1 Malaysia -penemu kosong perintah BN

Posted by: Linut Mulong

Pecaya meh 1 Malaysia nya semina slogan kena Umno enggau Melayu narit ati bala cina di Malaya din ngambi ka pulai begempong enggau sida laban takut ka PKR majsk kering sepengudah last general election.

Najib cakap kosong

1 Malaysia will never be materialised, it is rather a dream and simply a slogan trying to reunite the people so tnat they will always support the BN and UMNO.

Baka ni 1 Malaysia deka nyadi nyata enti setiap kali orang deka ngubah cara menoa diperintah, setiap kali nya mega MELAYU NANYA PERINTAH, KATI KEPENTINGAN MELAYU AGI BEDAU?????, KETUANAN MELAYU AGI BEDAU??? ENDA LENYAU???? KATI AGAMA ISLAM AGI NYADI AGAMA MENOA MALAYSIA???

Rebak baru ngasai diri di chiping

Siti perkara mesti di ingat ka sida ke nyadi ka tuai, majority rebak diatu (kitai Dayak) ngasai ka diri semampai di ciping bangsa (ka nyadi tuan) belama, semampai ngasai ka diri di kelakar (banga ka nyadi Taukey) belama. Pengasai tu sigi enda lenyau pia aja, enda nyau ngapa enti nadai ubah ka nyeruga enggau segenda digaga perintah ka tau ngangkat ka pengidup Dayak/Iban tinggi sama rata enggau LAUT/MELAYU/CINA.

Rebak ke diatu meh ka bisi ngeleda lalu madah serta ngajar bala madi,anak,kaban belayan senentang bakani cara idup kitai Dayak ke diciping orang belama. Nya alai rebak ka udah tu ela sigi ingat ka jako ajar, pesan lalu maca semoa utai ka nyadi ba bangsa Dayak/Iban sepengudah kitai Sarawak begempong dalam SERAKUP MALAYSIA.

Bansa kitai selalu nat ke pemedis aja

Enti setiap rebak bangsa Melayu kelebih agi sida di Malaya din selalu ngetan ka KETUANAN ENGGAU KEPENTINGAN MELAYU tiap kali perintah berubah, bakanya mega rebak bangsa bukai, kelebih agi rebak bangsa Dayak ke semampai ngetat ka pemedis diciping serta policy ka betiki nibung betiki pinang digaga perintah besai di Kuala Lumpur lalu ditunda perintah Sarawak.

System perintah kitai nuan nekan ke maioh raban bansa bukai – mina bansa siti aja angkat

Nya alai anang sida ka nyadi perintah terunda runda bejalai ka policy nya lalu semina merening focus ka pemansang reta tengkira menoa aja tang sida enda mansik the effect and the implication of the current system in the country. Laban pengasai ka disepi bangsa Dayak diatu, lama laun sigi pambus baka pisa, enti enda ba serak siti ba serak siti ga ia tau nyadi, indah enda baka penyakit riman munyi ko jako kitai Iban.

Kepenting Melayu di jaga – orang bukai ambi ke kaban aja

1 Malaysia semina semaya ka nyadi Bayang bayang aja, tang tetap enda nyadi nyata. Ukai setegal kitai berunding NEGATIVE, tang meh setegal undang undang perintah besai menoa Malaysia ASAL ia suba digaga enda meri ungkup ka sama rata, lalu mega nyangka tak semina ngerunding Melayu nyadi Tuan, “kepentingan” Melayau mesti dijaga, Cina enggau Tambi di ambi nyadi kaban, laban sida enda tau lebih ari Melayu setegal sida ka di kumbai “Kampar”, TANG kati bisi undang undang perintah besai din, merening lalu berati ka BANGSA KA IDUP BA PULAU BORNEO/SARAWAK ditu suba ka MESTI SEBAKA ENGGAU MELAYU DI MALAYA DIN?????

Dayak di gaga baka orang asli di Malaya

Pelaba aku NADAI. Kebuah pia laban majority orang Malaya din agi ngumbai lalu ngaga bangsa kitai kelebih agi Dayak baka orang ASLI diMalaya din, indah nyentuk ka sari tu agi meh sekeda sida meda kitai baka nya. Bah, dini ungkup bangsa kitai ke tau nyadi pemesai megai menoa, ngubah policy lalu sama sama nyadi TUAN, sama sama dijaga “kepentingan” deh???? Jawap ia, sigi enda di jawap. Sapa orang ka patut nyebut lalu nagih semoa utai tu?? Entah……………!

Bejurai ke penemu – ngambi mansang

Ukai kitai ka ngaga pengacau, ngeruga pengelikun menoa enggau pengelantang ka diasai maya diatu, kitai ga semina bejurai aja, ambi ka ciru, buai ka keroh, ambi ia ka patut enggau pengamat awak ka nyadi ka lalau serta pelasar kena ngubah undang undang enggau policy ka baru. Enti enggai ngubah semoa nya, manah titih ka aja slogan 1 Malaysia ari Malaya nya, nyentuk ka nama nama penyadi jemah ela, pelaba ka ngujung nyadi penusah ari ka nyadi ka pengelantang.

