Comments on: BN way of enriching Dayak

By: Reserved Player

Reserved Player — Sat, 12 Sep 2009 01:21:45 +0000

sigi amat ku akik hawong.. ukai belaya. nadai berbukut, nadai berinsah gak, nadai gak berjamah sama ke pangan diri…

By: Akiq Hawong

Akiq Hawong — Fri, 11 Sep 2009 13:15:21 +0000

Akaiiiiiiiiiiiiiiii…Iga ga sida ke betunu ke penemu ditu nyau dikumbai tudah uchu Tuba Buah nya belaya ditu deh. Nadai nya bisi belaya ditu deh uchu, semina ka betunuka penemu, ngujika pengelandik diri bekerakal enggu pangan diri. Tu meh mandang ke kitai dayak iban sigi enda puntan penemu, ngiga jalai ngaga pendiau iban ke kena kerakal sida ke bam.

By: tuba buah

tuba buah — Fri, 11 Sep 2009 09:09:55 +0000

Ketawa aku macha Iban belaya enggau Iban ditu!!! Tu meh gaya Iban, Tu meh chara Iban, Tu meh mentaliti Ibaan,..Tu meh penemu Iban,… Tu meh ti digiga urnag bukai… Iban sama Iban belaya,…Laut, Cina, Melanau,.. Bidayuh ti kaya!!!!!!!!!!!!!!

By: Dyaks

Dyaks — Fri, 11 Sep 2009 08:55:42 +0000

To love or to incest own Dayaks?

It is important to differentiate things that can be traded or off-limit. What Dayaklama failed to understand is that whether dignity can be auction off like any trading items.

For instance, a case of a parent raping own daughter. Yes it is convenient, easy and free sex. For the lustful minds it is OK to do it because you’re used to buy some whore hookers on the street so your deranged mind told the same at home for your daughter for free, perhaps ‘sell’ her to others for good money also. But little you think what the future hold for your ‘ruined’ daughter for the rest of her life next.

Likewise for the Dayak leaders to cohoot/hands-in-glove to sell fellow Dayak lands for whatever projects developments plantations blah blah blah. It is convenient, easy to sweet talk them to surrender their NCR lands because it’s OK everybody do it sell their land like daily business transactions. It’s OK for the cronies to get Dayak lands for free and Dayak leaders get some commission. But the Dayak leaders only think for their own short-term lust to satisfy their greed on easy money, but what happen to the Dayak landowners’ kids, grandkids generation later or simply the next 30 years later when they find no more lands left to them (that their parents being duped easily)?

So there’s a fine line between love and incest. Treat lands with respect or for greed. For what the stupid money now in say, 50 years from now? Worth it? Unless Dayaklama thinks it’s OK to disrespect but go for easy money, well it is the choice nobody force to do it.

By: Empelesik Sungai

Empelesik Sungai — Fri, 11 Sep 2009 04:54:48 +0000

PROJEK PERINTAH
(Tu cherita kedai kopi, nadai besangkut enggau pengawa, nama urang idup tau ke mati. Enti bisi sama, kira nasib aja).

Igat 1 & Igat 2 duduk di pak kupi market tinggi Sibu. Seduai ia berandau baka ke belaya. Datai Apai Langit meda lalu nanya:

Apai Langit (AL): Nama utai kerandau seduai nyau rincah dia, wat?

Igat 1 (I1): Ha..ha.. nadai tu aya, Apai Langit. Tu berita menua Malaya din. (Nunjuk ke The Star).

Igat 2: Di menua Malaya, urang Gerempung Nelayan meli tanah RM2 sekaki pesegi. Dijual sida ia asoh kompani Keminsi RM10 sekaki. Di timbok sida Keminsi tanah paya tu, lalu di jual asoh perintah RM21 sekaki.

AL: Nadai salah nya, menua kitai ditu maioh meh baka nya Igat.

