka kitai iyanya perangai kitai ke semina nemu mantah lalu menyai ketuai diri tang enda nemu tauka kelalu takut menyai lalu mantah penyalah ketuai bansa bukai ke jauh agi ngereja pengawa ke jai ngagai bansa kitai Dayak.
Jangsinungenang,
Aku sigi setuju, kitai Dayak patut ngerembai ka maioh agi membership dia, laban SDNU tu pun gerempung kitai Dayak ke deka meruan seumur idup. Iya enda baka parti politik ke nemu berubah kin kitu. Uji kitai bisi mission siti: Sepintu siko nyadi member SDNU. Ngaga siti magazine ke nyadi mulut SDNU. Lebuh ke maia bepilih tau pengawa bukai ke bisi besangkut paut enggau kitai Dayak, dia kitai tau ngerah members ke siko sepintunya nama utai ke patut digaga lalu sapa ke patut dichunting. “Member Sepintu Siko” nya lalu ngajar sida sebilik nitih ka utai dipadahka ketuai kitai ba SDNU.
Membership ba SDNU tau diambi silik ka agi ba blogg SDNU empu.
Iban Abroad,
Since this is a Dayak-related blogs,any leadership talks will gravitate towards discussing and criticism of Dayak leadership.There would be separate forum and blogs for criticism of non-Dayak leadership.A point to note: I beg to differ in your characterization that criticizing is fundamentally bad.Mature leadership would welcome criticism as a sign of positive move towards participatory democracy within the Dayak community.Its also a sign, some segments of Dayak community has dropped their docile nature, and demand more of the Dayak leadership. Now, won’t it be a bad sign if every Dayak stop talking about their leadership and instead, start barking after other non-Dayak politician ? Finally: since Dayaks are followers of many political stripes, and the electoral battlefield is common, its normal for followers of politician to air their views in support or against their favourite sons. I think that’s still healthy – blog politicking.
Gawai during Christmas ? Doesn’t sound fair to me, especially those who still celebrate Gawai Burung, Gawai Antu etc – for which Gawai Dayak was slotted as a public holiday. I also, don’t feel it right to treat the “cultural” occasion in such an arbitrary manner. It gives the wrong signal to others that Gawai has no significance, and if thats the case, then there is no point having Gawai during Christmas either ! At any rate: those who choose not to celebrate Gawai Dayak, can do so – and indeed, many have chosen to take their leave during Christmas only. To me, moving Gawai to a different date is a non-starter until such a point in time, when all Dayaks have converted to Christianity or Muslim, and no one else remembers how to conduct a miring ritual…
Beside the 2 points, where unfortunately I don’t quite agree with you, I like reading the article written in Iban, I wish I can be as good.
Chak Jangsinungenang,
Ila kitai nubuhka diri gerampung Dayaks, nuji ka kitai anembiak da megai pegawa, aku sanggup enggau raban protem gerampung anembiak dayak.
Sigi chara sekeda ari raban dayak semina nemu bejako tang pantung enda nyaut, meda enggau bejako nyamai tang enti ngesan baru nemu pemedis mutar ka penusah raban bansa kitai dayak…
Tang… kitai anembiak ka nguji nulong bansa nitih peringkat kitai empu… FIRST DAYAK
Bala kitai Dayak ti nyadi ketuai NGO – SDNU, SADIA, DBNA etc. maioh agi makai gaji semina siko-dua ti ngemeran ka pengawa dagang,nyadi sida beguna ka belanja kena mindah ngagai tumpok pendiau bala kitai Dayak.
Asai sepi aku, bisi bala kitai Dayak ti kaya,tang sida enggai enggau orang kiroh agi laban sayau ka belanja.Gerempong NGO nadai chukup duit kena bala sida bejalai,tang enti bala ka masuk nyadi kaban kitai endang bisi pampang ba sitak daerah pelaba aku.
Ari penyuntuk SDNU maioh pengawa ti enda ulih mujur di atur,bala kitai patut sama mereti ka penusah enti kitai endang selalu suntuk.Pelaba aku maioh bala kaban enda mayar yuran tahunan nitih ka timpoh.
Tuai NGO kitai patut meri jurai penemu tentang penusah ti ditapi sida,awak ka kitai maioh mereti ka pekara ti bendar bekaul enggau gerempong tu.
Terima kasih.
Unggal Meramat,
There is misunderstood regarding my article.
Surely, I will against any effort if anybody ask “every Dayak stop talking about their leadership and start barking after other non-Dayak politician”. My concern is the attitude of Dayak to condenm, complaint or critise our leader with a strong word but put a solf critism, complaint and condemn toward non-Dayak. We should put more effort to condemn other races or we put it in balance.
Too much critism to our own leader and put an easy complaint to non-Dayak by our own people can gives bad signal to non-Dayak.