Jako kenang

Tu jako aja, enti kitai Dayak tau ka Sarawak ka nyepi serta ngasai ka penyenang/pengelantang nyadi TUAN, “kepenting” kitai dijaga, nadai beciping, kitai mesti ka angkat seretai, begempong ngubah undang undang ka udah bisi nya, dipelaba ka tusah ka diubah laban undang undang nya besangkut paut enggau Perintah Raja Melayu, enti enggai serta takut, manah agi mupuk begadai gadai ngiga jalai MUTAR KA DIRI ngambi nyamai badu betampong perabong betimpai ruai enggau sida Malaya din. Enti enggai, baka ni kati pan kitai bepusin ka politic menoa Malaysia tu, undang undang nya sigi enda olih diubah. Nyema opposition nyadi perintah jemah ela, sida pan sama sebening pala, laban kitai Mensia tu pama udah diatas jarang ka nurun ka baruh.

Popularity: 21% [?]

1 Malaysia? Posted by: Linut Mulong Enda tentu arap ka concept policy...
Penemu Kepapas – patut di ketu ke Posted by: Apai Empelangguk@Apai Mit Aku suah matau lalu macha...
PROJEK PERINTAH Posted by Empelesik Sungai (Tu cherita kedai kopi, nadai besangkut...
Penemu ari siko pelajar Dayak University tempatan Di tulis: Daniel Tabi ke nuan DR Aku tu siku...
Perintah BN Sarawak tu begaya baka gangster Posted by Pengundi Baru Hei DL menoa serawak d pegai...

Related posts brought to you by Yet Another Related Posts Plugin.

August 9, 2009 · Filed Under General

Comments

3 Responses to “1 Malaysia -penemu kosong perintah BN”

ATASPAGAR on August 12th, 2009 1:53 pm

1 malaysia udah dipraktis kitai nyelamak tok.enti nuan kerja makai gaji,1 malaysia udahpin implemented!Nuan ujung bulan bisi gaji,aku bisi gaji.kaban tua nyak sama2 bisi gaji.nuan enda komplin aku.nuan nadai komplin sidak ya.hujung bulan sama2 bisi gaji.dalam kitai ngaga ke pengawa tadi kitai sama bersatu ati,berat sama dipikul,ringan sama dijinjing.hujung bulan terima duit gaji.tuk udah di gelar semangat 1 malaysia!knapa kita tidak marah atau sakit hati dengan teman2 sekerja KERANA KITA SAMA2 DAH ADA IMBUHAN MASING2.ADA WANG GAJI!sebagai rakyat malaysia sepatutnya pengalaman ini @1 malaysia, terbentuk sendirinya secara auto pada tiap2 rakyat.nuan meda aku ukai musuh,aku meda nuan ukai musuh,sama2 menjiwai 1 Malaysia.contoh ia baka orang ke sakit dihospital garing2 nganti lotor,pesakit2nya semua meda kaban2 sidak sama aje,nadai pedis ati,nadai ati cemburu,nadai sombong enggau pangan diri,laban mood sakit,nya sepatut berlaku dalam mood 1 malaysia.kita balik dan kembali kepada KEMANUSIAAN SEJATI.jangan lihat bansa lagi kerana roh didalam manusia itu tidak bernamA,no name!Yang ada nama ialah jasad atau tubuh kasar kamu.Si michel ke.Ah long ke,Mamat ke,lily ke itu semua nama tuboh kitai.Tuboh tuk nemu parai,dikubur,tang roh pulai ngagai petara,atau kembali kepada Tuhan mereka.Enti kitai meda “KEMANUSIAAN”kitai memang tidak bermusuhan,laban kitai meda tuboh2 mensia,nyak iban.nyak cina,nyak laut,dll..tebal mih rasis kitai,maka mencapai 1 malaysia tak akan tercapai.
Uchu Hawong@Raong on August 13th, 2009 9:04 pm

Hmmmmmmmmmmmmmm….takut amat aku ninga polisi 1M nya unggal. Bula nya unggal.
Alonso on August 15th, 2009 10:12 pm

Sigi amai ko kita nyak kaban. Kitai di menoa Srawak tu ndang baka bugau digaga sida ari Malaya din.Sida nyau rauh-rauh ka minta penyenang nambah utai ti udah. Tang kitai di Srawak tu agi baka orang ti enda di guna a.ke sida.Kitai ditu semina minta baka api,ai, jalai alun. Nyak aja meh kitai tu. Orang di semenanjung din udah lama bisi utai ke bakanyk.

Leave a Reply