Igat 1: Ukai nya aja ia aya. Keminsi tu diberi kontrak ngaga projek perintah. Rega di beri Kabinet RM1.1 billion. Tang diatu rega udah niki datai RM4.6 billion. Nya ke di pansik perintah.
AL: Nadai salah nya. Ditu baka nya meh projek perintah.

Igat 2: Nya meh ko aku, Aya. Aku betengkar enggau bakih aku tu, laban ko aku, nyamai agi tua ia pengawa be-politik, ulih ngaga utai baka tu. Agi enda nemu salah kitai.

AL: Amai ko nuan nya. Perintah ngaga, udah nya perintah ga mansik, ni enda nyamai ia bakanya. Ni bisi salah?

Igat 1:!!?

Igat 2: Aya tu nemu endar enggau berandau. Kati nuan nemu hal baka tu aya?

AL: Ari suba sampai ke diatu sigi tu meh jalai perintah ngaga projek. Ka nyebut, kumbai urang ngelaban perintah ga kami. Rumah kami tisi jalai alun, datai ke diatu enda di sambung api, laban tuai rumah kami nya enda ngundi Barisan suba. Sampai nyabak kami ngasoh ia ngundi Barisan, enggai meh ia. Enti Barisan agi baka tu, anak uchu kitai ila nyadi kampar aba menua diri empu, ko tuai rumah kami. Peda umai kami, bulan empat kena banjir. Bulan tujuh sampai ari tu kena kemarau. Se-sen nadai meh perintah mantu. Bala sida ke biak, nyau merayau di Malaya din. Nama utai di karap ke perintah tu?

1gat I: !!?? (bengap, bengap) Kini ke nuan tu tadi Aya?

AL: Eh, pulai ari Bank Simpanan. Ngambi duit kirum ke anak aku kereja di Malaya. Ia meh nupi kami diatu. Mesa ni ga gaji kereja kedai tyre, RM800 sebulan. Ia ngirum RM100 sebulan. Chukup kena aku meli beras.

Igat 2: Nya meh Aya, kitai berandau ke million, billion kena perintah ngaga projek. Tang rayat peda aku agi miskin. Nya meh ko aku ngumbok bakih aku tu; nyamai agi masuk politik. Bisi agi million, billion nya masuk pukit kitai.

By: Akih Empangop

Akih Empangop — Fri, 11 Sep 2009 04:33:22 +0000

Ukai nya ka nyenyamai ga kitai ka nudoh Dayaklama nya unggal Bujang Kanowit. I just cannot wait to catch him but he is so smart ari tupai ke landik tang selalu laboh. Sapa bisi bukti black and white, tau ngerepot iya ke MACC. Tang enti tak semina MEDA IYA BELAUkka ikan empurau, nya sigi nadai jalai ulih nangkap iya. Ngah sida ke bisi nangkap gambar iya makai belaukka sop ikan empurau pen enda ulih nawa iya agai kot. Kada enda ikan empurau nya ulih iya mukat tauka ditupi iya ba pegong tauka diberi unggal Dr Eli.

By: Reserved Player

Reserved Player — Fri, 11 Sep 2009 04:27:28 +0000

Did Dayaklama just say the word enriching?

Nama kebuah aku nanya, laban pansut “enriching” ba vocab dayakbaru sarituk. Actually sapa ke enriching sapa tuk?

The truth is we have enriching BN gov since 1963 and they are all rich people from that time until now but we? We are the poor guy in our very own land, since we are so busy enriching them.

Thank you.

By: Bujang Kanowit

Bujang Kanowit — Fri, 11 Sep 2009 02:55:53 +0000

Can anyone make a report to MACC regarding Dayaklama posting above. It obvious that BN govt is corrupt. DL – not all successful people get it through kickback..how about Bill Gates? IS he get a kick back? Please prove it..otherwise you full of BULLSHIT yourself..as you promote inmoral value..

By: Uchu Lemambang

Uchu Lemambang — Fri, 11 Sep 2009 00:56:23 +0000

Kitai Dayak kelebih agi bansa Iban kelalu jauh tinggal ari semua pekara sekumbang kitai diperintah BN.

