Pemansang rumah panjai

Written by Dr John Brian Anthony

Nadai BN – nadai pemansang rumah panjai

Penemu tu lama amat aku udah ninga. Penemu tu di sebut bala Dayak ke bepangkat besai lalu megai pengawa ke besai kuasa – baka Menteri etc.

Munyi ia betul dedinga lalu lebih agi iya ke nyebut penemu tu iya nya ngasai ke diri iya empu tau ke “organization” sida empu aja iya ke nemu ngatur pemansang.

Tambah mega penemu baka tu di asai ke aku tau meri tinjau ngemaroh ke bala orang ke diau di rumah panjai. Kitai Dayakbaru nyangka agi maioh diau di rumah panjai taja pen kitai ngidup ke diri di negeri. Aku empu meruan bisi bilik di rumah panjai lalu di sangkong adat rumah panjai.

Nadai jalai aku ulih nerima penemu ” kita ke udah nyamai badu enda meh enda beguna ke tulong perintah tang orang di rumah panjai sida agi beguna ke tulong ari BN”.

Nama reti BN tu aja ulih nulong?

Seagi iya kitai ngundi BN, iya sigi agi megai perintah. Pemanah pegai BN nya kitai empu nemu ngasai. Enda iboh di pejar BN enggau jako ngenakut ke kitai.

Kebuah pia, enti party ukai BN megai perintah sida pen mai pemansang ngagai semua. Kada enda manah agi pemansang di beri sida ngagai rumah panjai.

Nama utai ke beguna besai aba kitai rumah panjai

Kitai beguna ke pala tanah. Laban pala tanah ti netap ke pengidup kitai di menoa kitai empu. Enti kitai enda di beri pala tanah – majak meh orang bukai ulih ngemeli ke kitai madah ke kitai tu diau di tanah “haram”. Penemu ke ngumbai kitai Dayak diau di tanah “haram”- take ke tanah perintah tu meh ngasuh ati Dayakbaru chukup enda puas enggau perintah BN.

Nama penemu pemansang di beri BN ke rumah panjai?

Atap zinc, pinggai mangkok, plywood, agu, jambatan etc – tu utai manah tang iya enda ulih nukar tauke ngangkat ke pengidup kitai ngagai ikas ke tinggi agi. Tu kumbai kitai “physical improvement” tang iya nadai meri kitai jalai ngadu ke diri dalam pemansang pengidup.

Diatu enda baka suba – alai bala kitai di rumah panjai gaga amat di beri “project”. Diatu sida merati ke utai di beri BN nya nadai setanding enggau utai ke di “ambi BN”. Tanah buah abis di ambi nadai ngena jalai ADAT enggau tanya. Semua pengawa baka tu, BN ngena “kuasa” iya ke bisi aba sida.

Sapa ke meri kuasa nya ngagai BN – tentu bala kitai ke ngundi BN. Enti kitai badu ngundi BN, nadai meh kuasa sida iya ngaga atur iya ke di kengai ke kitai.

Nya lai – BN majak nyebut kena ngenakut ke kitai di rumah panjai – enti kita enda ngundi BN enda bulih pemansang rumah panjai kita. Dalam penemu aku – jako BN tu enda manah laban iya nekan ke pemansang iya ke pantut di beri ngagai kitai rumah panjai.

Nama pemansang ti manah

Sekula sigi pengabis iya manah. Tang nembiak Dayak maioh amat enda bulih sekula abis iya mimit 11 taun. Nama kebuah – laban maioh penanggur meh iya – sampai ngagai sukong ari apai indai pen enda chukup. Pengidup pen merinsa nadai belanja dikena nampong pelajar ngagai etas ke tinggi agi.

