Selamat Gawai Dayak 2010
Nuju semua pemaca blog Dayakbaru.com, aku ngarika raban Dayakbaru meri Selamat Gawai Dayak 2010.
Sa, dua, tiga, empat, lima, enam, tuuuuuujuh!
Enda aku busong ngelangkah gunong,
Enda aku tulah ngelangkah tanah,
Enda aku danjan ngelangkah bulan,
Enda aku tumbang ngelangkah bintang!
Kaki aku udah bediri di segi besi belumpong,
Nyawa aku nyapa nyembah di klasah tikai bedong long.
Lengan kanan aku ditanggam beringan lanchum selong,
Pala aku di-bap singkap jalong jabong,
Blakang aku ditinggang seludang baju burong.
Laban aku tu ukai mungkal ukai nanjal,
Aku tu endang niti endang nali,
Baka ijok tampung penduk,
Baka rutan tampung danan,
Baka ira tampung lemba,
Baka wi tampung tali.
Pecah periuk tanah ganti periuk tani,
Padam bulan diganti matahari,
Parai orang ka tuai ganti tubuh kami,
Pambu orang ka dulu ganti kami ka dudi.
Kami tu deka ngintu gawai dayak,
Nitih ka pekat, ngimbai adat menoa Sarawak,
Ngibun durok kitai bansa,
Negi ka menira adat ugama menoa Malaysia,
Ngambika tampak rita idup bersama di mata dunya.
O….Hoi!
Nya baru aku ngangkat ka kita ke lama udah timpat,
Tinggang urat sebangki api.
Tu baru aku nyungkang kita ke lama udah tumbang,
Tinggang batang tebelian wi.
Aku nyerungkai kita ke lama udah parai,
Keranjai indai imbok kedidi.
(Tu aku ngangau ka aki kami Sera Gunting,
Ke tau nemuai ngagai gensiring langit kuning.
Ngangau ka tuai benama Begeri,
Ke dulu ngajar kitai beguna ka atau babi,
Laban iya ba indai ka Dara Manis Muka.
Aku ngangau ka aki kami ke benama Sarapoh,
Tuai ke berani nyanda bunoh,
Ringka-ringka ngema benong benda menaga.
Aku ngangau ka Aki kami Pateh Ambau,
Ke datai ari Pangkalan Tabau,
Peling lanting tawang ulih menang bedagang.
Aku mega ngangau ka Gerasi Belang Pinggang,
Seduai Rukok ke Pematak Bala Nyerang.
Aku ngangau ka Petara Betie “Brauh Gumbang”,
Seduai Datu Patinggi Gurang.
Aku ngangau ka Petara Jalir, Petara Gisang,
Petara Geringu, Petara Sumbang.
Aku ngangau ka Petara Gerijih Ai Marang,
Seduai Bangkam ke ngaram ka sampan buong Rajang.
Aku ngangau ka Tindin Pimpin Bragah Ngindang,
Seduai Entingi Keti Aur Tulang.
Aku ngangau ka Rekaya Tom Tajai Ngindang,
Enggau tuai entanak benama Unggang.
Ngangau ka Petara Uyut benama Bedilang,
Petara Atin apai Saang,
Petara Sabok Apai Mang,
Orang Kaya Dana Bayang,
Enggau Chulo bejulok Tarang.
Orang ngasoh aku ngambi ngabang,
Ngambi mansang,
Ngambi makai,
Ngambi nandai !)
Kita ka ari ili datai sabuah barong,
Kita ari ulu undor sabuah buong.
Kita ari langit nilik naka rekong,
Kita ari tanah nyengok naka punggong.
Ngabang abis, ngabang lengis,
Betambit pintu, bekaling alu,
Bekaling lantai, bekesai tikai.
Aku ukai ngangau ngapa, ukai ngangau pia,
Aku mai kita ngabang, mai kita mansang,
Mai kita makai, mai kita nandai.
Aku mai piring, mai ading,
Piring penganan, piring penyaran,
Piring Arak, Piring Tuak,
Udah sedia, udah nyengenda,
Ditikai wi, tikai peradani,
Ditikai rutan, tikai bemban.
Kita ke ngabang bakanya mega,
Anang tuboh puang, tuboh sabatang,
Anang mai tuboh murus, tuboh untus,
Tang mai ubat serangkap genap,
Mai batu teruba nemu,
Mai pengaroh gembar tuboh.
Anang engkah ngapa, engkah pia,
Engkah ba piring, engkah ba ading.
Ayan ka ba tegalan,
Lengka ka ba pedara,
Sikap ka di ketupat.