Kita meda opis-opis perintah, sapa ke dia? Semua bansa bukai. Anang ngumbai bansa kitai enda pandai, maioh amat bans akitai ke pandai ke ulik setipak enggau pengawa nya.

Hospital nearly 70% bansa …..ari atendant ke atas

Pejabat ….. peda nama utai kena/pakaian orang ba kaunter

Askar….. berapa iko kitai dia?

RAMD(Rejimen Askar Melayu Di Raja) endang tau bansa bukai.

Ba sekula kitai dayak…. sapa ke pemadu maioh dia?

Sekula Melayu berpa iko bansa kitai? Bisi ka enda.

Nama kebuah SALCRA enda di sadong ke menua melayu ti ia amat manah amat ngasoh kaya, ngasoh nyamai.

Utai ke ngasoh nyamai semuanya di ambi bansa orang?

Nama kebuah rumah panjai puang enti salcra ngasoh nyamai. Diatu bansa kitai bekuli aja.

Nya alai “KITAI MESTI BERANI BERUBAH” . Bansa orang udah berubah udah nyamai nadai agi betanchang ba jelatong ba pengkalan kitai laban orang udah nyamai.

Nya alai ngagai kitai Dayak ke bisi pelajar tinggi bisi degree, bisi master kering meh bansa diri iring kami ke biak tu ngerintis jalai ke tawas awak ka enda tesat agi.

Kitai ulih maju baka bansa bukai enti kita ke pandai segempung ngirit kami ke biak tu.

Pejabat

By: Aki Manang

Aki Manang — Fri, 11 Sep 2009 00:47:25 +0000

Endang amai endar utai munyi ke dipadah ka Iban Abroad nya. Maioh kitai Iban telunga serta ilap dalam pikir, masih ngumbai bala YB kitai kiruh serta sinu meda pemerinsa kitai bansa Iban. Kitai masih tetap ngumbai sida YB tuk bebendar deka nulong bansa kitai Iban.

Minta ampun aku wai pangan…. NADAI JAKO NYA!Sida YB kitai Iban ke bendar gik main GOLF ari YB bansa bukai. Udah tembu bemain, ngirup ai bisa ba kelab golf nya empu. Kati bisi sida ingat ke rakyat ke merinsa ba sebelah rumah panjai kitai? Saut iya nadai! Tiap tiap iko YB tuk sigi endang bisi syer ti cukup besai dalam syarikat nanam kelapa sawit ba tanah NCR kitai. Duit masuk kambut tanchut sida iya ninting bulan ketegal sawit tu lebih belipat ganda ari gaji sida ke nyadi YB. Nemu kita jangka aku sapa ke bempu projek sawit Bousted ba Kanowit. Nya chunto ke bendar ke ngaya ke siko urang aja tang scheme participants nadai bulih utai belabuh ari pengudah sawit ditumboh lebih 10 taun kelia.

Bakanya meh gaya bala YB kitai. Madah kerah-kerah bejako lebuh maia ngagai rumah panjai sebelah menua Kapit ka ngaga jalai ari Sibu terus ke Kapit. Pecaya meh ke jako aku, utai tuk sigi enda ulih nyadi laban pekara tu enti nyadi ulih munoh bisnes bot expres kelebih agi company Swee Joo. Sapa urang ke bempu company Swee Joo tu Dayaklama? Ulih nuan madah ke semua bala dalam blog tu? Anang andal ati ke jalai nya ulih digaga. That’s is already stated inside an agreement between the YB concerns!

Utai ke sebut aku ditu nya meh realiti… Pikir..

By: Pantak Ngelambai

Pantak Ngelambai — Thu, 10 Sep 2009 23:38:37 +0000

Ukai pia nya Akiq Hawong,

Ukai sengaja ka nanahka akih Dayaklama. Sigi amat nyadi penemu iya nya Akiq. Dek ukai nemu utai deh, amat meh pala udah ambis tumboh bulu uban. Akih Dayaklama nya sigi lama udah ngeringka sida Taib laban ke bisi ampit utai diberi sida ke ba tampok perintah diatu. Sida ke enda ampit nya sigi baka iya ga, sigi naka ulih ga ka minta ungkop diri; kati ku sida enda kekaong munyi udok ke nyalak bukit.