Dalam pengawa ke baka tu meh “Parti Politik: iya ke megai opis perintah tau nulong rakyat. Baka ni tau nulong nembiak maioh. Ukai ari jalai beri sapi tang ari jalai ngada ke peluang. Sekula ukai mina reti pass peresa sekula aja. Iya ke lebih manah iya nya jalai runding siko2 kitai Dayak tau di tingkat ke ngagai ikas ulih ngidup ngati kediri.

Diatu pengajar ari West Malaysia ke maioh di anjung ngajar aba sekula di ulu din. Pengawa tu manah laban pengajar tu ulih mai penemu baru. Tang penemu nama ulih ke di bai sida iya ngagai bansa kitai. “Value system” ke dibai ngagai kitai nyangka enda ulih diguna kitai ke idup deka mansang di rumah panjai.

Bakani kitai ulih meri atur ke nembiak kitai awak ke ulih idup ngati kediri

Kitai enda ulih dengki enggau bansa bukai meda sida maioh mansang dalam sekula. Kebuah pia – laban perintah BN ngaga sekula vocational tu di negeri. Bansa orang di negeri tu bisi agi jalai pengidup lalu ngambi peluang ke bakatu nadai ngasuh sida tusah – laban belanja mit.

Uji sekula vocational bakatu di bai ke Machan di Kanowit, Tubau di Bintulu, Long Teru di Baram, Lubok Antu etc. Jangka aku maioh nembiak kitai ulih nampong sekula sida. Awak ke nembiak ari negeri datai ngagai menoa ulu nampong pelajar sida laban sida bisi agi belanja.

Jako simpul

Penemu iya ke melit rumah panjai ngena umpan MRP patut di kemaruh ke agi. Kitai rumah panjai beguna ke tulong di lebih tuju ke tauke di kena kitai ngidup ke diri lalu ukai ari segi manah agi dinding plywood, enda agi tuduh laban bisi atap zinc. Kitai lebih nemu utai baka tu ulih beli kitai udah kitai bisi pengelandik ngidup ke diri ari sekula.

Betukar meh tuju kitai ngundi – ngulih ke pemansang ke amat2 tau ngangkat kitai pengidup kitai. Anang ngawak ke undi kitai di kena BN ngemeli ke kitai belama2.

Change WE must.

Popularity: 23% [?]

Anak Tuai Rumah Sebangki Panjai Clarifies Posted by Dr. John Brian Anthony Aku minta ampun unggal...
Ngangkat ke pemansang ari dalam Written by Dr. John Brian Anthony Strategi Politik Dayak dalam...
Program Pemansang Enda Diterima! Posted by Admin Aku deka nanya runding kitai sebuat pasal...
Politik Pemansang BN mai kitai Sarawak tesat Written by Dr. John Brian Anthony Politik Pemansang menua Sarawak...
Dayak ulih Beserakup ba Pemansang Posted by: JJM Jr Beserakup……….ukai ba politik ko aku, serakup...

Related posts brought to you by Yet Another Related Posts Plugin.

November 9, 2009 · Filed Under Culture

Comments

13 Responses to “Pemansang rumah panjai”

dayaklama on November 9th, 2009 10:44 am

Hello kaban DB,

Diatu bakatu ke utai ke amat nyadi di rumah panjai. Kita ke ba negeri kutap2 bejako pasal rumah panjai lalu madah perintah bekuasa ketegal undi ari orang tuai di rumah panjai. Semua utai tu bula magang. Nama kabuah? Diatu ke bendar ia nadai bisi nembiak agi diau di rumah panjai, lalu semina sida ke tuai aja ke ngundi lalu laban nembiak udah tepejuh ke negeri sida ia nadai bisi agi ngundi, lalu bisi sekeda register lalu ngundi di negeri lalu madah ngundi roket laban ko jako ka enggai ka perintah tang ngundi ba sitak china enggau laut baka ba Miri, Bintulu, Kuching bakani ka menang deh, laban sigi temu ketebal ia tu sitak endang kuat BN, nya dikumbai kami DL salah tempat endor mantah lalu madah ke diri enggai.
Peda kita plywood, papan, jing nyau repok laban nganti bala kita ke di negeri pulai laban disangkong belama enti perintah bisi meri projek. Enti enda disangkong lalu madah ka tuai rumah, ke chukuk-chukuk nguan ruai jai, lalu madah tuai rumah rangka ka makai ka diri kenu.