Ngambi ka kena peda, kena tela,
Kena iching, kena perening.
Awak ka kena genggam, kena simpan,
Kena sandoh, kena taroh,
Kena japai kena pegai.
Enggau sampi tu,
Aku Minta kami chelap-embab,
Minta gayu-guru,
Gerai-nyamai,
Bidik-lansik,
Betuah-belimpah,
Kaya-raja,
Aku minta tulang,
Minta pandang,
Minta iching,
Minta perening.
Awak ka kami mudah bulih duit, bulih ringgit,
Bulih padi, bulih puli,
Bulih reta, bulih tengkira,
Bulih setawak, bulih menganak.
Ngambi ka kami jelai rita, manah nama,
Nuchong baka bukit Rabong menoa,
Tinggi baka langit nungkat neraja,
Terang baka pandang bulan purnama.
Nya alai dinga ka kangau anak mensia, kangau anak uda,
Minta tulong, minta sukong kita.
Oooooohoi !!!
Leka sampi diambi ari blog http://gnmawar.wordpress.com
Ari aku,
Administrator Dayakbaru.com
Popularity: 23% [?]
Related posts:
- Bula! Bula! Bula! Di tulis: Dr. John Brian Anthony Aku tu nguji nulis...
- Messages for Gawai Dayak Written by: Dr. John Brian Anthony Gawai Dayak Greeting: Allow...
- Perambu Belanja 2010 Written by Dr. John Brian Anthony Pemuka Jako: Sapa2 ke...
- PROJEK PERINTAH Posted by Empelesik Sungai (Tu cherita kedai kopi, nadai besangkut...
Related posts brought to you by Yet Another Related Posts Plugin.
Comments
20 Responses to “Selamat Gawai Dayak 2010”
Leave a Reply
-
-
Total Hits
Inspirational word from gkm2020
Tabi Kaban Song Militant,
ULU KATIBAS BANJIR NADAI SEIKO ORANG PEMESAI NULONG—-NADAI OLIH BERGAWAI TAUN TU—–
Ba rh panjai ideologi Sorosnya enda olih guna. Ia ka diguna sida rh panjai tolong perintah leboh maia tusah. Tusah ti besai nuntung kitai ulu Katibas ia nya
i) Bah (banjir kilat)besai kena 2 Mei 2010;
2) Buah engkabang rega 50 sen sekilo
Leboh maia bah besai tu bisi 4 iti rumah ampoh. Ba Rh Nanga Chemandong ampoh sampai ngagai atap rumah panjai. Maioh keresa anjut lalu basah.
Kena 3/5/2010, dua iko tuai rumah negerepot ngagai DO di Song, tang DO nadai percaya, laban nadai gambar nyadi bukti. Nama meh DO kitai di Song paloi amat. Dini sida tuai rumah bisi camera.
Orang Chemandong laban kasak banjir, nadai pakaian rangkai enggau nadai beras diempa. Nasit bc orang rumah panjai menoa bukai meri beras. Maioh amat orang sakit celap anggat enggau cirit laban 2 ari ngena gari basah.
YB Member Parliamen enggau ADUN nadai nagabas. Nadai perhatin ngagai rakyat. Semina maia berpilih baru bisi ka ngabas orang rh panjai.
Nyau ari ke 3 udah banjir; baru chikgu ari SK Lubok Ipoh undur enggau camera lalu nge-show ngagai DO di Song, baru sida opis percaya. Tang penusah orang diulu udah balat amat.
Arap ka deh dia Song Militant mai perkara ke tinggi agi baka sida YB kitai.
Pasal buah engkabang, semina diempa babi aja.
Nya aja kaban.
All the best for the New Year.Demand quality education. Demand press freedom. Demand transparency.
Unggal Pem. Masam ak Engkuah,
Sinu ati ninga bala kaban kitai di Ulu Katibas udah kena penusah ampuh bah maia ka ngintu Gawai 2010 tu.
menua kita bisi bah besai maia pun bulan lima tu tadi tang menua bukai nadai bisi berita bah.Menua Kuching ditu benong kemarau sebulan tu.
Arap ka bala kita ulih ngadu ka diri empu maia kena tuntong penusah baka ti udah tu.Pelaba aku enti Bayakbaru ulih madu ka siko ngumpul DERMA kena mantu kaban maia penusah nadai salah.DJB pelaba aku engka bisi runding kena nulung bala Dayak ti tusah.
Nya aja arap ka bala kaban gerai maia Gawai tu.