By: Aya Bebendai Belah

Aya Bebendai Belah — Thu, 10 Sep 2009 23:32:32 +0000

Mentaliti ke baka enggi Igat Dayaklama nya endang baka mentaliti sida ke udah buya taju remaong ga. Aku enggai bula. Enti udah bisi kala negu taju remaong, aku sigi naka ulih ka ngenanka taju nya enggai ke ditegu sida ke enda patut negu iya. Endang baka penemu akih Dayaklama nya meh penemu aku. Kapa aku enda nenggali negu iya; sigi udah dungkupka jelu remaong ke aku siku aja.
Nya alai, kitai empai negu, takutka puni enda negu taju nya, sigi beambi ulih ga ka negu iya. Biar meh bansa dibuai kitai asal meh perut kitai gentong tetanong baka perut ikan buntal, ikan mas ke enda nemu ngetu makai.

By: Iban Abroad

Iban Abroad — Thu, 10 Sep 2009 10:41:38 +0000

Bala Penghianat Bansa Dayak.

Sapa-sapa ke ngibun penemu baka enggi Dayaklama, nya meh orang ke amat-amat nyadi penghianat Bansa Dayak. Sida tu ukai semina ngembuan Sirat Political Mentality tang mega mai bansa bukai nganchur ka bansa kitai Dayak.

Maia bekimpin, bejako, bepegai ka microphone di rumah panjai sida Dayaklama rauh-rauh madah ka diri negi ka bansa kitai Dayak, ngemansang ka bansa kitai Dayak, mai pemansang ngagai kitai Dayak, madah ke diri deka ngaga jalai kerangan ngagai menoa pesisir, madah ke diri ngaga balai raya, meri projek atap Zin, meri subsidi injin spit, meri subsidi lada ke berega beratus ringgit.

Bala orang rumah panjai ke agi ngibun Sirat Political Mentality, sigi rising-rising gaga ati nerima pemeri lalu andal ati ninga bemansang ke ka datai di rumah panjai. Tu meh penemu sida Dayaklama kena ngetan ka pangkat enggau kuasa diri empu, ngerumpak adapt demokrasi ari jari orang rumah panjai.

Penemu, anggur, polisi, adapt kena ngetan ka Hak Kitai Dayak, mai kitai Dayak maju baka bansa bukai, ngaga runding enggau atur ngasuh maioh ka agi kitai Dayak sekola tinggi, bisnis nyadi cooperate, niki pangkat, megai pengawa ke manah agi ba perintah enggau kompani, atur ngemaju ka menoa mansang baka di Malaya, begaga ka rumah MARA ba tiap iti District, ngaga jalai betar, ngaga hospital, ngaga university, numbuh ka bank ba Bandar ke mit, mantah orang ke muai kitai Dayak ari golongan rakyat perintah Malaysia, ngerara orang ke nagang kitai ngena jako kitai empu baka jako Allah Taala, enda disebut bala sida Dayaklama enti maia bejako enggau orang rumah panjai.

Tang ba Kuching bala Dayaklama ketawa rakah-rakah makai ba restaurant, diau ba 5 star resort berunding enggau bansa bukai bebagika lisen kayu balak kena nebang kayu kampong bansa Dayak. Bebillion duit ari untung sida nya ditaban ke menoa bukai endor ngadu ka pengidup bini anak sida. Jauh sida ka bisnis bepekit enggau orang di menoa bukai lalu mai duit pulai bemillion ringgit ngisi tabung duit menoa kitai. Kati menoa kitai ka agi bisi reta enggau duit enti penemu bakatu.