Uji meh kita nguji ngundi roket ba sitak yang dikasihi meda bakani penyampau undi olih kita DB.

Bah ni indai temuai ke ka nubuh ka sekula ” Dayak Leadership institute ” ke diperambu ke dulu suba deh. DL ukai enda madah ngasoh kita DB ngatur institiut tu ba ulu entigih din awak ke bala nembiak rumah panjai olih masuk college lalu ngena belanja ke mit laban olih nurun ari rumah diri empu lalu olih mai bekal ngena opis pinang. Enti olih tau meh gaga sekula tinggi di ulu sungai lalu chara bebayar ngena stail barter trade, baka mayar ngena beras, lada, getah kena mayar school fee. Sida ke ari negeri laban bisi puku kena sekula enda ngawa meli binjin motospit, tauka ngena speres sekula ari negeri ngagai ulu kapit kin. Enti olih tu baru utai betul dikerja bala DB.

Enti kita madah PR olih mai pemansang, padah meh diatu ngagai Anuar awak ka ia ngaga jalai ngagai kapit diatu, kapa enda dua gembar jalai kin deh siti gaga BN siti gaga PR. Tang kediatu semina BN aja ka madah suah dalam berita, enggau ari mulut PM empu ka ngaga jalai tang nadai PR bisi madah ka ngaga jalai di Sarawak. Nyadi bula nya deh semina perintah BN ke olih mai pemansang ke Sarawak ditu.
Manang Empangau on November 9th, 2009 11:04 am

Hmmmmmmmmmmmmmmmmmmmm………….empai ulih meri projek sida PKR/PR nya Igat DL. Enti PKR nya megai perintah, sida pen ulih ga ka bejakuka jalai ke Kapit kin ga. Tang apa bolih buat, sida empai megai pugu perintah diatu.

Sigi amat enda ulih menang penyakal ba ulu din laban sida nembiak kedil agi nya nyau ngundi ba Ng DAP ba bandar, ninggalka sida ke tuai ke agi bepenemu baka Tudah Igat Dayaklama nya. Jam ke diatu, sigi amat sida perintah meh ke ulih meri projek; sida penyakal nya semina deka bejaku ngapa aja, kekaong baka udog nyalak ba kaki bukit nengkadah ke tuchong kin.
Srintong09 on November 9th, 2009 12:40 pm

tabi bala pemacha,

Endang amat, rumah panjai sigi nadai pemansang enti enda ngundi PERINTAH. Tang…meri pemansang SIGI TANGGUNG PENGAWA NI NI PARTI POLITIK TI BEKUASA MERINTAH.Baik ka parti BN, PR, tauka parti bukai…enti MERINTAH sigi parti nya meh meri pemansang. Tang anang saru penemu, ukai BN aja parti ti nemu meri pemansang (Nya BAKA penemu PERINTAH di menua CHINA…semina Parti Komunis China aja manah.Nya kebuah din semina PKC aja merintah. BN = PKC pia iya kini???). Parti bukai pen enti bekuasa nemu meh meri pemansang.

Urang di rumah panjai ukai enda mansang ke bendar..Tang ENDA di beri pemansang. Pemansang JALAI ALUN sigi patut dulu agi ari pemansang bukai. Tang angka ke diatu jalai ngagai rumah rumah panjai agi mayuh ke jalai tanah.. luchak..andau(jematan) ka rubuh. Nama kebuah?? Laban budget ngaga jalai RM100 ribu(munyi mayuh) tang maya ngaga/repair jalai tauka jematan duit ke di kena enda datai RM30 ribu. Mayuh agi ke masuk kambut tanchut (…nemu aja lah sapa? ).Enti jalai lalu enda di kemansangka baka Jalai Kera Rari (JKR) bakani rumah panjai maju??? Bah…BN enggau kroni kroni sida ke empu hal enda ngaduka pemansang. Ukai parti PR. Nya alai ukai salah parti bukai enti rumah panjai enda maju…SALAH BN . Laban BN ti MERINTAH.