Pem.Masam ak Engkuah + Bala Kaban
Selamat Hari Gawai. Gayu Guru Gerai Nyamai bala kaban.
Apuuuu….balat endar menoa kita Katibas Song dia nah kaban. Aku tu semina udah kala datai mudik ai Katibas angka Ng.Bangkit aja kaban, amat mar ai kita dia kaban, lebih agi enti ai langkang nah…
Mayoh endar penusah nah, udah ga 47 taun merdeka pigai Beend, angka ke diatu lalu empai terputar ga penusah kita dia nah, kasih endar ninga SEBANA kita kaban…. Kelebih agi maya ke pulai Gawai. Bah ni YBs kita dia dah kaban, nyau sakit ga, engka nya nyau ka nitih ke niang R.Lau kini!!?
Enggi kami belah Ulu Kanowit kitu penusah jalai lichin ga maya ari ujan, tak tat ke bakanya meh kaban. Amat ngarap ke bala rebak Baru ulih ngubah menoa kitai tu meh s.election tu ila.
Taja pia amat ngarap ke semua KITAI IBAN bulih utai meh maya Taun Baru tu ila kaban. Tu benong nyemelih kaki 4 tu kaban…
Mupok kaban. Idup Iban Idup Dayak. OOhhaa……
Enda aku nemu menua kitai di song bisi bah pun bulan lima tu tadi.Gawai taun tu enda meh pulai.
Ni aya kita Besurik ak Enturun(Belikau)enda nolong orang ke penusahnya dah.Nyangka ia enda di calon ke orang bepilih negeri ke ka datai tu ila,nya ia enda ibuh ke orang tusah.
Selamat Hari Gawai Dayak 2010 ke semua.
Gayu Guru Gerai Nyamai.
Enda tentu betul leka sampi ba poster Gawai di atas nya “meruan ke menoa” – enda kala aku ninga leka sampi munyi nya, kada enda mai reti “nguan menua”? Sepil ti betul “menua”.
Bejimat enti ngena poster diambi ari dalam lawang internet laban mayuh poster ti digaga bala nembiak rebak baru mai reti leka jaku Iban ti mayuh bendar udah jauh limpang. Enti ulih manah agi ngaga kediri.
Ooo…Haaa…(3x)
Mansang Dayak
SELAMAT GAWAI, SIRAMAT ONDU GAWEI……..
Ngagai semua kaban dayak di tiap genap menoa. Ngarap ka kitai ulih muka runding enggau pikir kitai leboh maya kita begempuru enggau diri sebilik/kaban, lalu mikir ka utai ti tau ngemansang ka pendiau enggau pengidup tiap-tiap iko bansa kitai.
Anang kitai kelalu ricah, kelalu ragak jako tinggi leboh maya Gawai mantai ke ulah serta perangai ti enda patut dipeda bala nembiak rebak baru. Pengawa ngirup ai bisa (ARAK) tau dikurang tau ke ketu ke kitai ngambi ka pulai ke pengerai kitai empu.
Ba penemu aku cara kitai ngintu Gawai patut diubah laban pengawa ke dikembuan kitai bisi enda tentu manah dipeda lalu dikemeli ke bansa bukai.
Aku maioh enda tentu setuju enggau cara kitai ke ngintu Gawai nyau lebih ari penatai pemisi kitai empu, maioh tebasau. Belanja kitai nadai besekat, utai penting ke masa depan anak kitai enda tentu dikiboh ka…nya meh utai tau mai pengerugi ka masa depan bansa kita jemah.
Maioh menoa kitai Iban udah dipeda aku tak nadai tentu bisi atur pengawa rami maya Gawai…adat maian asal kitai udah maioh lemas lalu enda dikembuan ke nembiak rebak baru. Penyalah tu bepangai ba urang tuai ke enda tentu ngemeran ka pengawa tradisi kitai.
RUMUSAN:
Persatuan NGO /tuai raban bansa kitai patut ngubal adat serta atur kitai ngintu Gawai, pengawa main asal patut dikemeran ka kitai. Bala sida ke tuai mesti nyadi ‘role model’ ngagai nembiak rebak baru ngambi identity bansa kitai enda pudar serta LEMAS di telan masa.