Gawai Dayak.
I also fell captured if Gawai Dayak will celebrate to other date. June 1 is very significant date to celebrate Gawai Dayak conjunction with other local Gawai.
But what, I most concern here is the studies of thousands of our children who are attending government examination at the end of the year. I do not need to explain in detail of this problem as I have mention some of the main problem in my article. This problem seem to be non-ending problem to our students and surely affect their future.
Somehow, we need a deep and urgent study/analysis on this problem, cause I highlight this issue base on my own experiences and what I heard,/see. Our Dayak teachers can give some idea or do some analysis on this matter in their respective school.
Ditelan Mati Apai, Enda Ditelan Mati Indai. Semina tau dikuyum kitai aja meh penusah ke bakatu.
Bro. Iban Abroad,
Enti ngai aritcle salah difahami dan salah dikuoti jangan buat cerita panjang2- beating around the bush, baka leka timang. We want quality not quantity.
Tell us straight to the point what you want us to know of your brilliant ideas, but sometimes your article so much controversial (contradict of one another), one day you say a goose cannot fly and another time you say it does.
Cheers
Happy Friday
Peda aku penemu Iban Abroad betul serta manah. Jako iya ngasoh kitai berunding, anang semina nemu mantah sereta ngenyai ke tuai kitai Dayak aja, laban penanggul ke batang iya amat nya datai kelebih agi ari bansa bukai.
Sigi amat pia. Pelaba ke aku, sebedau kitai ngenyai ke orang bukai, sereta jampai meri jako jai, kitai patut dulu nyelidi, nasat enggau manah2. Anang baka orang ke terus nimbak guyap. Uji kitai mikir ke iya, sapa orang dalam dunya tu deka di penyai tua? Kitai empu mesti nemu, enti tua ngerara orang, tua empu kada enda jai agi?!
Ko orang : point a finger at me, while your thumb pointing elsewhere, 3 of your own fingers pointing at yourself! Try it.
Having said that there many weaknesses and efforts required – Dayak leaders can be more effective if we criticise less and support more. They also need to be more vocal and patriotic with the spirit of Dayakism.
kitai iban enda akan maju laban semua org ke salah…
kaban semua,
Aku setuju enggau penemu punggal alam 90%.Senentang mindah ke ari ngerami gawai nya aku enda setuju laban tuai kitai suba ngeletak ke ari serta bulan nya udah di fikir ke tuju ngintu pengawa.
Enti kitai Iban/Dayak deka berubah, di baruh tu pelaba aku tau di pejurai kekitai mayuh ditu atau ba meeting atau ba forum ke di gaga.
1.Bansa kitai mesti nukar gaya kitai befikir (mentally and physically,soul and spiritual)
2.Tau kritik baka YB,MP kitai,padah ke pengawa ke kurang manah lalu padah ke kati kitau tau ngemanah ke ia agi.Anang ngentam aja lalu nadai meri positive feedback.
3.Masa rami baka gawai, had ke pemayuh arak ke tau di irup bala kitai,anang nda betatak.Bala towkey ke nyual utai nya sigi gaga laban kitai nyau beapat-inat ngayah serta bebeli ke utai nya.
4.Tukar gaya alkolik agai kerjaolik.
5.Pupus ke sifat iri ati agai pangan ke udah maju,ukai ke di cekak,di bunuh,di racun atau lalu ka di beri susah,Sungkak ke agi bansa ke baru ka bediri enggau bansa bukai.
Ti bala,bansa kitai bisi ngaga bisnis,tulong ia,beli utai jual ia,promosi utai ia agai bala bukai,makai ba kedai ia..jemah ila ia tau nulong bansa ti udah maju..tanam ati budi ke manah ari bepun ke ngaga pengawa.
6.Anang burok sangka ngagai pangan diri.
7.Sebedau kitai ngenyai ke urang,peda diri ba cermin lalu tanya dulu soalan agai diri empu.How much you know aboutself…
8….
9…
10…
tau tambah agi…ka mupok dulu ku tu..
to be cont…
Segulai sejalai,bela bediri kitai kehing,rhebah khitai pecah..
jako……jako..bc ninga,,,sapa ka mereti,,,YB mesti bc program kena ngatur bansa cth. (I IBAN/I DAYAK)enti ka nitih ka jaku PM baru,,,,mula aja,,,,setaun dua …bdau temu….maioh aku ninga kitai bansa bejako,,nyebut bansa diri bodoh,,ketegal ngirup arak,,,enggau bukai……
ketuai bangsa iban kediatu udah enda ulih mai pemansang ke nembiak rebak baru, manah agi sidak tu asuh badu nyadi ahli politik….kitai selalu madah ke menua kelantan enda maju….kita nemu ka semua hasil pembangunan di kelantan diempu orang kelantan magang. Ukai baka kitai iban di sarawak, tanah NCR dimaju ka, tang iya ke untung bala cina…dini tungga bala tuai iban enda bejako ka hak rayat sida iya…nya meh kebuah kami mantah tuai iban ti beli baka sida aboo nya..