Sapa enggai ke pemansang ??? Tang BEJIMAT enti ka mansang. ENDA SEMUA pemansang ti di bai BN nya manah memagang ngagai KITAI di rumah panjai. Salah salah tanah nadai agi, sungai chiru nyadi keruh, ikan enggau jelu bukai nyau lengis ?? Haaa…pemansang manah nya kini ??? Anang kelalu gagit ke pemansang. Ngaga pemansang endang tau di rumah panjai enti betul lalu patut… ukai “pemansang ti mai penusah”…
Leslie Wan on November 9th, 2009 1:13 pm

Amat steady Dayak Lama peda aku. Pajak jeh aja jaku nuan nya.

Aku endang muji pemandai Dayak Lama.

pek pek pek (tempik jari aku).

Nyah ulih bala kita diatu nyaut Dayak Lama?
Taju Remaung on November 9th, 2009 1:15 pm

Berapa kali aku harus madah ngagai kitai semua?

“RAKYAT KITAI TEBAL AGI MASIH NGUNDI BN”….
Apa boleh buat meh Dr., awak ke bakanya meh kitai.. . Ukai reti aku nyau berputus asa madah ngagai bala kitai ketebal agi kitai Iban, tang sida iya tusah serta liat ka berubah…
Kasih, tapi nya meh… Enda Sedar Sedar!
Kerani Opis Tanah on November 9th, 2009 1:48 pm

Jako doctor John di atas nya endang amai.

Tang penemu ke dipansut ke Dayaklama sigi betul serta ngematak amat.

Nyadi aku setuju enggau penemu Dayaklama. Bepilih taun 2011 tu ila aku endang sigi ngudi BN. Kali ke calun nya Cina tauka Laut undi aja asal iya ari BN.

BN aja ulih nulong rayat mai pemansang,projek serta MRP.
Panjai Runding Panjai Ruai on November 9th, 2009 6:51 pm

Nama kebuah duit REBET injin sepit orang Ulu Skrang tau lenyau nitih ka jako YB kami deh!!!Nadai datai MRP?
Kerani Opis Tanah on November 10th, 2009 12:05 am

PRPR pelaba aku duit rabbit kita nya enda lenyau tang engka salah endor engkah ba opis. Nganti bala kerani opis begiga tauka begaga ke Baucar baru ila bisi bala kita ke layak nerima duit rabbitnya.

Diatu sabar aja meh dulu.
uchu keling on November 10th, 2009 9:48 pm

perintah apa meh nyaga menua kitai sarawak dia..ba sekula rendah aku suba..2km ari jalai alun bedau bc karan..sapa perinatah megai menua aku nya BN ah..sapa agi..duit abis empa sida..baka tu kemari tanah kami padah pengulu udah dijual..padahal nadai pan berurusan ngau kami..penyanyi ba urg atas ngau rakyat..dayak lama sigi gaya ia nya..sampai tuai belik meh ianya..nyau anak2 ia sekali beli..kada enda apai ia suba tuyu lalu belik..nya meh ti ngada ke mensia baka ia nya…minta ampun unggal dayak lama kasar ka jaku aku?..hahahahaha
hidup pkr….enti ngi urg melayu’ takkan hilang melayu di dunia’…kitai iban ulih meh ngaga’ enda mudah lenyau kitai iban ba dunya’…
mupuk dulu ku..bilun dah nganti ku..
icitlanglabang on November 11th, 2009 11:22 am