Nya aja….minta ampun enti bisi kasar basa
HAPPY GAWAI to all Dayakbaru warriors…strike it hard with our unfinished agendas!!!
selamat gawai ngagai bala semua….
engau peluang to aku ngajih ka petara nyankung kitai bansa pengudah ngintu pedara’ gawai taun to’ngajih ke kitai gayu guru gerai nyamai meh…
unggal pmae,…ba hal betulung ka kitai katibas tik kena tasah, YB kitai katibas nda entu ibuh ia laban maianya nadai puco2…rh ke ampuh bahnya, rh indo simpan ianya, nyameh sampai sari to indunya meragai, urang tusah enda meh ia nyenguk jauh ka nulong, nya meh badas2 kitai katibas bepilih sekalito ila..
unggal semua entik bisi nyenguk ka song/katibas ngabang ngagai aku ng.bangkit kena 17/6/10.aku laun mimit ngintu gawai laban nganti pemulai bekuli menua orang lalu maianya aku bisi nesau bala kitai katibas ngabang sapa ke deka bejuraika baka ni cara kitai jampat mai pemansang ngagai menua kitai kulu katibas alu beserimbainya aku angka bisi ngangauka FRANKIE BEDINDANG enti ia bisi ari..
Bisi 33 iko hantu net dalam senarai dayaklama.
Nadai begawai kita hantu net?
Kami di Pantu baru abis betanding karaoke di bai Snowdan. Statu ikan tapah ba simpang Pantu ditulis orang ” BN NIPU “.
” Selamat Hari Gawai Dayak “
selamat gawai ngagai kitai bangsa dayak
Sa, dua, tiga, empat, lima, enam, tuuuuuujuh!
Enda aku busong ngelangkah gunong,
Enda aku tulah ngelangkah tanah,Enda aku danjan ngelangkah bulan,
Enda aku tumbang ngelangkah bintang!
selamat hari gawai 2010,
pia ko rintai taun ribai ka datai gilik tasik besai sabung gumbang,
lalu gaga anak raja uda ninga hari gawai dah datai dia sida lalu ngaga piring lima
minta peda minta tela minta icing
minta perening ngambi tuah tau nambah ba tapa jari nasit bc nyelit d tumbit kaki,
ngangau ka juntan datai ari reni ai pasang raya, keling datai ari siring ati nabau orang ka mankang kubau panggau raja,
ngambi kami tindok bulih tanduk kerengit lima kali bepangga berbelit nya batu pengait kena narit duit ringgit mata wang pengumbai barang, nya baru ngangau manang jayan ngambi suman belama lama gayu ko senturu gerai ko sempandai raja kaya ko anda mara …o…ha….
[...] Dyaksblog would like to wish everyone a very Happy Gawai DAP-yak 2010! Probably the ‘best’ gift to Yang Dikasihi so far is the DAP’s win [...]
Nadai gula ko bala di ulu din.
Lapa kenyak kini?
Nama alu nadai ragak bala dalam Pbb ka ngasoh TM ngundur kediri, baka dalam Mic diatu? Takut amat bala dlm Pbb nyak!
Selamat Gawai Dayak Gayu Guru Gerai Nyamai ngagai semua. My hopes for this year.
1. The one who has been working for others will make up his or her mind to open up his or her own business.
2. The one who has diploma will for for degree, while the one who has degree will go for master degree and the one who has master degree will go for phd.
3. Compete positively among us. Support each other and share knowledge in order to ensure the existence of Dayaks in the eyes of the world.
4. More thinkers will be produced as thinkers cannot be stupified by LIARS.
selamat hari gawai dayak ke DJB sereta bala ke bisi mansa ba blog tu.
Bala kaban.
Nama nyau nadai bala tu kaban, enda patut ketegal gawai lalu nadai ga bala mai berita, iga bala nyau mabuk magang pia kaban, aku ngirup meh tang enda ga datai ke mabuk.
Bala kaban berapa iku bala rebak baru udah enggau berandau lalu madah ke bala sida anang enda ngerijista diri ngundi. Bisi meda program Gawai ba TV1 kaban, semina 20 minit aja, nama reti? Bisi meda bala YDK, cm & tyt nemuai ke Rumah Panjai maya gawai bala kaban?
Uji ti maya kongsi pan sai, ari raya apus menoa sarawak tu endor sida datai ngabang kaban kaban, dia kitai nemu baka ni gaya bansa kitai?
Selamat Ari Gawai. Mupok kaban. Idup Iban Idup Dayak. OOhhaa…..
Bala Kaban.
Bisi bala kita meda Rami Gawai pansut ba TV? Aku berati nadai lalu kaban kaban, kemari 2/6 ke pansut nyau Gawai bala sida Lun Bawang. Ba 1/6 ka semina 5 minit aja ruang Iban. Dia kitai ari bala ke biak datai ke tuai, kelebih agi bala YBs Iban patut BERATI ke utai tu.