Baka ditu, aku ka nanya ngagai samoa bala kita, ba sapa kitai ulh bepangai diatu. Nama pengawa iya, ulh ka enda iya nya enti bejako tentu diterima samoa……….Baka aku ukai urang bepelajar aku semina ba penghujung urang ga…
“Remaong di rumah, raong di tanah”
1>(SDNU) enda patut becampur enggau politik. Nya kebuah enda mujur laban dibai nitih ke penemu politik ke enda sebaka.
>Duit ulih maia muka pengrami gawai tauka pengawa bukai tau tak nadai temu tungga nadai kala bisi lebih, berutang keba, ni ka maju.
>Maia bisi pengawa ke ngelantang ka diri bala ke bisi nama aja dibai tang maia ngereja pengawa ke berat baru ngangau ke bala sengapa.
*Ti SDNU ka mansang lalu nyerakup ka Dayak ketu ke pengawa ke baka tu.
2>(GAWAI DAYAK) enda patut di ubah maia ngintu laban sigi meruan tuju. Tang cara ngintu patut di adu. Kitai ke tuai bilik patut nagang diri sebilik bebeli ke ai bisa kelalu maioh. Anak patut ditagang ngirup kelalu maioh. Anang malu ti orang mantah nadai utai di empa, ti babi manok enggai ai oren bisi udah lebih ari manah. Ti kitai ngabang ngagai bansa bukai nadai orang nyendia ka ai bisa enda meh kitai bemunyi.
>ENDA patut di intu kelalu lama. 2 hari pen lebih ari cukup. Tang Gawai diintu sampai seminggu, sebulan ti ngagai ngiling bidai. Ni belanja kitai tang tembu abis laban gawai. Anak ke sekula pen tembu rindu ngirup kin kitu enggau kaban nadai ingat ke pelajar.
*Tu ke patut di ubah ukai maia.
3>(HARI KRISMAS) ukai mega enda tau enda di intu laban nya semina kena ngingat ke Kristus ke udah ada ka dunya, tang kitai patut ngingat ke iya dalam ati kitai ukai penapat inat baka ke ngintu gawai antu, ukai alai mandang ke pemisi enggau pengraja.
4>(MANTAH TUAI BANSA DIRI) enda salah madah ke penyalah enggau pengelemi sida. Tang anang kelalu bejai sida laban sida dipilih orang ke ngasoh sida menang. Enti sida dipeda enda nemu mutar ke pengawa lalu semina ngadu ke diri empu, ila badu ngundi sida. Ni pemesai pemansang enggau pemaioh duit tauka projek diberi maia ka bepilih terima aja tang ingat anang ngundi sida ke semina meri penguntung maia bepilih aja. Nya meh jalai mantah sida. Ti kitai semina kerah kerah diatu nadai tuju, ila kitai ka makai jako diri empu.
5>(MANTAH TUAI BANSA BUKAI) enda patut laban nya pengawa tuai ke di karap ke kitai. Ti sida enda nyukung bakani tuai bansa bukai berani nindas kitai. Tang nya endang ari sukung ari tulung tuai ke dipilih kitai enggau sekeda BANSA KITAI EMPU ke ka ngiga penguntung ke diri empu.
Ti jako aku ditu bisi salah tau dibantah tang ti ngena tau ga diperunding.
4>
Ke dikingat ke aku kitai bansa Dayak suba nadai kala bejalai ke pengawa “begiling tikai” kena nutup pengaewa Gawai Dayak. Pengawa ke begiling tikai tu nyau nunda pengawa bala china ke nanda 15 hari udah taun baru.
Ukai ga pengawa ke begiling tikai tu enda manah dikerja tang tu balat nanggul kitai ari segi masa enggau belanja. Kitai nemu kitai bansa nama bisi empuru ngereja pengawa endang mesti beguna ke ai bisa, babi enggau utai bukai. Aku ukai ngajar tang semina mansut ke runding enggau penemu diri pasal pengawa ke begiling tikai kena nanda ari penudi Gawai Dayak. Asai ba aku 2nd tauka 3rd June abis meh pengawa kitai ke ngintu Gawai ngambi kitai enda rindang agi tang lalu nyambong ke pengawa ke ditinggal sebedau kitai ke ngetu 2-3 ari dikena ngingat ke bansa kitai.
aku muji pengawa ke deka nyungkak ke bansa dayak ke tuchong ngilah bukit, begempung bepasong ba siti akit ke ulih ngemai kitai jelai tampak rita.sama sama meh kitai betulung ke bansa diri enda ngira ari ni penatai, dini endur, enggau maia.