DAYAKLAMA…..aku nda nmu ba atasnya jako psichologi nn ka ukai….tang aku madah ba senatang aku empu,aku udah kja ba negeri bc 14 taun…lalu aku kja company ukai kja perintah baka nuan….aku ukai ninggal ka menua tang nitih ka pengawa ke ulih ngidup ka bala bini anak…….tiap-tiap kali bc election aku ngau bini aku pulai belama,walau pun aku tu jauh ari sarawak……aku ndai kala ngundi BN…tiap kali ndang ngundi parti bukai……semina PBDS suba aja aku nda gelaban…aya dayaklama…aku minta padah ka nn..?..nma pemanah perintah BN ngau bangsa IBAN DAYAK..?….sapa bagi kitai iban udah nyadi JUTAWAN..padah ka nma?….ni company kitai iban(iban oil&gas pte ltd) ka ngau ba pengawa OIL&GAS?….padah ka nma company nyak…aku ka apply kja dia,ngambi aku ulih pulai ka menua,lalu kja ba company bansa iban empu …….minta saut nn AYA DAYAKLAMA…?
dayaklama on November 11th, 2009 11:56 am

uchu keling enggau icitlanglabang,

Kami DL madah ngagai kita DB, kita salah tempat endor madah ka diri ringat engai ngundi BN. Baca nuan utai tulis aku di atasnya enggau silik agi.
Aku madah kita DB ngundi DAP di negeri ba sitak orang BN, nya salah endor kita register.
Baka nuan icitlanglabang enggau bini nuan pen salah alai ngundi laban pulai ke rumah panjai, sigi temu sitak kuat orang BN ga.
Nyadi baka kita ke enggai ka BN sepatut ia ke diatu pindah ke Pulau Pinang lalu register din. Di pulau Pinang nyin baru betul tempat kita ngundi.
icitlanglabang on November 11th, 2009 5:39 pm

Dayaklama…..aku ngundi ba sitak selangau,ngai aku ngundi di bukai…. sekali nda agi election alah BN dia,tu suba ukai nma laban agi bau-bau parti dayak suba…..ila nn mda aya dayaklama…….hahahaha….idup dayakbaru….mati dayak lama…..kah…kah..kah.
IBAN TATAU on November 12th, 2009 2:50 pm

Endang betul BN nolong ngemansang ka orang rumah panjai lalu meri sida projek tang sedar kita kitai tepasa mayar pemansang tu enggau tanah kitai.Ngambi ka cunto ya,kami di TATAU dtu tepasa mayar pemansang ti dibai BN enggau tanah kami.Tanah kami diambi kompeni lalu dibayar enggau rega ti mit.Patut ka kitai mayar pemansang enngau tanah kitai?Udah abis duit ya ke dibayar nya ila dini endul kitai ngiga baru deh?Sanggup enda sanggup tepasa meh kitai keluar bekereja di nengeri.Enti BN amat amat manah nama kebuah sida ya enggai meri kitai pala tanah ngambi nyamai kitai deka ngemansang ka tanah kitai.Aku ka nanya semua kita,nama penguntung jangka panjai ya ka kala diberi BN ari projek sida?Projek atap rumah?Berapa taun aja atap nya nakal bebanding enggau enti sida meri kitai pala tanah.Projek skim sawit?Berapa ribu iku peserta ti ya ke nerima bayar ti setimpal.Projek kayu kertas baka ba Tatau?Berapa ajalah bayar tanah nya.Udah la tanah nya empu kompeni.Enti BN amat manah nama kebuah sida nyual tanah kitai.Enti projek BN amat amat nguntung ka bansa kitai nama kebuah mayuh amat orang madah ke diri ditipu perintah.Enti nya bula enda patut mayuh amat meri cerita bakanya.Ukai bc penguntung ngaga cerita bakanya.Pikir ke meh utai ko aku tu sebedau nyukung enggau ngririk BN.