Ajar orang ke tuai ke ngasuh ngisi utai nambah ka reta dalam bilik maia pulai belelang ari menoa orang enda dipending ka bala sida Dayaklama. Sida rindu agi ngelilong reta tengkira pesaka lama, utai ke udah bisi dalam bilik lalu naban ke duit nya rari ngagai menoa bukai.

Di Kuala Lumpur, sida Dayaklama beselumu enda tinduk ngiga akal, polisi, atur enggau runding ngiga jalai ngakal orang rumah panjai bakani ko jalai ngambi tanah asal Dayak ngena jalai ke muntang serta murah nyadi orang tenggah endor Investor bansa bukai nanam kelapa sawit enggau ngaga tekat Hydro. Sida enda berunding ka bakani atur ke manah meri untung ke patut ngagai bansa Dayak ke kena penusah projek tekat Hydro enggau ladang kelapa sawit.

Utai ke runding sida, bakani ko sida boleh duit enggau naka pemaioh ari projek nya, kena sida nupi bini anak sida. Enda oleh ngena polisi, sida ngubah undang-undang, enda oleh undang-undang sida begiga ka bala soldadu enggau polis ngerumpak reta orang rumah panjai. Enda alah polis, sida ngiga gangster. Amat meh sida boleh. Sida Dayaklama tu enda beluli nama utai nyadi ngerusak bansa kitai Dayak.

Ba Dewan Bahasa Dan Pustaka, bala sida Dayaklama, endang nusur peluh anggat laban api tugung panduk endor bansa bukai betunu muai bup ensera kitai Iban.

Di segenap opis perintah, sida bala Dayaklama ngaga kakitangan kediri empu endor matau orang ke ngetan ka hak bansa Dayak. Sapa-sapa ke ngetan ka Hak Bansa Dayak, sida ka dibuai kerja, diturun ka pangkat, enda diberi pemansang, enda diberi projek, enda diberi kad pengelala, enda diberi peluang ba bisnis, enda diberi peluang sekola ke tinggi agi, enda diberi scholaship.

Ni menoa ke kering ngetan ka Hak Bansa Dayak, enda diberi sida pemansang. Indah belanja ke udah ditaga ka perintah ngaga pemansang ba orang ke ngeringka Hak Bansa Dayak deh ditarit sida ngagai menoa bukai. Jauh ka nambah ka pemansang dia.

Enti bisi atur tauka undang-undang munuh orang, sida Dayaklama sigi udah lama mai soldadu ngayau munuh orang ke ngetan ka Hak Bansa Dayak. Nyadi ari penemu sida dayaklama ke bakatu, kebuah aku, Iban Abroad, berani ngumbai Dayaklama endang orang ke amat-amat nyadi Penghianat Bansa Dayak.

As a Dayak, no reason for me to say sorry to this type of people.

By: Aki Manang

Aki Manang — Thu, 10 Sep 2009 04:03:14 +0000

Hakikat iya, kitai bansa Dayak kelebih agi kitai bansa Iban agi maioh idup tusah… taja pan sekeda ari kitai Iban ke bisi success ba bidang ekonomi.
Aku rindu ke siti pekara ke nyadi kira-kira 10 taun ke udah lalu. Dalam maia tu, kitai Iban endang urang ke majoriti gawa ba tasik (kerja ke laut), sampai ke bisi antara kitai Iban ke lama dalam pengawa tuk udah nyadi Consultant. Cukup aku rindu ninga nya laban pengawa ba perintah ga kitai enda ulih masuk. Enggau chara tu kitai ulih bebalas, anang mai bansa bukai gawa ba bidang tuk kelebih agi sida laut. Ambi semua peluang ke bisi untuk bansa kitai empu aja. Jera asai sida…

By: batulawi

batulawi — Thu, 10 Sep 2009 01:34:05 +0000

Excuse me! Did we vote for the car salesman to be a salesman? Don’t mix business with politics. It does happen and when it becomes the norm in the management of a country…the politican’s days are numbered. When the corrupt politican falls, all the leeches, bugs and the fungus attached would also perish.