Peda bala kaban bala YBs semina ngabang ngagai YBs aja, bisi sida ngabas rumah panjai, bisi semina siku-dua aja. Bisi berati ke sida tyt, cm ngabang ke rumah panjai IBAN seluruh sarawak? Nadai kaban….kaban….
Ila kitai BERATI ke bala kaban maya Hari Raya enggau Tahun Baru Cina kitai meda bala YBs, tyt & cm ngabang start ari Limbang datai ke Kuching. Tudah tyt nyau seput-seput ulih ngiring empa pemendar iya ngabang ngagai Cina & Laut wai wai.
Dia jelas bala kitai BERATI ke kaban, bala kitai Iban semina diguna bala sida maya ke NGUNDI aja wai wai, laban enggai ke beend alah. Kelimpah ari nya nadai orang ibuh ke kitai, LU LU SAYA SAYA..wai wai MALU MALU MALU……..bala YBs.
Ni dayaklama. What Say You? Pama sida nadai ibuh ke kitai Iban bakani orang ka ngelala kitai Iban dah kaban, dayaklama..?
Mupok kaban. Idup Iban Idup Dayak. OOhhaa…..
Bala Kaban.
Today’s Borneo Post( June 3rd 2010 ), an interesting reading ‘Gayu Guru Gerai Nyamai’ by Mr.Sim Kwang Yang. Bala Kaban, to me We Iban MUST READ & DIGEST this special ARTICLE by Mr.Sim KY & then THINK about it SERIOUSLY. Any way, TQ Mr.Sim for your special writing in today’s paper. With that hopefully all Ibans understand the REAL WORLD.
Peda bala kaban, orang bukai MEDA ni gaya pengidup kitai Iban ngelama tu. Nasib kaban Mr.Sim KY bisi nulis ba paper sari tu kaban kaban. Kitai Iban empu maioh ke NADAI MEDA Gaya Pengidup Kitai Iban kelebih agi YBs kitai Iban. Bacha manah ke bala kaban. Enti ulih PANSUT ke dalam Blog tu.
Mupok Kaban. Idup Iban Idup Dayak. OOhhaa……
Bala Kaban.
Nama komen aku tadi ngenang berita ke pansut ba B.Post nadai ayan ditu dah kaban? Enti komen aku nadai REGA ditu ngambi aku berandau ba blog PM ga, tau ke blog bukai. Nadai reti ga aku muai jam ngerunding leka jako ke patut udah nya enda diterima ditu. Taja pan aku BEGAWAI tang aku enggai tinggal BERITA terkini.
Mupok kaban.
Pencorobohan kapal MM yang ditaja Malaysia untuk menyalurkan bantuan pri-kemanusian dan maklumat pemberita pada May 30, 2010 di perarain Gaza oleh Israel amat dikesali apa lagi perbuatan itu dilakukan sehari sebelum Hari Keamatan dan Hari Gawai yang dirayai oleh segelintir masyarakat bukan Muslim Bumiputra di Malaysia.
Seolah-olah ada pihak yang tidak bertanggungjawap merancang tindakan itu sempena hari tersebut yang ingin menggunakan kesempatan atas kekerohan politik diantara rakyat bukan Muslim bumiputra di Sabah-Sarawak dengan kerajaan.
Walaupun insiden ini bukan suatu rancangan atau tindakan terancang tapi iya sudah tentu dengan sendiri nya ada persepsi tersendiri. Oleh itu kita rakyat Malaysia harus bekerjasama mengutuk insiden tersebut apa lagi apabila ia berkaitan dengan dasar pri-kemanusian.
Sikap rakyat Malaysia terutamanya bekas Perdana Mentri kita Tun MM yang sentif dengan apa jua tindakan mana-mana pihak yang melampau menjerumus keganasan atas dasar pri-kemanusian amat kita agongkan.
Dengan ini, amat diharapkan sikap prihatin rakyat Malaysia atas keganasan regim zionese ini dapat dipraktikan kepada rakyat nya sendiri seperti Rumah Nor yang diceroboh dengan bulldozer pada siang hari semasa penghuni anak kecil masih di dalam rumah sebelum X-Mas tahun lalu dan beberapa isu sensitive yang berkaitan dengan dasar pri-kemanusian khasnya mengenai isu tanah NCR di Sarawak.
Jangan kita bersikap berteriak atas keganasan di tempat orang tapi menuding jari atas keganasan di tempat sendiri. Takut-takut orang menyatakan kita hanya pandai menjaga tepi kain orang lain.
Selamat Hari Keamatan dan Hari Gawai serta Selamat Ngiling Bidai.